ನವದೆಹಲಿ, ಜೂ. 26– ಭಾರತ ತಂಡದ ವೇಗಿಗಳಾದ ಜಸ್ಪ್ರೀತ್ ಬುಮ್ರಾ ಹಾಗೂ ಅರ್ಷದೀಪ್ ಸಿಂಗ್ ಅವರು ಪದೇ ಪದೇ ಚೆಂಡನ್ನು ವಿರೂಪಗೊಳಿಸುತ್ತಿರುವುದರಿಂದ ಪ್ರಸಕ್ತ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಯಶಸ್ಸು ಕಾಣುತ್ತಿದ್ದಾರೆ ಎಂದು ಪಾಕಿಸ್ತಾನದ ಮಾಜಿ ನಾಯಕ ಇಂಜಮಾಮ್ ಉಲ್ ಹಕ್ ಅವರು ಗಂಭೀರ ಆರೋಪ ಮಾಡಿದ್ದಾರೆ.
ಪಾಕಿಸ್ತಾನದ ಖಾಸಗಿ ಸುದ್ದಿ ವಾಹಿನಿಯಲ್ಲಿ ತಮ್ಮ ಸಮಕಾಲೀನ ಆಟಗಾರ ಸಲೀಮ್ ಮಲ್ಲಿಕ್ರೊಂದಿಗೆ ನಡೆಸಿದ ಸಂದರ್ಭದಲ್ಲಿ ಅವರು ಯುವ ವೇಗಿ ಅರ್ಷದೀಪ್ ಮೇಲೆ ಈ ಗುರುತರ ಆರೋಪ ಮಾಡಿದ್ದಾರೆ.
`ಅರ್ಷದೀಪ್ ಸಿಂಗ್, ಅವರು 15 ನೇ ಓವರ್ ಬೌಲಿಂಗ್ ಮಾಡುವಾಗ, ಚೆಂಡು ಹೆಚ್ಚು ತಿರುವು ಪಡೆಯುತ್ತಿತ್ತು. ಹೊಸ ಚೆಂಡಿನೊಂದಿಗೆ ಇದು ತುಂಬಾ ಮುಂಚೆಯೇ (ರಿವರ್ಸ್ ಸ್ವಿಂಗ್ ಆಗಿ) ಅಂದರೆ 12ನೇ ಅಥವಾ 13ನೇ ಓವರ್ನಲ್ಲಿ ಚೆಂಡು ರಿವರ್ಸ್ ಸ್ವಿಂಗ್ಗೆ ಸಿದ್ಧವಾಗಿತ್ತು. ಅಂಪೈರ್ಗಳು ಈ ವಿಷಯಗಳನ್ನು (ಸ್ಪಾಟ್ ಮಾಡಲು) ತಮ್ಮ ಕಣ್ಣುಗಳನ್ನು ತೆರೆದಿರಬೇಕು ಎಂದು ಹೇಳಿದರು.
ಅದೇ ಅರ್ಷದೀಪ್ ಸಿಂಗ್ ಜಾಗದಲ್ಲಿ ಪಾಕಿಸ್ತಾನಿ ಬೌಲರ್ಗಳಾಗಿದ್ದರೆ (ಚೆಂಡನ್ನು ರಿವರ್ಸ್ ಸ್ವಿಂಗ್ ಮಾಡುವುದು) ಇದು ದೊಡ್ಡ ಸಮಸ್ಯೆಯಾಗುತ್ತಿತ್ತು. ನಮಗೆ ರಿವರ್ಸ್ ಸ್ವಿಂಗ್ ಚೆನ್ನಾಗಿ ತಿಳಿದಿದೆ ಮತ್ತು ಅರ್ಷದೀಪ್ ಸಿಂಗ್ ಅವರು 15 ನೇ ಓವರ್ನಲ್ಲಿ ಬಂದು ಚೆಂಡನ್ನು ರಿವರ್ಸ್ ಮಾಡಲು ಪ್ರಾರಂಭಿಸಿದರೆ, ಇದರರ್ಥ ಮೊದಲು ಕೆಲವು ಗಂಭೀರವಾದ ಕೆಲಸಗಳನ್ನು ಮಾಡಲಾಗಿದೆ ಎಂದು ಇಂಜಮಾಮ್ ಹೇಳಿದರು.
