ಒಟ್ಟಾವ,ಫೆ.3-ಭಾರತದ ವಿರುದ್ಧ ಕೆನಡಾ ಮತ್ತೊಂದು ಗುರುತರ ಆರೋಪ ಮಾಡಿದೆ. ತಮ್ಮ ನೆಲದಲ್ಲಿ ಖಲಿಸ್ತಾನಿ ಭಯೋತ್ಪಾದಕನನ್ನು ಕೊಲ್ಲುವಲ್ಲಿ ದೆಹಲಿಯ ಪಾತ್ರದ ಬಗ್ಗೆ ಪ್ರಸ್ತಾಪಿಸಿದ್ದ ಕೆನಡಾ ಇದೀಗ ಭಾರತವನ್ನು ತಮ್ಮ ಚುನಾವಣೆಯಲ್ಲಿ ಸಂಭಾವ್ಯವಾಗಿ ಹಸ್ತಕ್ಷೇಪ ಮಾಡಬಹುದಾದ ವಿದೇಶಿ ಬೆದರಿಕೆ ಎಂದು ಬಣ್ಣಿಸಿದೆ.
ಕೆನಡಾ ಸರ್ಕಾರದ ಈ ಹೊಸ ಆರೋಪಕ್ಕೆ ಭಾರತ ಸರ್ಕಾರ ಇನ್ನೂ ಪ್ರತಿಕ್ರಿಯಿಸಿಲ್ಲ. ಈ ಆರೋಪವನ್ನು ಕೆನಡಾದ ಭದ್ರತಾ ಗುಪ್ತಚರ ಸೇವೆಯು ಡಿಕ್ಲಾಸಿಫೈಡ್ ಗುಪ್ತಚರ ವರದಿಯಲ್ಲಿ ಮಾಡಲಾಗಿದೆ ಎಂದು ಗ್ಲೋಬಲ್ ನ್ಯೂಸ್‍ನಿಂದ ತಿಳಿದುಬಂದಿದೆ. ಹರ್ದೀಪ್ ಸಿಂಗ್ ನಿಜ್ಜಾರ್ ಹತ್ಯೆಯಲ್ಲಿ ಭಾರತದ ಪಾತ್ರವಿದೆ ಎಂದು ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ಪ್ರತಿಪಾದಿಸುವುದರೊಂದಿಗೆ ಕಳೆದ ವರ್ಷ ಸ್ಪೋಟಗೊಂಡ ಆರೋಪಗಳು ಮತ್ತು ಪ್ರತ್ಯಾರೋಪಗಳ ಸರಣಿಯಲ್ಲಿ ಇದು ಇತ್ತೀಚಿನದು ಇದನ್ನು ಭಾರತ ನಿರಾಕರಿಸಿದೆ.
ಅಕ್ಟೋಬರ್ 2022 ರ ವರದಿಯು ವಿದೇಶಿ ಹಸ್ತಕ್ಷೇಪ ಮತ್ತು ಚುನಾವಣೆಗಳು: ರಾಷ್ಟ್ರೀಯ ಭದ್ರತಾ ಮೌಲ್ಯಮಾಪನ ಭಾರತವನ್ನು ಬೆದರಿಕೆ ಎಂದು ಕರೆದಿದೆ ಮತ್ತು ವಿದೇಶಿ ಹಸ್ತಕ್ಷೇಪವು ಕೆನಡಾದ ಪ್ರಜಾಪ್ರಭುತ್ವವನ್ನು ದುರ್ಬಲಗೊಳಿಸುತ್ತಿದೆ ಎಂದು ಎಚ್ಚರಿಸಿದೆ. ವಿದೇಶಿ ಹಸ್ತಕ್ಷೇಪವು ಸಾಂಪ್ರದಾಯಿಕ ರಾಜತಾಂತ್ರಿಕತೆಯಿಂದ ಭಿನ್ನವಾಗಿದೆ ಏಕೆಂದರೆ ಅದು ಸಾರ್ವಜನಿಕ ನಿರೂಪಣೆಗಳು ಮತ್ತು ನೀತಿ-ನಿರ್ಮಾಣವನ್ನು ಪ್ರಭಾವಿಸಲು ರಹಸ್ಯ ಮತ್ತು ವಂಚನೆಯನ್ನು ಬಳಸಿದೆ ಎಂದು ಗ್ಲೋಬಲ್ ನ್ಯೂಸ್ ವರದಿಯನ್ನು ಉಲ್ಲೇಖಿಸಿದೆ.
ಹಿಂದೂ ಸನಾತನ ಧರ್ಮದ ಬಗ್ಗೆ ತಿರುಪತಿಯಲ್ಲಿ ಮಠಾಧೀಶರ ಚರ್ಚೆ
ಚೀನಾ ಮತ್ತು ರಷ್ಯಾ ಈಗಾಗಲೇ ಎದುರಿಸುತ್ತಿರುವ ಆರೋಪದಲ್ಲಿ ಭಾರತವು ಚುನಾವಣಾ ಮಧ್ಯಸ್ಥಿಕೆ ವಹಿಸಿದೆ ಎಂದು ಕೆನಡಾ ಆರೋಪ ಮಾಡಿರುವುದು ಇದೇ ಮೊದಲು. ಕಳೆದ ವರ್ಷ ಫೆಬ್ರವರಿಯಲ್ಲಿ ವಿದೇಶಿ ಹಸ್ತಕ್ಷೇಪದ ಕುರಿತು ಡೆಮಾಕ್ರಟಿಕ್ ಸಂಸ್ಥೆಗಳ ಸಚಿವರಿಗೆ ಬ್ರೀಫಿಂಗ್‍ನಲ್ಲಿ ಚೀನಾವನ್ನು ಅತ್ಯಂತ ಮಹತ್ವದ ಬೆದರಿಕೆ ಎಂದು ಉಲ್ಲೇಖಿಸಲಾಗಿತ್ತು.
2019 ಮತ್ತು 2021 ರ ಫೆಡರಲ್ ಚುನಾವಣೆಗಳಲ್ಲಿ ಬೀಜಿಂಗ್ ರಹಸ್ಯವಾಗಿ ಮತ್ತು ಮೋಸಗೊಳಿಸುವ ಪ್ರಭಾವ ಬೀರಲು ಪ್ರಯತ್ನಿಸಿದೆ ಎಂದು ನಮಗೆ ತಿಳಿದಿದೆ ಎಂದು ಪೀಪಲ್ಸ ರಿಪಬ್ಲಿಕ್ ಆಫ್ ಚೀನಾವನ್ನು ಉಲ್ಲೇಖಿಸಲಾಗಿತ್ತು.