ದುಬೈ,ಜೂ.10-ಹೋರ್ಮುಜ್ ಜಲಸಂಧಿ ಸಮೀಪ ಅಮೆರಿಕ ಸೇನೆಯ ಹೆಲಿಕಾಪ್ಟರ್ ಪತನಗೊಂಡ ಘಟನೆಗೆ ಇರಾನ್ ಕಾರಣ ಎಂದು ಅಧ್ಯಕ್ಷ ಟ್ರಂಪ್ ಆರೋಪಿಸಿದ ಬೆನ್ನಲ್ಲೇ, ಅಮೆರಿಕ ಇರಾನ್ ಮೇಲೆ ಸೇನಾ ದಾಳಿ ನಡೆಸಿದೆ. ಇದಕ್ಕೆ ತಕ್ಕ ಪ್ರತಿಕ್ರಿಯೆ ನೀಡುವುದಾಗಿ ಇರಾನ್ ಎಚ್ಚರಿಕೆ ನೀಡಿದೆ.
ಅಮೆರಿಕದ ಸೆಂಟ್ರಲ್ ಕಮಾಂಡ್ ಈ ದಾಳಿಗಳು ಇರಾನ್ನ ಆಕ್ರಮಣಕ್ಕೆ ಅನುಪಾತಬದ್ಧ ಪ್ರತಿಕ್ರಿಯೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ತಿಳಿಸಿದೆ. ಇರಾನ್ ಸರ್ಕಾರಿ ಮಾಧ್ಯಮಗಳ ಪ್ರಕಾರ, ಹೋರ್ಮುಜ್ ಜಲಸಂಧಿಯಲ್ಲಿರುವ ಕೆಶ್ ದ್ವೀಪ ಪ್ರದೇಶದಲ್ಲಿ ಸ್ಫೋಟಗಳ ಶಬ್ದ ಕೇಳಿಬಂದಿದ್ದು, ಬಳಿಕ ದಕ್ಷಿಣ ಭಾಗದಲ್ಲಿ ನಡೆದ ಅಮೆರಿಕದ ದಾಳಿಗಳ ಅಲೆ ಶಮನಗೊಂಡಿದೆ ಎಂದು ವರದಿ ಮಾಡಿವೆ.
ಟ್ರಂಪ್ ಅವರು, ಜಲಸಂಧಿ ಪ್ರದೇಶದಲ್ಲಿ ಗಸ್ತು ತಿರುಗುತ್ತಿದ್ದ ಅಮೆರಿಕದ ಸೇನಾ ಹೆಲಿಕಾಪ್ಟರ್ ಅನ್ನು ಇರಾನ್ ಹೊಡೆದುರುಳಿಸಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಆರೋಪಿಸಿ, ಈ ದಾಳಿಗೆ ಅಮೆರಿಕ ಪ್ರತಿಕ್ರಿಯೆ ನೀಡುವುದು ಅನಿವಾರ್ಯ ಎಂದು ಹೇಳಿದ್ದಾರೆ.
ಇದಕ್ಕೆ ಪ್ರತಿಕ್ರಿಯಿಸಿದ ಇರಾನ್ ವಿದೇಶಾಂಗ ಸಚಿವ ಅಬ್ಬಾಸ್ ಅರಾಘ್ಚಿ, ತಮ ದೇಶದ ಗಡಿಯ ಸಮೀಪ ಇರುವ ವಿದೇಶಿ ಸೇನಾ ಪಡೆಗಳು ನಿರಂತರ ಅಪಾಯದಲ್ಲಿವೆ ಎಂದು ಹೇಳಿದ್ದು, ಬಳಿಕ ಅಮೆರಿಕದ ಹೊಸ ದಾಳಿಗಳಿಗೆ ಪ್ರತಿಕ್ರಿಯೆ ನೀಡುವುದಾಗಿ ಘೋಷಿಸಿದ್ದಾರೆ.ಇರಾನ್ ವಿರುದ್ಧದ ಯಾವುದೇ ದಾಳಿ ಅಥವಾ ಬೆದರಿಕೆಗೆ ಉತ್ತರ ನೀಡದೇ ಬಿಡುವುದಿಲ್ಲ. ಸುರಕ್ಷಿತವಾಗಿರಲು ಬಯಸಿದರೆ ನಮ ಪ್ರದೇಶವನ್ನು ತೊರೆಯಿರಿ ಎಂದು ಅರಾಘ್ಚಿ ಎಕ್ಸ್ ಸಾಮಾಜಿಕ ಜಾಲತಾಣದಲ್ಲಿ ತಿಳಿಸಿದ್ದಾರೆ
ಈ ಹೆಲಿಕಾಪ್ಟರ್ ಪತನ ಮತ್ತು ಅಮೆರಿಕದ ದಾಳಿಗಳು, ಎರಡು ತಿಂಗಳ ಯುದ್ಧ ವಿರಾಮ ಒಪ್ಪಂದದ ಮೇಲಿನ ಒತ್ತಡವನ್ನು ಮತ್ತಷ್ಟು ಹೆಚ್ಚಿಸಿವೆ. ಯುದ್ಧ ವಿರಾಮ ಜಾರಿಯಾದ ನಂತರ ಮೊದಲ ಬಾರಿಗೆ ಇರಾನ್ ಮತ್ತು ಇಸ್ರೇಲ್ ಪರಸ್ಪರ ದಾಳಿ ನಡೆಸಿದ ಒಂದು ದಿನದ ಬಳಿಕ ಈ ಬೆಳವಣಿಗೆ ನಡೆದಿದೆ.
