ಮುಂಬೈ, ಮೇ 26-ಭಾರಿ ಮಳೆಯ ಕಾರಣ ಆಚಾರ್ಯ ಅತ್ರೆ ಚೌಕ್ ಮತ್ತು ವರ್ಲಿ ನಡುವಿನ ಮೆಟ್ರೋ ಮಾರ್ಗ- 3 ರನ್ನು ಸ್ಥಗಿತಗೊಳಿಸಲಾಗಿದೆ. ಭಾರೀ ಮಳೆಯಿಂದಾಗಿ ಭೂಗತ ನಿಲ್ದಾಣವು ಜಲಾವೃತವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇಂದು ಬೆಳಿಗ್ಗೆ ಭೂಗತ ಆಚಾರ್ಯ ಅತ್ರೆ ಚೌಕ್ ನಿಲ್ದಾಣದಲ್ಲಿ ಪ್ರವಾಹ ವರದಿಯಾದ ನಂತರ ಮುಂಬೈ ಮೆಟ್ರೋ ರೈಲು ನಿಗಮ (ಎಂಎಂಆರ್‌ಸಿ) ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಬೇಕಾಯಿತು.
ಮೆಟ್ರೋ ನಿಲ್ದಾಣದೊಳಗಿನ ಪ್ರವಾಹವು 33 ಕಿಮೀ ಉದ್ದದ ಕೊಲಾಬಾ-ಬಿಕೆಸಿ-ಆರೆ ಜೆವಿಎಲ್‌ಆರ್ ಭೂಗತ ಮೆಟ್ರೋ ಕಾರಿಡಾರ್ ನಲ್ಲಿರುವ ಮೆಟ್ರೋ ನಿಲ್ದಾಣದ ನಿರ್ಮಾಣ ಗುಣಮಟ್ಟ ಮತ್ತು ಮುಂಗಾರು ಸಿದ್ದತೆಯ ಬಗ್ಗೆ ಕಳವಳ ವ್ಯಕ್ತಪಡಿಸಲಾಗಿದೆ.
ಎಂಎಂಆರ್‌ಸಿ ಹೇಳಿಕೆಯಲ್ಲಿ ಇಂದು ಹಠಾತ್ ಮತ್ತು ತೀವ್ರವಾದ ಮಳೆಯಿಂದಾಗಿ, ಡಾ. ಆನಿ ಬೆಸೆಂಟ್ ರಸ್ತೆಯ ಉದ್ದಕ್ಕೂ ಆಚಾರ್ಯ ಆತ್ರೆ ಚೌಕ್ ನಿಲ್ದಾಣದ ನಿರ್ಮಾಣ ಹಂತದಲ್ಲಿರುವ ಪ್ರವೇಶ/ನಿರ್ಗಮನ ರಚನೆಯಲ್ಲಿ ನೀರು ಸೋರಿಕೆಯಾಗಿದೆ ಎಂದು ವರದಿಯಾಗಿದೆ. ಪ್ರವೇಶ/ನಿರ್ಗಮನದಲ್ಲಿ ನಿರ್ಮಿಸಲಾದ ಆರ್‌ಸಿಸಿ ನೀರು-ಧಾರಣ ಗೋಡೆ ಕುಸಿದು ಈ ಘಟನೆ ಸಂಭವಿಸಿದೆ.
ಮುನ್ನೆಚ್ಚರಿಕೆ ಕ್ರಮವಾಗಿ ಮತ್ತು ಪ್ರಯಾಣಿಕರ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು, ವರ್ಲಿ ಮತ್ತು ಆಚಾರ್ಯ ಆತ್ರೆ ಚೌಕ್ ನಡುವಿನ ರೈಲು ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ ಮೆಟ್ರೋ ಲೈನ್ 3 ಮುಂಬೈನ ಮೊದಲ ಸಂಪೂರ್ಣ ಭೂಗತ ಮೆಟ್ರೋ ಮಾರ್ಗವಾಗಿದ್ದು, ಪ್ರಸ್ತುತ ಹಂತ ಹಂತದ ನಿರ್ಮಾಣ ಹಂತದಲ್ಲಿದೆ.