ಇಂಫಾಲ , ಅ. 13 (ಪಿಟಿಐ) ಮಣಿಪುರದ ಇಂಫಾಲ ಪಶ್ಚಿಮ ಜಿಲ್ಲೆಯಲ್ಲಿ ನಿಷೇಧಿತ ಉಗ್ರಗಾಮಿ ಸಂಘಟನೆ ಪೀಪಲ್ಸ್ ರೆವಲ್ಯೂಷನರಿ ಪಾರ್ಟಿ ಆಫ್ ಕಾಂಗ್ಲೀಪಾಕ್ (ಪ್ರೀಪಾಕ್) ಇಬ್ಬರು ಕಾರ್ಯಕರ್ತರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 34 ಮತ್ತು 18 ವರ್ಷ ವಯಸ್ಸಿನ ಇಬ್ಬರು ಕೇಡರ್‌ಗಳು ರಾಜ್ಯದ ರಾಜಧಾನಿ ಇಂಫಾಲ್‌ನಲ್ಲಿ ಉದ್ಯಮಿಗಳನ್ನು ಸುಲಿಗೆ ಮಾಡುವಲ್ಲಿ ತೊಡಗಿದ್ದರು ಎಂದು ಆರೋಪಿಸಲಾಗಿದೆ.
ಬಂಧನದ ವೇಳೆ ಅವರ ವಶದಿಂದ ಎರಡು ಮೊಬೈಲ್ – ಫೋನ್ ಗಳು ಮತ್ತು ದ್ವಿಚಕ್ರ ವಾಹನವನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಭೂಗತ ಗುಂಪುಗಳಿಂದ ದ ಹೆಚ್ಚುತ್ತಿರುವ ಸುಲಿಗೆ ಪ್ರಕರಣಗಳನ್ನು ಎದುರಿಸಲು ರಾಜ್ಯ ಸರ್ಕಾರವು ಇತ್ತೀಚೆಗೆ ಸುಲಿಗೆ ವಿರೋಧಿ ಸೆಲ್ ಅನ್ನು ಸ್ಥಾಪಿಸಿದೆ.
ಕಳೆದ 16 ತಿಂಗಳುಗಳಲ್ಲಿ ಸುಲಿಗೆ ಅಭೂತಪೂರ್ವ ಮಟ್ಟವನ್ನು ತಲುಪಿದೆ, ವಿಶೇಷವಾಗಿ ಕಳೆದ ವರ್ಷ ಮೇನಲ್ಲಿ ಜನಾಂಗೀಯ ಹಿಂಸಾಚಾರ ಸೋಟಗೊಂಡ ನಂತರ ಐಜಿಪಿ (ಗುಪ್ತಚರ) ಕೆ ಕಬೀಬ್ ಈ ಹಿಂದೆ ಹೇಳಿದ್ದರು. ಸುಲಿಗೆಕೋರರು ಪೊಲೀಸ್ ಶಸ್ತ್ರಗಾರದಿಂದ ಲೂಟಿ ಮಾಡಿದ ಶಸ್ತ್ರಾಸ್ತ್ರ ಬಳಸುತ್ತಿದ್ದಾರೆ ಎಂದು ಶಂಕಿಸಲಾಗಿದೆ.
ಮೇ 3, 2023 ರಿಂದ ಮೈಟೆಯಿ ಮತ್ತು ಕುಕಿ ಸಮುದಾಯಗಳ ನಡುವಿನ ಘರ್ಷಣೆಯಲ್ಲಿ 200 ಕ್ಕೂ ಹೆಚ್ಚು ಜನರು ಕೊಲ್ಲಲ್ಪಟ್ಟರು ಮತ್ತು ಸಾವಿರಾರು ಜನರು ನಿರಾಶ್ರೀತರಾಗಿದ್ದಾರೆ . ಅಂದಿನಿಂದ ಹಲವಾರು ಪೊಲೀಸ್ ಶಸ್ತ್ರಾಸ್ತ್ರಗಳನ್ನು ಲೂಟಿ ಮಾಡಲಾಗಿದೆ.