ಪನ್ನಾ,ಅ. 8 (ಪಿಟಿಐ) ಮಧ್ಯಪ್ರದೇಶದ ಪನ್ನಾ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ (ಪಿಟಿಆರ್‌) ಹುಲಿಯೊಂದು ನಾಲ್ಕು ಮರಿಗಳಿಗೆ ಜನ ನೀಡಿದ್ದು, ಮೀಸಲು ಪ್ರದೇಶದಲ್ಲಿ ದೊಡ್ಡ ಬೆಕ್ಕುಗಳ ಸಂಖ್ಯೆ 90 ಕ್ಕೆ ಏರಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಪಿ-141 ಎಂಬ ಹುಲಿ ಹಿಂದಿನ ಪ್ರವಾಸಿ ಋತುವಿನ ಕೊನೆಯಲ್ಲಿ (ಜುಲೈನಲ್ಲಿ) ಗರ್ಭಿಣಿಯಾಗಿತ್ತು ಎಂದು ಪಿಟಿಆರ್‌ನ ಕ್ಷೇತ್ರ ನಿರ್ದೇಶಕಿ ಅಂಜನಾ ಸುಚಿತಾ ಟಿರ್ಕಿ ಸುದ್ದಿಗಾರರಿಗೆ ತಿಳಿಸಿದರು.
ಎರಡು ದಿನಗಳ ಹಿಂದಷ್ಟೇ ನಾಲ್ಕು ಮರಿಗಳೊಂದಿಗೆ ಪಿ-141 ಹುಲಿಯ ಚಿತ್ರ ಮೀಸಲು ಆಡಳಿತ ಮಂಡಳಿಗೆ ಸಿಕ್ಕಿರುವುದು ಸಂತಸದ ಸಂಗತಿ ಎಂದರು. ಈ ಋತುವಿನಲ್ಲಿ ಪ್ರವಾಸಿಗರು ಹುಲಿಯನ್ನು ನೋಡಿ ಆನಂದಿಸಬಹುದು ಎಂದು ಅಧಿಕಾರಿ ತಿಳಿಸಿದ್ದಾರೆ.
ಪನ್ನಾ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಈಗ ಹುಲಿಗಳ ಸಂಖ್ಯೆ 90 ಕ್ಕೆ ಏರುವ ಸಾಧ್ಯತೆಯಿದೆ ಎಂದು ಅವರು ಹೇಳಿದರು. ವಾರ್ಷಿಕ ಮಾನ್ಸೂನ್‌ಗಾಗಿ ಹುಲಿ ಮೀಸಲು ಮತ್ತು ರಾಷ್ಟ್ರೀಯ ಉದ್ಯಾನವನಗಳನ್ನು ಜುಲೈ 1 ರಿಂದ ಸೆಪ್ಟೆಂಬರ್‌ 30 ರವರೆಗೆ ಮುಚ್ಚಲಾಗುತ್ತದೆ