ಪುಣೆ, ಅ. 5 (ಪಿಟಿಐ) – ಹಿಂದುತ್ವ ಸಿದ್ಧಾಂತದ ವಿರುದ್ಧ ಆಕ್ಷೇಪಾರ್ಹ ಹೇಳಿಕೆಗಳನ್ನು ನೀಡುತ್ತಿದ್ದಾರೆ ಎಂದು ಆರೋಪಿಸಿ ವಿನಾಯಕ ದಾಮೋದರ್‌ ಸಾವರ್ಕರ್‌ ಅವರ ಮೊಮ್ಮಗ ಸಲ್ಲಿಸಿದ ಕ್ರಿಮಿನಲ್‌ ಮಾನನಷ್ಟ ಮೊಕದ್ದಮೆಗೆ ಪುಣೆಯ ವಿಶೇಷ ನ್ಯಾಯಾಲಯವು ರಾಹುಲ್‌ ಗಾಂಧಿಗೆ ಸಮನ್ಸ್ ಜಾರಿ ಮಾಡಿದೆ.
ನಿನ್ನೆ ರಾಹುಲ್‌ ಅವರಿಗೆ ನ್ಯಾಯಾಲಯ ಸಮನ್ಸ್ ಜಾರಿ ಮಾಡಿದ್ದು, ಅಕ್ಟೋಬರ್‌ 23 ರಂದು ನ್ಯಾಯಾಲಯದ ಮುಂದೆ ಹಾಜರಾಗುವಂತೆ ಹೇಳಿದೆ.ಕಳೆದ ವರ್ಷ ಸಾವರ್ಕರ್‌ ಅವರ ಮೊಮಗ ಸತ್ಯಕಿ ಸಾವರ್ಕರ್‌ ಅವರು ಲೋಕಸಭೆಯ ವಿರೋಧ ಪಕ್ಷದ ನಾಯಕರ ವಿರುದ್ಧ ಪುಣೆ ನ್ಯಾಯಾಲಯದಲ್ಲಿ ದೂರು ದಾಖಲಿಸಿದ್ದರು. ಕಳೆದ ತಿಂಗಳು, ಪ್ರಕರಣವನ್ನು ನ್ಯಾಯಾಂಗ ವ್ಯಾಜಿಸ್ಟ್ರೇಟ್‌ ಪ್ರಥಮ ದರ್ಜೆ (ಎಫ್‌ಎಂಎಫ್‌ಸಿ) ನ್ಯಾಯಾಲಯದಿಂದ ಸಂಸದರು ಮತ್ತು ಶಾಸಕರ ವಿಶೇಷ ನ್ಯಾಯಾಲಯಕ್ಕೆ ವರ್ಗಾಯಿಸಲಾಯಿತು.
ಜಂಟಿ ಸಿವಿಲ್‌ ನ್ಯಾಯಾಧೀಶ ಮತ್ತು ನ್ಯಾಯಾಂಗ ವ್ಯಾಜಿಸ್ಟ್ರೇಟ್‌ (ಪ್ರಥಮ ದರ್ಜೆ) ಅಮೋಲ್‌ ಶಿಂಧೆ ಅವರ ಅಧ್ಯಕ್ಷತೆಯಲ್ಲಿ ಸಂಸದರು ಮತ್ತು ಶಾಸಕರ ವಿಶೇಷ ನ್ಯಾಯಾಲಯವು ಗಾಂಧಿ ವಿರುದ್ಧ ಸಮನ್ಸ್ ಜಾರಿಗೊಳಿಸಿದ್ದು, ಉತ್ತರ ನೀಡಲು ಅವರ ಹಾಜರಾತಿ ಅಗತ್ಯ ಎಂದು ಸತ್ಯಕಿ ಸಾವರ್ಕರ್‌ ಅವರನ್ನು ಪ್ರತಿನಿಧಿಸುವ ವಕೀಲ ಸಂಗ್ರಾಮ್‌ ಕೊಲ್ಹಟ್ಕರ್‌ ಅವರು ಪಿಟಿಐಗೆ ತಿಳಿಸಿದ್ದಾರೆ.
ಪ್ರಕರಣದಲ್ಲಿ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್‌ 500 (ಮಾನನಷ್ಟ) ಅಡಿಯಲ್ಲಿ ಶಿಕ್ಷಾರ್ಹ ಆರೋಪವನ್ನು ವಿಧಿಸಲಾಗುತ್ತದೆ ಮತ್ತು ಅವರು ಅಕ್ಟೋಬರ್‌ 23 ರಂದು ನ್ಯಾಯಾಲಯದ ಮುಂದೆ ಖುದ್ದಾಗಿ ಹಾಜರಾಗಬೇಕಾಗುತ್ತದೆ.
ತಮ್ಮ ದೂರಿನಲ್ಲಿ, ಸತ್ಯಕಿ ಸಾವರ್ಕರ್‌ ಅವರು ಮಾರ್ಚ್‌ 2023 ರಲ್ಲಿ ಲಂಡನ್‌ನಲ್ಲಿ ಮಾಡಿದ ತಮ ಭಾಷಣದಲ್ಲಿ, ವಿಡಿ ಸಾವರ್ಕರ್‌ ಅವರು ಮತ್ತು ಅವರ ಐದರಿಂದ ಆರು ಸ್ನೇಹಿತರು ಒಮೆ ಮುಸ್ಲಿಂ ವ್ಯಕ್ತಿಯನ್ನು ಹೊಡೆದರು ಮತ್ತು ಅವರು (ಸಾವರ್ಕರ್‌ ) ಅನುಭವಿಸಿದರು ಎಂದು ಪುಸ್ತಕದಲ್ಲಿ ಬರೆದಿದ್ದಾರೆ ಎಂದು ಹೇಳಿದ್ದಾರೆ ಎಂದು ಸತ್ಯಕಿ ಸಾವರ್ಕರ್‌ ಆರೋಪಿಸಿದ್ದಾರೆ.
ಸಾತ್ಯಕಿ ಸಾವರ್ಕರ್‌ ಅವರು ಅಂತಹ ಯಾವುದೇ ಘಟನೆ ನಡೆದಿಲ್ಲ, ಮತ್ತು ವಿ ಡಿ ಸಾವರ್ಕರ್‌ ಅವರು ಎಲ್ಲಿಯೂ ಅಂತಹದನ್ನು ಬರೆದಿಲ್ಲ ಎಂದು ಹೇಳಿದ್ದರು.