ಅಮ್ಮಾನ್‌ (ಜೋರ್ಡಾನ್‌ ), ಆ.21-ಇಲ್ಲಿ ನಡೆಯುತ್ತಿರುವ 17ವರ್ಷದೊಳಗಿನ ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ರೋನಕ್‌ ದಹಿಯಾ ಕಂಚಿನ ಪದಕ ಗೆದ್ದಿದ್ದಾರೆ.
ಕಂಚಿನ ಪದಕದ ಪ್ಲೇ-ಆಫ್‌ನಲ್ಲಿ, ಪ್ರಸ್ತುತ ತಮ ವಯೋಮಾನದ ತೂಕ ವಿಭಾಗದಲ್ಲಿ ವಿಶ್ವದ ಎರಡನೇ ಶ್ರೇಯಾಂಕಿತ ರೋನಕ್‌,ಟರ್ಕಿಯ ಎಮ್ರುಲ್ಲಾ ಕ್ಯಾಪ್ಕನ್‌ ವಿರುದ್ದ 6-1ರ ಅಂತರದಿಂದ ಲೀಲಾಜಾಲವಗಿ ಮಣಿಸಿದ್ದಾರೆ.ಚಾಂಪಿಯನ್‌ಶಿಪ್‌ನಲ್ಲಿ ಭಾರತಕ್ಕೆ ಇದು ಮೊದಲ ಪದಕವಾಗಿದೆ.
ಇದಕ್ಕೂ ಮೊದಲು, ರೋನಕ್‌ ಸೆಮಿಫೈನಲ್‌ನಲ್ಲಿ ಹಂಗೇರಿಯ ಝೋಲ್ಟಾನ್‌ ಝಾಕೊ ವಿರುದ್ಧ ಸೋತಿದ್ದರು. ಈ ವಿಭಾಗದಲ್ಲಿ ಉಕ್ರೇನ್‌ನ ಇವಾನ್‌ ಯಾಂಕೋವ್‌ಸ್ಕಿ ಅವರು ಚಿನ್ನವನ್ನು ಗೆದ್ದರು, ಅವರು ತಾಂತ್ರಿಕ ಶ್ರೇಷ್ಠತೆಯ ಬಲದಿಂದ 13-4 ರಿಂದ ಸಿಜಾಕೊ ಅವರನ್ನು ಸೋಲಿಸಿದರು.
ಮತ್ತೊಬ್ಬ ಕುಸ್ತಿ ಪಟು ಸಾಯಿನಾಥ್‌ ಪಾರ್ಧಿ ಇನ್ನೆರಡು ಪಂದ್ಯ ಗೆದ್ದರೆ 51 ಕೆಜಿ ರಿಪಿಚೇಜ್‌ನಲ್ಲಿ ಭಾರತಕ್ಕೆ ಎರಡನೇ ಪದಕದ ಅವಕಾಶವಿದೆ. ಅವರು ಮೊದಲು ಯುನೈಟೆಡ್‌ ಸ್ಟೇಟ್‌್ಸನ ಡೊಮಿನಿಕ್‌ ಮೈಕೆಲ್‌ ಮುನಾರೆಟ್ಟೊ ವಿರುದ್ಧ ಕಣಕ್ಕಿಳಿದಿದ್ದಾರೆ ಮತ್ತು ಅವರು ಪಂದ್ಯವನ್ನು ಗೆದ್ದರೆ ನಂತರ ಅವರು ಅರ್ಮೇನಿಯನ್‌ ಸರ್ಗಿಸ್‌ ಹರುತ್ಯುನಾನ್‌ ಮತ್ತು ಜಾರ್ಜಿಯಾದ ಯೂರಿ ಚಾಪಿಡ್ಜೆ ನಡುವಿನ ಪಂದ್ಯದ ವಿಜೇತರೊಂದಿಗೆ ಕಂಚಿನ ಪದಕದ ಪ್ಲೇ ಆಫ್‌ನಲ್ಲಿ ಹೋರಾಡುತ್ತಾರೆ ಎಂದು ಭಾರತೀಯ ತರಬೇತುದಾರರು ಹೇಳಿದ್ದಾರೆ.