ಸಲೀಮ್ ಮಲಿಕ್ ಸಮರ್ಥನೆ:
ಪಾಕಿಸ್ತಾನ ಕ್ರಿಕೆಟ್ ಮಂಡ ಳಿಯ ಮಾಜಿ ಅಧ್ಯಕ್ಷ ಹಾಗೂ ಮಾಜಿ ನಾಯಕ ಇಂಜಮಾಮ್ ಉಲ್ ಅವರು ಮಾಡಿರುವ ಮಹತ್ತರ ಆರೋಪವನ್ನು ಸಲೀಮ್ ಮಲಿಕ್ ಸಮರ್ಥಿಸಿ ಕೊಂಡಿದ್ದಾರೆ.
`ಇಂಜಿ, ನಾನು ಯಾವಾ ಗಲೂ ಇದನ್ನು ಹೇಳುತ್ತೇನೆ, ಕೆಲವು ತಂಡಗಳ ವಿಷಯಕ್ಕೆ ಬಂದಾಗ ಕಣ್ಣುಗಳನ್ನು ಮುಚ್ಚಲಾಗುತ್ತದೆ ಮತ್ತು ಭಾರತವು ಆ ತಂಡಗಳಲ್ಲಿ ಒಂದಾಗಿದೆ. ಜಿಂಬಾಬ್ವೆಯಲ್ಲಿ ನನಗೆ ನೆನಪಿದೆ, ವಾಸಿಮ್ (ಅಕ್ರಂ) ಬೌಲಿಂಗ್ ಮಾಡು ವಾಗ, ಅವನು ಅದನ್ನು ತೇವಗೊಳಿಸಿದನು, ಮತ್ತು ನಾವೆಲ್ಲರೂ ಅದನ್ನು ನೋಡಿ ಆಶ್ಚರ್ಯಪಟ್ಟೆವು. ಒಂದು ಕಡೆ ಒದ್ದೆಯಾಗಿತ್ತು ಮತ್ತು ನಾನು ಹೋಗಿ ದೂರು ನೀಡಿದಾಗ ನನಗೆ ಸಾಕಷ್ಟು ದಂಡ ವಿಧಿಸಲಾಯಿತು’ ಎಂದು ಮಲಿಕ್ ಹೇಳಿದರು.
ಪಾಕಿಸ್ತಾನದ ಮಾಜಿ ಕ್ರಿಕೆಟಿಗರು ಭಾರತದ ಬೌಲರ್ ಗಳ ವಿರುದ್ಧ ಆಶ್ಚರ್ಯ ಕರ ಆರೋಪಗಳನ್ನು ಮಾಡುತ್ತಿ ರುವುದು ಇದೇ ಮೊದಲಲ್ಲ, 2023 ರ ವಿಶ್ವಕಪ್ನಲ್ಲಿ ಭಾರತವು ಚೆಂಡಿನೊಳಗೆ ಕೆಲವು ಚಿಪ್ಗಳನ್ನು ಬಳಸಿದೆ ಎಂದು ಹಸನ್ ರಾಝಾ ಹೇಳಿದ್ದಾರೆ, ಆ ಪಂದ್ಯಾವಳಿಯಲ್ಲಿ ಮೊಹಮ್ಮದ್ ಶಮಿ ಅವರ ಯಶಸ್ಸನ್ನು ನಿಂದಿಸಿದ್ದಾರೆ.
ವೆಸ್್ಟಇಂಡೀಸ್ ಹಾಗೂ ಅಮೇರಿಕಾದ ಜಂಟಿ ಆತಿಥ್ಯದಲ್ಲಿ ನಡೆಯುತ್ತಿರುವ ಚುಟುಕು ವಿಶ್ವಕಪ್ ಟೂರ್ನಿಯಲ್ಲಿ ಅರ್ಷದೀಪ್ ಸಿಂಗ್ (15 ವಿಕೆಟ್) ಹಾಗೂ ಬುಮ್ರಾ (11 ವಿಕೆಟ್) ಉತ್ತಮ ಲಯದಲ್ಲಿದ್ದಾರೆ.