ಲಂಡನ್‌, ಜುಲೈ 30-ಇಂಗ್ಲೆಂಡ್‌ನ ಸೌತ್‌ಪೋರ್ಟ್‌ ನಗರದ ಸಮುದಾಯ ಕೇಂದ್ರದಲ್ಲಿ ದುಷ್ಕರ್ಮಿ ಚಾಕುವಿನಿಂದ ದಾಳಿ ನಡೆಸಿದ ಪರಿಣಾಮ ಇಬ್ಬರು ಮಕ್ಕಳು ಸಾವನ್ನಪ್ಪಿ ,9ಮಂದಿ ಗಂಭೀರವಾಗಿ ಗಾಯಗೊಂಡಿದ್ದರೆ.
ನಗರದ ಹಾರ್ಟ್‌ ಸ್ಟ್ರೀಟ್‌ನಲ್ಲಿರುವ ಟೇಲರ್‌ ಸ್ವಿಫ್ಟ್ ನಲ್ಲಿ ನೃತ್ಯ ಕಾರ್ಯಕ್ರಮಕ್ಕೆ ಹಾಜರಾಗಿದ್ದ ಮಕ್ಕಳ ಮೇಲೆ ವೇಲ್ಸ್ ಮೂಲದ 17 ವರ್ಷದ ದುಷ್ಕರ್ಮಿ ಚೂರಿಯಿಂದ ದಾಳಿ ನಡೆಸಿದ್ದಾನೆ 13ಮಕ್ಕಳಿಗೆ ಇರಿತದ ಗಾಯಗಳಾಗಿದ್ದು ಅದರಲ್ಲಿ ಆರು ಮಕ್ಕಳ ಸ್ಥಿತಿ ಗಂಭೀರವಾಗಿದೆ.
ಏಕಾಏಕಿ ಚಾಕು ಹಿಡಿದುಕೊಂಡು ಆತ ಆವರಣಕ್ಕೆ ನುಗ್ಗಿ ದಾಳಿ ನಡೆಸಿದ್ದಾನೆ ನಂತರ ಆತನನ್ನುಬಂಧಿಸಲಾಗಿದೆ ಎಂದು ಸ್ಥಳೀಯ ಮರ್ಸಿಸೈಡ್‌ ಪೊಲೀಸರು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.ಮಕ್ಕಳನ್ನು ರಕ್ಷಿಸಲು ಪ್ರಯತ್ನಿಸಿದವರ ಮೇಲೂ ಏರಗಿದ ದುಷ್ಕರ್ಮಿ ಇರಿದಿದ್ದಾನೆ ಇದರಲ್ಲಿ ಇಬ್ಬರು ವಯಸ್ಕರ ಸ್ಥಿತಿಯೂ ಗಂಭೀರವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಸೌತ್‌ಪೋರ್ಟ್‌ನಲ್ಲಿ ನಡೆದ ಸಂಪೂರ್ಣ ಭೀಕರ ಘಟನೆಯನ್ನು ಕೇಳಿ ನನ್ನ ಹೆಂಡತಿ ಮತ್ತು ನಾನು ತೀವ್ರವಾಗಿ ಆಘಾತಕ್ಕೊಳಗಾಗಿದ್ದೇವೆ ಎಂದು ಬಕಿಂಗ್‌ಹ್ಯಾಮ್‌ ಅರಮನೆ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ ರಾಜ ಚಾರ್ಲ್ಸ್ ಹೇಳಿದ್ದಾರೆ.
ನಾವು ಅತ್ಯಂತ ದುರಂತವಾಗಿ ತಮ್ಮ ಜೀವನವನ್ನು ಕಳೆದುಕೊಂಡವರ ಕುಟುಂಬಗಳು ಮತ್ತು ಪ್ರೀತಿಪಾತ್ರರಿಗೆ ಮತ್ತು ಈ ನಿಜವಾದ ಭಯಾನಕ ದಾಳಿಯಿಂದ ಪೀಡಿತರಾದ ಎಲ್ಲರಿಗೂ ನಮ್ಮ ಅತ್ಯಂತ ಹೃತ್ಪೂರ್ವಕ ಸಂತಾಪ, ಪ್ರಾರ್ಥನೆ ಮತ್ತು ಆಳವಾದ ಸಹಾನುಭೂತಿಗಳನ್ನು ಕಳುಹಿಸುತ್ತೇವೆ ಎಂದು ಅವರು ಹೇಳಿದರು.
