ಬೆಂಗಳೂರು, ನ.9- ಐಸಿಸಿ ಪ್ರಕಟಿಸಿದ ನೂತನ ಶ್ರೇಯಾಂಕ ಪಟ್ಟಿಯಲ್ಲಿ ಯುವ ಆಟಗಾರ ನಂಬರ್ 1 ಬ್ಯಾಟ್ಸ್‍ಮನ್ ಆಗಿ ಹೊರ ಹೊಮ್ಮಿದ ಸುದ್ದಿಗಿಂತ , ಸಾರಾ ತೆಂಡೂಲ್ಕರ್ ಅವರು ಗಿಲ್‍ಗೆ ಶುಭಾಶಯ ಕೋರಿರುವುದು ಭಾರೀ ಸದ್ದು ಮಾಡುತ್ತಿದೆ.
ಪಾಕಿಸ್ತಾನದ ನಾಯಕ ಬಾಬರ್ ಆಝಮ್‍ರನ್ನು ಹಿಂದಿಕ್ಕಿ ಒಡಿಐನ ನಂಬರ್ 1 ಆಗಿ ಗಿಲ್ ಹೊರಹೊಮ್ಮುತ್ತಿದ್ದಂತೆ ಗಾಡ್ ಆಫ್ ಕ್ರಿಕೆಟ್ ಖ್ಯಾತಿಯ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ಅವರ ನಕಲಿ ಪರೋಡಿ ಎಕ್ಸ್ (ಟ್ವಿಟ್ಟರ್) ಖಾತೆಯು ಶುಭಮನ್ ಗಿಲ್ ಅವರ ಚಿತ್ರದೊಂದಿಗೆ ಟ್ವೀಟ್ ಮಾಡಿದ್ದು, ಇದರಲ್ಲಿ ಲವ್ ಮತ್ತು ಕಿಸ್ ಇಮೋಜಿಗಳನ್ನು ಬಳಸಲಾಗಿದೆ.
ಇದು ಸಾರಾ ತೆಂಡೂಲ್ಕರ್ ಅವರ ಅಧಿಕೃತ ಟ್ವಿಟ್ಟರ್ ಖಾತೆಯಲ್ಲ ಎಂದು ಹೇಳುತ್ತಿದ್ದರೂ, ಸಾರಾ ತೆಂಡೂಲ್ಕರ್ ಪರೋಡಿ ಖಾತೆಯು ಬ್ಲೂ ಟಿಕ್‍ಗೆ ಮಾನ್ಯತೆ ಪಡೆದಿದೆ. ಶುಭಮನ್ ಗಿಲ್ ಹಾಗೂ ಸಾರಾತೆಂಡೂಲ್ಕರ್ ಅವರ ಮಧ್ಯೆ ಖುಲ್ಲಾ ಖುಲ್ಲಾ ಪ್ರೇಮವಿದ್ದು ಇಬ್ಬರು ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ವದಂತಿಗಳು ಹರಡಿರುವಾಗಲೇ, ಸಾರಾ ತೆಂಡೂಲ್ಕರ್ ಅವರ ಪರೋಡಿ ಖಾತೆಯು ಹಾಕಿರುವ ಲವ್ ಇಮೋಜಿಯು ಇಬ್ಬರ ನಡುವಿನ ವದಂತಿಗಳಿಗೆ ಮತ್ತಷ್ಟು ರೆಕ್ಕೆಪುಕ್ಕಗಳನ್ನು ನೀಡಲಿದೆ.
ನನ್ನ ಪ್ರಕಾರ ಭಾರತ ಮತ್ತು ಪಾಕಿಸ್ತಾನ ಸೆಮಿಫೈನಲ್‍ : ಗಂಗೂಲಿ
ಅಂದಹಾಗೆ ಟೀಮ್ ಇಂಡಿಯಾ ಪರ ಐಸಿಸಿ ಒಡಿಐ ರ್ಯಾಂಕಿಂಗ್‍ನಲ್ಲಿ ನಂಬರ್ 1 ಬ್ಯಾಟ್ಸ್‍ಮನ್ ಪಟ್ಟವನ್ನು ಈ ಹಿಂದೆ ಸಚಿನ್ ತೆಂಡೂಲ್ಕರ್, ಮಹೇಂದ್ರ ಸಿಂಗ್ ಧೋನಿ, ವಿರಾಟ್ ಕೊಹ್ಲಿ ಅವರು ಕೂಡ ಸಾಕಷ್ಟು ಬಾರಿ ಅಲಂಕರಿಸಿದ್ದರು. ಈಗ ಪ್ರಿನ್ಸ್ ಗಿಲ್ ಅವರು ವಿಶ್ವ ಶ್ರೇಷ್ಠ ಬ್ಯಾಟರ್ ಆಗಿ ಅಪತ್ಯ ಸ್ಥಾಪಿಸಿದ್ದಾರೆ.