ಬೆಂಗಳೂರು,ಅ.15– ಪ್ರೊ ಕಬ್ಬಡಿ ಲೀಗ್ ಸೀಸನ್ 11 ಜಾಹೀರಾತು ಅಭಿಯಾನದಲ್ಲಿ ಬೆಂಗಳೂರು ಬುಲ್ಸ್ ತಂಡದ ಅದ್ಭುತ ಸಾಮರ್ಥ್ಯವನ್ನು ನಟ ಕಿಚ್ಚ ಸುದೀಪ್ ಕೊಂಡಾಡಿದ್ದಾರೆ. ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್ ) ನ ಅಧಿಕೃತ ಪ್ರಸಾರಕರಾದ ಸ್ಟಾರ್ ಸ್ಪೋರ್ಟ್ಸ್ ನ ಪಿಕೆಎಲ್ ಸೀಸನ್ 11ರ ಜಾಹೀರಾತಿನಲ್ಲಿ ಕನ್ನಡದ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್ ಅವರು ಕಾಣಿಸಿಕೊಂಡಿದ್ದು, ಅತಿ ಹುಮ್ಮಸ್ಸಿನ ಮಾತುಗಳನ್ನಾಡಿದಾರೆ.
ಪಿಕೆಎಲ್‌ನ ಜನಪ್ರಿಯ ಮತ್ತು ಅತ್ಯುತ್ತಮ ತಂಡಗಳಲ್ಲಿ ಒಂದಾಗಿರುವ ಬೆಂಗಳೂರು ಬುಲ್ಸ್ ತಂಡದ ಶಕ್ತಿ, ದೃಢತೆ ಮತ್ತು ತಂಡದ ಸಾಮರ್ಥ್ಯವನ್ನು ಈ ಜಾಹೀರಾತಿನ ಮೂಲಕ ತಿಳಿಸಿದ್ದಾರೆ. ಸುದೀಪ್ ಅವರು ತಮ್ಮ ದೃಢವಾದ ಧ್ವನಿಯಲ್ಲಿ ಕಬಡ್ಡಿ, ಕಬಡ್ಡಿ, ಕಬಡ್ಡಿ ಎನ್ನುತ್ತಿದ್ದರೆ ಆ ಧ್ವನಿ ಹಿನ್ನೆಲೆಯಲ್ಲಿ ಅನುರಣಿಸುತ್ತಿರುತ್ತದೆ. ಆ ಧ್ವನಿಯೇ ಶಕ್ತಿ ಮತ್ತು ಹುಮ್ಮಸ್ಸನ್ನು ತುಂಬುತ್ತಿರುತ್ತದೆ. ಆ ಧ್ವನಿ ಶಕ್ತಿಯ ನೆರವಿನಿಂದ ಅವರು ಬಲಶಾಲಿ ಆನೆಯನ್ನು ಹಿಮ್ಮೆಟ್ಟಿಸಲು ಯಶಸ್ಸುಗಳಿಸುತ್ತಾರೆ. ಈ ಕಬಡ್ಡಿ ಕಬಡ್ಡಿ ಎಂಬ ಅದ್ಭುತ ಶಕ್ತಿ ಮಂತ್ರ ಪಠಣವು ಈ ತೀವ್ರವಾದ ಉಸಿರಿನ ಯುದ್ಧದ ವಿಜಯವನ್ನು ಪ್ರತಿನಿಧಿಸುತ್ತದೆ.
ಜೊತೆಗೆ ಕನ್ನಡಿಗರಿಗೆ ಸೂರ್ತಿ ನೀಡುವ ಪ್ರತ್ನವಾಗಿ ಮತ್ತು ತವರಿನ ತಂಡದ ಶಕ್ತಿಯ ಸಂಕೇತವಾಗಿ ಮೂಡಿಬಂದಿದೆ. ಮತ್ತೊಮ್ಮೆ ಈ ಪ್ರಯಾಣದ ಭಾಗವಾಗಲು ನಾನು ಉತ್ಸುಕನಾಗಿದ್ದೇನೆ ಮತ್ತು ಈ ಋತುವಿನಲ್ಲಿ ಅದ್ಭುತ ಶಕ್ತಿಯೊಂದಿಗೆ ನಮ್ಮ ಬುಲ್ಸ್ ಚಂಡಮಾರುತವನ್ನು ನೋಡಲು ಕುತೂಹಲದಿಂದ ಕಾಯುತ್ತಿದ್ದೇನೆ ಎಂದು ಹೇಳಿದರು.