ಮರ್ಸಿಸೈಡ್‌ ಪೊಲೀಸ್‌ ಮುಖ್ಯ ಕಾನ್ಸ್ ಟೇಬಲ್‌ ಕೆನಡಿ, ಅಧಿಕಾರಿಗಳು ಆಗಮಿಸಿದಾಗ, ಹಲವಾರು ಮಕ್ಕಳು ಉಗ್ರ ದಾಳಿಗೆ ಒಳಗಾದರು ಮತ್ತು ಗಂಭೀರವಾಗಿ ಗಾಯಗೊಂಡಿರುವುದನ್ನು ಕಂಡು ಅವರು ಆಘಾತಗೊಂಡರು ಎಂದು ಹೇಳಿದರು. ಈ ಆರಂಭಿಕ ಹಂತದಲ್ಲಿ ಶಂಕಿತನ ಉದ್ದೇಶ ಅಸ್ಪಷ್ಟವಾಗಿದೆ, ಆದರೆ ತನಿಖೆಯನ್ನು ಭಯೋತ್ಪಾದನೆಗೆ ಸಂಬಂಧಿಸಿಲ್ಲ ಎಂದು ಹೇಳಿದರು. ಈ ಬೀಕರ ದಾಳಿಯಿಂದ ಇಡೀ ದೇಶವು ಆಘಾತಕ್ಕೊಳಗಾಗಿದೆ ಎಂದು ಬ್ರಿಟಿಷ್‌ ಪ್ರಧಾನಿ ಕೀರ್‌ ಸ್ಟಾರ್ಮರ್‌ ಹೇಳಿದ್ದಾರೆ.
ಚೆಷೈರ್‌ ಮತ್ತು ಮರ್ಸಿಸೈಡ್‌ನಲ್ಲಿರುವ ನಾರ್ತ್‌ ವೆಸ್ಟ್‌ ಆಂಬ್ಯುಲೆನ್ಸ್ ಸೇವೆಯು ಅರೆವೈದ್ಯರು ವಿನಾಶಕಾರಿ ದೃಶ್ಯವನ್ನು ನೋಡಿದಂತಾಯಿತು ಎಂದು ಹೇಳಿದರು. 13 ಮಕ್ಕಳನ್ನು ಆಲ್ಡರ್‌ ಹೇ ಮಕ್ಕಳ ಆಸ್ಪತ್ರೆ, ಮ್ಯಾಂಚೆಸ್ಟರ್‌ ಮಕ್ಕಳ ಆಸ್ಪತ್ರೆ, ಐಂಟ್ರೀ ಆಸ್ಪತ್ರೆ, ಸೌತ್‌ಪೋರ್ಟ್‌ ಮತ್ತು ರ್ಫೋಂಬಿ ಆಸ್ಪತ್ರೆ ಮತ್ತು ಓರ್ಮ್‌ಸ್ಕಿಕ್‌ ಆಸ್ಪತ್ರೆಗೆ ಕರೆದೊಯ್ಯಲು ಏರ್‌ ಆಂಬ್ಯುಲೆನ್ಸ್ ಗಳನ್ನು ಕೂಡ ಬಳಸಲಾಯಿತು.
ಸಶಸ್ತ್ರ ಅಧಿಕಾರಿಗಳು ಶಂಕಿತನನ್ನು ಬಂಧಿಸಿ,ಒಂದು ಚಾಕುವನ್ನು ವಶಪಡಿಸಿಕೊಂಡು ವಿಚಾರಣೆ ನಡೆಸುತ್ತಿದ್ದಾರೆ.