ಲಕ್ನೋ, ನ. 20 (ಪಿಟಿಐ) : ಉತ್ತರ ಪ್ರದೇಶದ ಒಂಬತ್ತು ವಿಧಾನಸಭಾ ಕ್ಷೇತ್ರಗಳಲ್ಲಿ ಇಂದು ನಡೆದ ಉಪ ಚುನಾವಣೆಯಲ್ಲಿ ಮತದಾರರು ಸರದಿ ಸಾಲಿನಲ್ಲಿ ನಿಂತು ಮತ ಚಲಾಯಿಸಿದ್ದಾರೆ.
ಕಟೆಹಾರಿ, ಕರ್ಹಾಲ್‌, ಮೀರಾಪುರ್‌, ಘಾಜಿಯಾಬಾದ್‌, ಮಜವಾನ್‌, ಸಿಸಾಮಾವು, ಖೈರ್‌, ಫುಲ್ಪುರ್‌ ಮತ್ತು ಕುಂದರ್ಕಿ ಕ್ಷೇತ್ರಗಳಲ್ಲಿ ಬೆಳಗ್ಗೆ 7 ಗಂಟೆಗೆ ಮತದಾನ ಆರಂಭವಾಯಿತು.
ಬೆಳಗ್ಗೆಯಿಂದಲೇ ಮತದಾನ ಕೇಂದ್ರಗಳಲ್ಲಿ ವದ್ಧರು, ಯುವಕರು ಹಾಗೂ ದೈಹಿಕವಾಗಿ ಅಸಾಮರ್ಥ್ಯ ಹೊಂದಿರುವವರು ಕಾಣಿಸಿಕೊಂಡು ತಮ ಹಕ್ಕು ಚಲಾಯಿಸಿದರು.
ಅಪ್ನೆ ದಿಲ್‌ ಕೆ ಹಿಸಾಬ್‌ ಸೆ ವೋಟ್‌ ಕಿಯಾ ಹೈ (ನನ್ನ ಇಚ್ಛೆಯಂತೆ ನಾನು ಮತ ಹಾಕಿದ್ದೇನೆ) ಎಂದು ಬುರ್ಖಾಧಾರಿ ಮಹಿಳೆಯೊಬ್ಬರು ಕರ್ಹಾಲ್‌ನ ಮತಗಟ್ಟೆಯ ಹೊರಗೆ ಸುದ್ದಿಗಾರರಿಗೆ ತಿಳಿಸಿದರು.
ಅವಳ ಜೊತೆಗಿದ್ದ ಇನ್ನೊಬ್ಬ ಮಹಿಳೆ, ಕರೋಬರ್‌ ಸಾಹಿ ಸೇ ಚಲೇ. ಕಾಮ್‌-ಧಂಧೆ ನಹೀ ಚಲ್‌ ರಹೇ, ಮೆಹಂಗೈ ಹೈ, ನೌಕ್ರಿ ನಹೀ ಹೈ ಜಿಸ್‌ ವಾಜಾ ಸೆ ಪರೇಶಾನಿ ಹೈ. (ವ್ಯವಹಾರವು ಉತ್ತಮವಾಗಿ ನಡೆಯುತ್ತಿಲ್ಲ, ಹಣದುಬ್ಬರ ಮತ್ತು ನಿರುದ್ಯೋಗ ಸಮಸ್ಯೆಗಳಿವೆ) ಎಂದರು.
ಫುಲ್ಪುರದ ಮತಗಟ್ಟೆಯೊಂದರಲ್ಲಿ ಸರದಿಯಲ್ಲಿ ನಿಂತ ಮಧ್ಯವಯಸ್ಕ ವ್ಯಕ್ತಿಯೊಬ್ಬರು ತಮ ಮನಸ್ಸಿನಲ್ಲಿ ಅಭಿವದ್ಧಿಯ ಸಮಸ್ಯೆಗಳಿವೆ ಎಂದು ಹೇಳಿದರು, ಆದರೆ ಇನ್ನೊಬ್ಬರು ಕಾನೂನು ಮತ್ತು ಸುವ್ಯವಸ್ಥೆ ರಾಜ್ಯದ ಪ್ರಮುಖ ಸಮಸ್ಯೆಯಾಗಿದೆ ಎಂದು ಪ್ರತಿಪಾದಿಸಿದರು.
ಲೋಕಸಭೆಗೆ ಹಾಲಿ ಶಾಸಕರ ಚುನಾವಣೆಯ ನಂತರ ಎಂಟು ಸ್ಥಾನಗಳು ಖಾಲಿಯಾಗಿದ್ದರೆ, ಸಮಾಜವಾದಿ ಪಕ್ಷದ ಶಾಸಕ ಇರ್ಫಾನ್‌ ಸೋಲಂಕಿ ಅವರು ಕ್ರಿಮಿನಲ್‌ ಮೊಕದ್ದಮೆಯಲ್ಲಿ ಶಿಕ್ಷೆಗೊಳಗಾದ ನಂತರ ವಿಧಾನಸಭೆಯಿಂದ ಅನರ್ಹಗೊಂಡ ಕಾರಣ ಸಿಸಮಾವುನಲ್ಲಿ ಮತದಾನವನ್ನು ನಡೆಸಲಾಗುತ್ತಿದೆ.