ಸಿಯೋಲ್‌, ಮೇ 27 (ಎಪಿ) ಬರುವ ಜೂನ್‌ 3 ರೊಳಗೆ ಮಿಲಿಟರಿ ಪತ್ತೆದಾರಿ ಉಪಗ್ರಹವನ್ನು ಉಡಾವಣೆ ಮಾಡುವ ಯೋಜನೆಯನ್ನು ಉತ್ತರ ಕೊರಿಯಾ ತಿಳಿಸಿದೆ ಎಂದು ಜಪಾನ್‌ ಹೇಳಿದೆ. ಇಂದಿನಿಂದ ಜೂನ್‌ 3 ರ ಮಧ್ಯರಾತ್ರಿಯವರೆಗೆ ಉಪಗ್ರಹ ರಾಕೆಟ್‌ ಯ ಯೋಜಿತ ಉಡಾವಣೆ ತಯಾರಿ ನಡೆಸುತ್ತಿರುವುದಾಗಿ ಉತ್ತರ ಕೊರಿಯಾದಿಂದ ಸೂಚನೆ ಬಂದಿದೆ ಎಂದು ಜಪಾನ್‌ನ ಕರಾವಳಿ ಕಾವಲು ಪಡೆ ತಿಳಿಸಿದೆ.
ಉಡಾವಣಾ ಯೋಜನೆಯು ತನ್ನ ಎರಡನೇ ಮಿಲಿಟರಿ ಪತ್ತೇದಾರಿ ಉಪಗ್ರಹವನ್ನು ಬಾಹ್ಯಾಕಾಶಕ್ಕೆ ಉಡಾಯಿಸಲು ಉತ್ತರದ ಪ್ರಯತ್ನಗಳನ್ನು ಸೂಚಿಸುತ್ತದೆ. ದಕ್ಷಿಣ ಕೊರಿಯಾದ ಸೇನೆಯು ಶುಕ್ರವಾರ ಉತ್ತರ ಕೊರಿಯಾವು ವಾಯುವ್ಯದಲ್ಲಿರುವ ತನ್ನ ಮುಖ್ಯ ಟಾಂಗ್‌ಚಾಂಗ್ರಿ ಉಡಾವಣಾ ಕೇಂದ್ರದಲ್ಲಿ ಪತ್ತೇದಾರಿ ಉಪಗ್ರಹವನ್ನು ಉಡಾವಣೆ ಮಾಡಲು ತಯಾರಿ ನಡೆಸುತ್ತಿದೆ ಎಂದು ನಂಬಲಾದ ಚಟುವಟಿಕೆಗಳಲ್ಲಿ ತೊಡಗಿರುವ ಲಕ್ಷಣಗಳನ್ನು ಪತ್ತೆಹಚ್ಚಿದೆ ಎಂದು ತಿಳಿಸಿತ್ತು.
ಕಳೆದ ನವೆಂಬರ್‌ನಲ್ಲಿ, ಯುಎಸ್‌ ನೇತತ್ವದ ಮಿಲಿಟರಿ ಬೆದರಿಕೆಗಳನ್ನು ಎದುರಿಸಲು ಬಾಹ್ಯಾಕಾಶ ಆಧಾರಿತ ಕಣ್ಗಾವಲು ಜಾಲವನ್ನು ನಿರ್ಮಿಸುವ ತನ್ನ ಪ್ರಯತ್ನಗಳ ಭಾಗವಾಗಿ ಉತ್ತರ ಕೊರಿಯಾ ತನ್ನ ಮೊದಲ ಮಿಲಿಟರಿ ವಿಚಕ್ಷಣ ಉಪಗ್ರಹವನ್ನು ಕಕ್ಷೆಗೆ ಕಳುಹಿಸಿತು. ಉತ್ತರ ಕೊರಿಯಾದ ನಾಯಕ ಕಿಮ್‌ ಜಾಂಗ್‌ ಉನ್‌ ನಂತರ ಪ್ರಮುಖ ಆಡಳಿತ ಪಕ್ಷದ ಸಭೆಯಲ್ಲಿ 2024 ರಲ್ಲಿ ದೇಶವು ಮೂರು ಹೆಚ್ಚುವರಿ ಮಿಲಿಟರಿ ಬೇಹುಗಾರಿಕಾ ಉಪಗ್ರಹಗಳನ್ನು ಉಡಾಯಿಸಲಿದೆ ಎಂದು ಹೇಳಿದ್ದರು.
ಉತ್ತರದ ನವೆಂಬರ್‌ ಉಪಗ್ರಹ ಉಡಾವಣೆಯು ಕೊರಿಯನ್‌ ಪರ್ಯಾಯ ದ್ವೀಪದಲ್ಲಿ ಉದ್ವಿಗ್ನತೆಯನ್ನು ಹೆಚ್ಚಿಸಿತು, ಎರಡೂ ಕೊರಿಯಾಗಳು ಮಿಲಿಟರಿ ಉದ್ವಿಗ್ನತೆಯನ್ನು ಕಡಿಮೆ ಮಾಡಲು ತಮ 2018 ರ ಒಪ್ಪಂದವನ್ನು ಉಲ್ಲಂಘಿಸಲು ಕ್ರಮಗಳನ್ನು ತೆಗೆದುಕೊಳ್ಳುತ್ತಿವೆ