ಅಮೆರಿಕದ ಅಧಿಕಾರಿಯೊಬ್ಬರ ಪ್ರಕಾರ, ಸೇನೆಗೆ ಸೇರಿದ ಎಎಚ್-64 ಅಪಾಚೆ (-64 ) ಹೆಲಿಕಾಪ್ಟರ್ ಇರಾನ್ನ ಡ್ರೋನ್ನೊಂದಿಗೆ ಡಿಕ್ಕಿ ಹೊಡೆದ ಪರಿಣಾಮ ಪತನಗೊಂಡಿದೆ. ಆದರೆ ಈ ಡಿಕ್ಕಿ ಉದ್ದೇಶಪೂರ್ವಕವಾಗಿತ್ತೇ ಅಥವಾ ಆಕಸಿಕವಾಗಿತ್ತೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಪ್ರಕರಣದ ತನಿಖೆ ಮುಂದುವರಿದಿದೆ.
ಸ್ಥಳೀಯ ಕಾಲಮಾನ ಪ್ರಕಾರ ಮಂಗಳವಾರ ಬೆಳಗಿನ ಜಾವ 3.30ರ ಸುಮಾರಿಗೆ, ಹೆಲಿಕಾಪ್ಟರ್ ಪತನಗೊಂಡ ಸುಮಾರು ಎರಡು ಗಂಟೆಗಳ ಬಳಿಕ, ಅಮೆರಿಕದ ದೋಣಿಯೊಂದು ಇಬ್ಬರು ಪೈಲಟ್ಗಳನ್ನು ರಕ್ಷಿಸಿದೆ ಎಂದು ಸೆಂಟ್ರಲ್ ಕಮಾಂಡ್ ತಿಳಿಸಿದೆ.
ಅಮೆರಿಕ ಸೇನೆಯ ಇತಿಹಾಸದಲ್ಲಿ ಸಮುದ್ರದಲ್ಲಿ ಡ್ರೋನ್ ಮೂಲಕ ರಕ್ಷಣಾ ಕಾರ್ಯಾಚರಣೆ ನಡೆಸಿರುವುದು ಇದೇ ಮೊದಲ ಬಾರಿ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಫೆಬ್ರವರಿ 28ರಿಂದ ಅಮೆರಿಕ ಮತ್ತು ಇಸ್ರೇಲ್ ಇರಾನ್ ಮೇಲೆ ದಾಳಿ ಆರಂಭಿಸಿದ ಬಳಿಕ ಯುದ್ಧವು ಜಾಗತಿಕ ಆರ್ಥಿಕತೆಯನ್ನು ಅಸ್ಥಿರಗೊಳಿಸಿದೆ. ಇಂಧನ ಬೆಲೆ ಏರಿಕೆಯಾಗಿದ್ದು, ಆಹಾರ ಸೇರಿದಂತೆ ಅನೇಕ ಅಗತ್ಯ ವಸ್ತುಗಳ ಬೆಲೆಗಳು ಹೆಚ್ಚಾಗಿವೆ.
ಇರಾನ್ ವಿದೇಶಾಂಗ ಸಚಿವ ಅರಾಘ್ಚಿ, ಹೋರ್ಮುಜ್ ಜಲಸಂಧಿ ಅಮೆರಿಕದ ತೀರಗಳಿಂದ ಸಾವಿರಾರು ಮೈಲುಗಳಷ್ಟು ದೂರದಲ್ಲಿದೆ. ನಮ್ಮ ಪ್ರದೇಶದ ಸಮೀಪ ಇರುವ ವಿದೇಶಿ ಪಡೆಗಳು ಮಾನವೀಯ ತಪ್ಪು, ಆಕಸಿಕ ಘಟನೆ ಅಥವಾ ಸಂಘರ್ಷದ ಮಧ್ಯೆ ಸಿಲುಕುವ ಅಪಾಯಕ್ಕೆ ಒಳಗಾಗಬಹುದು. ಅಪಾಯ ಕಡಿಮೆ ಮಾಡಬೇಕಾದರೆ ಅವರು ಇಲ್ಲಿಂದ ಹೊರಟು ಹೋಗುವುದು ಉತ್ತಮ ಎಂದು ಹೇಳಿದ್ದಾರೆ.
