ವಾಷಿಂಗ್ಟನ್‌, ಜೂನ್‌ 19 (ಎಪಿ) ಅಮೆರಿದ ಬಿಡೆನ್‌ ಆಡಳಿತ ಸರ್ಕಾರ ತೈವಾನ್‌ಗೆ ಹೊಸದಾಗಿ 360 ಮಿಲಿಯನ್‌ ಡಾಲರ್‌ ಮೊತ್ತದ ಶಸ್ತ್ರಾಸ್ತ್ರಗಳ ಮಾರಾಟ ಮಾಡಲುಅನುಮೋದಿಸಿದೆ,
ದ್ವೀಪ ರಾಷ್ಟ್ರಕ್ಕೆ ನೂರಾರು ಸಶಸ್ತ್ರ ಡ್ರೋನ್‌ಗಳು, ಕ್ಷಿಪಣಿ ಉಪಕರಣಗಳು ಸೇರಿ ಹಲವು ಸೇನಾ ಸಾಮಗ್ರಿಗಳನ್ನು ಕಳುಹಿಸುತ್ತದೆ ಎಂದು ಅಮೆರಿಕ ವಿದೇಶಾಂಗ ಇಲಾಖೆ ತಿಳಿಸಿದೆ.
ಈ ಘೋಷಣೆಯು ಅನಿರೀಕ್ಷಿತವಲ್ಲ ಆದರೆ ಇದು ವಾಷಿಂಗ್ಟನ್‌ ಮತ್ತು ಬೀಜಿಂಗ್‌ ನಡುವಿನ ಹೆಚ್ಚಿನ ಉದ್ವಿಗ್ನತೆಯ ಮೂಡಿಸುತ್ತದೆ ಎಂದು ವಿಶ್ಲೇಷಿಸಲಾಗಿದೆ. ತೈವಾನ್‌ ದ್ವೀಪವನ್ನು ತನ್ನ ಪ್ರದೇಶದ ಭಾಗ ಎಮದು ಚೀನಾ ಪ್ರತಿಪಾದಿಸುತ್ತಿದೆ ಅಗತ್ಯವಿದ್ದರೆ ಬಲ ಬಳಿಸಿ ವಶಕ್ಕೆ ಪಡೆಯಲು ಪ್ರತಿಜ್ಞೆ ಮಾಡಿದೆ.
ಅಮೆರಿಕ ಮಾರಾಟ ಮಾಡುತ್ತಿರುವುದರಲ್ಲಿ 291 ಅಲ್‌ಟೀಸ್‌- 600 ಒಳಗೊಂಡಿದೆ, ಇದು ಮಾನವರಹಿತ ವೈಮಾನಿಕ ವಾಹನಗಳು ಅಥವಾ ಡ್ರೋನ್‌ಗಳು ಎನ್ನಬಹುದು ಇದರ ಜೊತೆಗೆ ಸ್ಪೋಟಕ ಸಗಿಸಬಲ್ಲ 720 ಸ್ವಿಚ್‌ಬ್ಲೇಡ್‌ ಡ್ರೋನ್‌ಗಳನ್ನು ಒಳಗೊಂಡಿದೆ, ಇದನ್ನು ವಿಸ್ತೃತ-ಶ್ರೇಣಿಯ ಅಡ್ಡಾದಿಡ್ಡಿ ಯುದ್ಧಸಾಮಗ್ರಿ ಎಂದು ಕರೆಯಲಾಗುತ್ತದೆ.
ಸಶಸ್ತ್ರ ಪಡೆಗಳನ್ನು ಆಧುನೀಕರಿಸಲು ಮತ್ತು ವಿಶ್ವಾಸಾರ್ಹ ರಕ್ಷಣಾತಕ ಸಾಮರ್ಥ್ಯವನ್ನು ಕಾಪಾಡಿಕೊಳ್ಳಲು ತೈವಾನ್‌ ಇದನ್ನು ಸ್ವೀಕರಿಸುತ್ತಿದೆ. ಭದ್ರತೆಯನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಮತ್ತು ಪ್ರದೇಶದಲ್ಲಿ ರಾಜಕೀಯ ಸ್ಥಿರತೆ, ಮಿಲಿಟರಿ ಸಮತೋಲನ ಮತ್ತು ಆರ್ಥಿಕ ಪ್ರಗತಿಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ ಎಂದು ಅಮೆರಿಕ ರಕ್ಷಣಾ ಇಲಾಖೆ ಹೇಳಿದೆ.
ತೈವಾನ್‌ ಅಧ್ಯಕ್ಷ ಲೈ ಚಿಂಗ್‌-ಟೆ ಅವರು ತೈಪೆಯಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ ಶಸ್ತ್ರಾಸ್ತ್ರ ಮಾರಾಟವನ್ನು ಅನುಮೋದಿಸಿದ್ದಕ್ಕಾಗಿ ಯುಎಸ್‌‍ಗೆ ಧನ್ಯವಾದ ಅರ್ಪಿಸಿದರು. ತೈವಾನ್‌ ಜಲಸಂಧಿಯಲ್ಲಿ ಶಾಂತಿ ಮತ್ತು ಸ್ಥಿರತೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ ಎಂದು ಅವರು ಹೇಳಿದರು. ಭವಿಷ್ಯದಲ್ಲಿ, ನಾವು ತೈವಾನ್‌ನ ರಾಷ್ಟ್ರೀಯ ರಕ್ಷಣಾ ಶಕ್ತಿಯನ್ನು ಬಲಪಡಿಸುವುದನ್ನು ಮುಂದುವರಿಸುತ್ತೇವೆ ಎಂದಿದ್ದಾರೆ.