ಬ್ಯಾಂಕಾಕ್, ಜ. 20 – ಮಧ್ಯ ಹೆನಾನ್ ಪ್ರಾಂತ್ಯದ ಪ್ರಾಥಮಿಕ ವಿದ್ಯಾರ್ಥಿಗಳ ವಸತಿ ಶಾಲೆಯ ವಸತಿ ನಿಲಯದಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಬೆಂಕಿಯಲ್ಲಿ 13 ವಿದ್ಯಾರ್ಥಿಗಳು ಸಾವನ್ನಪ್ಪಿದ್ದಾರೆ ಎಂದು ಚೀನಾದ ಸರ್ಕಾರಿ ಮಾಧ್ಯಮ ವರದಿ ಮಾಡಿದೆ. ಸತ್ತವರೆಲ್ಲರೂ ಮೂರನೇ ದರ್ಜೆಯ ವಿದ್ಯಾರ್ಥಿಗಳು ಎಂದು ಶಿಕ್ಷಕರೊಬ್ಬರು ಹೆಬೈ ಪ್ರಾಂತ್ಯದ ರಾಜ್ಯ ಬೆಂಬಲಿತ ಮಾಧ್ಯಮವಾದ ಝೋಂಗ್ಲಾನ್ ಸುದ್ದಿಗೆ ತಿಳಿಸಿದ್ದಾರೆ.
ಬಾಬರ್ ರಸ್ತೆ ಮರುನಾಮಕರಣಕ್ಕೆ ಹಿಂದೂ ಸೇನೆ ಆಗ್ರಹ
ಘಟನಾ ಸ್ಥಳದಿಂದ ರಕ್ಷಿಸಲ್ಪಟ್ಟ ಒಬ್ಬ ವ್ಯಕ್ತಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಚೀನಾದ ರಾಜ್ಯ ಪ್ರಸಾರಕರು ತಿಳಿಸಿದ್ದಾರೆ. ಕೇಂದ್ರ ಹೆನಾನ್‍ನ ಗ್ರಾಮೀಣ ಫಾಂಗ್‍ಚೆಂಗ್ ಜಿಲ್ಲೆಯ ಯಿಂಗ್‍ಕೈ ಶಾಲೆಯಲ್ಲಿ ತಡರಾತ್ರಿ ಬೆಂಕಿ ಕಾಣಿಸಿಕೊಂಡಿತು ಮತ್ತು ಮಧ್ಯರಾತ್ರಿಯ ಮೊದಲು ಬೆಂಕಿಯನ್ನು ನಂದಿಸಲಾಯಿತು ಮತ್ತು ಶಾಲೆಯ ಮಾಲೀಕರನ್ನು ಬಂಸಲಾಗಿದೆ. ಬೆಂಕಿಯ ಕಾರಣದ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಸ್ಥಳೀಯ ಅಕಾರಿಗಳು ತಿಳಿಸಿದ್ದಾರೆ.
ಬೋರ್ಡಿಂಗ್ ಶಾಲೆಯು ಶಿಶುವಿಹಾರವನ್ನು ಹೊಂದಿದೆ. ಅನೇಕ ಬೋರ್ಡಿಂಗ್ ವಿದ್ಯಾರ್ಥಿಗಳು ಗ್ರಾಮೀಣ ಪ್ರದೇಶಗಳಿಂದ ಬರುತ್ತಾರೆ ಎಂದು ಬೀಜಿಂಗ್ ಯೂತ್ ಡೈಲಿ ವರದಿ ಮಾಡಿದೆ.