Tuesday, May 28, 2024
Homeರಾಷ್ಟ್ರೀಯತಂದೆಯಂತೆ ದೇಶ ಕಾಯಲು ಸಿದ್ಧಳಾದ ಇನಾಯತ್ ವತ್ಸ್

ತಂದೆಯಂತೆ ದೇಶ ಕಾಯಲು ಸಿದ್ಧಳಾದ ಇನಾಯತ್ ವತ್ಸ್

ನವದೆಹಲಿ,ಮಾ.11- ದೇಶಕ್ಕಾಗಿ ಪ್ರಾಣತ್ಯಾಗ ಮಾಡಿದ್ದ ಯೋಧನ ಮಗಳು 20 ವರ್ಷಗಳ ನಂತರ ಇದೀಗ ತಂದೆಯಂತೆ ದೇಶಸೇವೆಗಾಗಿ ಸಿದ್ದರಾಗಿದ್ದಾರೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಹತ್ಯೆಯಾಗಿದ್ದ ಮೇಜರ್ ನವನೀತ್ ವತ್ಸ್ ಅವರ ಪುತ್ರಿ ಇನಾಯತ್ ವತ್ಸ್ ಅವರು 20 ವರ್ಷಗಳ ನಂತರ ಲೆಫ್ಟಿನೆಂಟ್ ಆಗಿ ಭಾರತೀಯ ಸೇನೆಗೆ ನಿಯೋಜನೆಗೊಂಡಿದ್ದಾರೆ.

ಚೆನ್ನೈನ ಆಫೀಸರ್ಸ್ ಟ್ರೈನಿಂಗ್ ಅಕಾಡೆಮಿಯಲ್ಲಿ ತರಬೇತಿ ಪಡೆದ ನಂತರ ಮಿಲಿಟರಿ ಇಂಟೆಲಿಜೆನ್ಸ ಕಾಪ್ರ್ಸ್‍ನಲ್ಲಿ ಲೆಫ್ಟಿನೆಂಟ್ ಆಗಿ ನೇಮಕಗೊಂಡರು. ಪಾಸಿಂಗ್ ಔಟ್ ಪರೇಡ್‍ನಲ್ಲಿ, ಇನಾಯತ್ ಅವರು ತನ್ನ ತಂದೆ ನಾನು ಕೇವಲ ಮೂರು ವರ್ಷದವಳಿದ್ದಾಗ ಹಾಕಿದ್ದ ಆಲಿವ್ ಹಸಿರು ಬಣ್ಣದ ಸಮವಸವನ್ನೇ ಇದೀಗ ದೇಶ ಕಾಯುವ ಯೋಧರಾಗಿ ಅದೇ ರೀತಿಯ ಸಮವಸ್ತ್ರ ಧರಿಸಿದ್ದಾರೆ.

ಆರ್ಮಿ ಡಾಟರ್ ಲೆಫ್ಟಿನೆಂಟ್ ಇನಾಯತ್ ವತ್ಸ್ ಎಂದು ಭಾರತೀಯ ಸೇನೆಯು ಎಕ್ಸ್‍ನಲ್ಲಿ ಹೇಳಿದೆ ಮತ್ತು ಸಮವಸದಲ್ಲಿರುವ ಅವರ ಚಿತ್ರವನ್ನು ಪೋಸ್ಟ್ ಮಾಡಿದೆ. ಚಿತ್ರದಲ್ಲಿ ಆಕೆಯ ತಾಯಿ ಶಿವಾನಿ ವತ್ಸ್ ಕೂಡ ಆಕೆಯ ಪಕ್ಕದಲ್ಲಿ ನಿಂತಿರುವುದು ಕಂಡುಬಂದಿದೆ. ಮೇಜರ್ ನವನೀತ್ ವತ್ಸ್ ಅವರು ಚಂಡೀಗಢದಿಂದ ಬಂದವರು ಮತ್ತು 3 ಗೂರ್ಖಾ ರೈಫಲ್ಸ್ ರೆಜಿಮೆಂಟ್‍ನ ನಾಲ್ಕನೇ ಬೆಟಾಲಿಯನ್‍ಗೆ ನಿಯೋಜಿಸಲ್ಪಟ್ಟಿದ್ದರು. ನವೆಂಬರ್ 2003 ರಲ್ಲಿ ಶ್ರೂನಗರದಲ್ಲಿ ನಡೆದ ಪ್ರತಿ-ಬಂಡಾಯ ಕಾರ್ಯಾಚರಣೆಯಲ್ಲಿ ಅವರು ಕೊಲ್ಲಲ್ಪಟ್ಟರು. ಅವರ ಶೌರ್ಯ ಮತ್ತು ಅತ್ಯುನ್ನತ ತ್ಯಾಗಕ್ಕಾಗಿ ಅವರಿಗೆ ಸೇನಾ ಪದಕ ಎಂಬ ಶೌರ್ಯ ಪ್ರಶಸ್ತಿಯನ್ನು ನೀಡಲಾಗಿತ್ತು.

ಇನಾಯತ್ ವತ್ಸ್ ಅವರು ದೆಹಲಿ ವಿಶ್ವವಿದ್ಯಾಲಯದ ಲೇಡಿ ಶ್ರೀ ರಾಮ್ ಕಾಲೇಜಿನಲ್ಲಿ ಪದವಿ ಪಡೆದಿದ್ದಾರೆ. ಅವರು ಏಪ್ರಿಲ್ 2023 ರಲ್ಲಿ ಚೆನ್ನೈನಲ್ಲಿರುವ ಅಧಿಕಾರಿಗಳ ತರಬೇತಿ ಅಕಾಡೆಮಿಗೆ ಸೇರುವ ಮೊದಲು ದೆಹಲಿ ವಿಶ್ವವಿದ್ಯಾಲಯದ ಹಿಂದೂ ಕಾಲೇಜಿನಲ್ಲಿ ರಾಜಕೀಯ ವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದರು.

RELATED ARTICLES

Latest News