ರೈಸೇನ್,ನ.25- ಅಪ್ರಾಪ್ತ ಬಾಲಕಿ, ಸ್ನೇಹಿತನನ್ನು ತಡೆ ಹಿಡಿದು ಬಾಲಕಿಯ ಮೇಲೆ ಟ್ರಕ್ ಚಾಲಕ ಅತ್ಯಾಚಾರವೆಸಗಿರುವ ಘಟನೆ ಮಧ್ಯಪ್ರದೇಶದ ರೈಸನ್ ಜಿಲ್ಲೆಯಲ್ಲಿ ನಡೆದಿದೆ. 15 ವರ್ಷದ ಬಾಲಕಿಯ ಮೇಲೆ ಟ್ರಕ್ ಚಾಲಕ ಅತ್ಯಾಚಾರವೆಸಗಿದ್ದು, ಆತನ ಇಬ್ಬರು ಸಹಚರರು ಆಕೆಯ ಸ್ನೇಹಿತನನ್ನು ತಡೆ ಹಿಡಿದಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಜಿಲ್ಲಾ ಕೇಂದ್ರದಿಂದ 110 ಕಿ.ಮೀ ದೂರದಲ್ಲಿರುವ ಸಿಲ್ವಾನಿ-ಸಾಗರ್ ರಸ್ತೆಯಲ್ಲಿರುವ ಸಿಯಾರ್ಮೌ ಅರಣ್ಯದಲ್ಲಿ ನಡೆದ ಅಪರಾಧ ಪ್ರಕರಣಕ್ಕೆ ಸಂಬಂಧಿಸಿದಂತೆ ಟ್ರಕ್ ಚಾಲಕ ಸೇರಿದಂತೆ ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.
ಹದಿಹರೆಯದ ಯುವತಿ ಮತ್ತು ಆಕೆಯ 21 ವರ್ಷದ ಪುರುಷ ಸ್ನೇಹಿತ ಆ ಪ್ರದೇಶದಲ್ಲಿನ ವಂದೇವಿ ದೇವಸ್ಥಾನಕ್ಕೆ ಭೇಟಿ ನೀಡಿ ಹಿಂತಿರುಗುತ್ತಿದ್ದಾಗ ಅವರು ತಮ ದ್ವಿಚಕ್ರ ವಾಹನವನ್ನು ನಿಲ್ಲಿಸಿ ಕಾಡಿಗೆ ಪ್ರವೇಶಿಸಿದರು ಎಂದು ಸಿಲ್ವಾನಿಯ ಉಪ ವಿಭಾಗೀಯ ಪೊಲೀಸ್ ಅಧಿಕಾರಿ (ಎಸ್ಡಿಒಪಿ) ಅನಿಲ್ ಮೌರ್ಯ ತಿಳಿಸಿದ್ದಾರೆ.
ಅದೇ ಸಮಯದಲ್ಲಿ, ಟ್ರಕ್ ಕೆಟ್ಟುಹೋಯಿತು, ಆಗ ಚಾಲಕ ಸಂಜು ಆದಿವಾಸಿ (21) ಮತ್ತು ಅವನ ಇಬ್ಬರು ಸ್ನೇಹಿತರು ಸಹ ಕಾಡಿನೊಳಗೆ ಹೋದರು, ಅಲ್ಲಿ ಅವರು ಹುಡುಗಿ ಮತ್ತು ಅವಳ ಸ್ನೇಹಿತನನ್ನು ಗಮನಿಸಿದರು.ಮೂವರು ಯುವಕನಿಗೆ ಥಳಿಸಿ ಆತನ ಮೋಟಾರ್ಸೈಕಲ್ನ ಕೀ ಕಿತ್ತುಕೊಂಡರು ಎಂದು ಎಫ್ಐಆರ್ನಲ್ಲಿ ಉಲ್ಲೇಖಿಸಿದ್ದಾರೆ. ಚಾಲಕ ಹುಡುಗಿಯನ್ನು ಕಾಡಿನೊಳಗೆ ಆಳಕ್ಕೆ ಕರೆದೊಯ್ದು ಅತ್ಯಾಚಾರವೆಸಗಿದ್ದಾನೆ, ಆದರೆ ಅವನ ಸಹಚರರು ಆಕೆಯ ಸ್ನೇಹಿತನನ್ನು ತಡೆದರು ಎಂದು ಅಧಿಕಾರಿ ತಿಳಿಸಿದ್ದಾರೆ.
ಸಂಜು ಆದಿವಾಸಿ ಮತ್ತು ಆತನ ಸಹಚರರಾದ ಶಿವನಾರಾಯಣ ಅಡ್ವಾಸಿ ಮತ್ತು ಅಕ್ಷಯ್ ಅಹಿರ್ವಾರ್ ವಿರುದ್ಧ ಪೊಲೀಸರು ಭಾರತೀಯ ನ್ಯಾಯ ಸಂಹಿತಾ ಸೆಕ್ಷನ್ 64 (ಅತ್ಯಾಚಾರ), 70-1 (ಗ್ಯಾಂಗ್ ಅತ್ಯಾಚಾರ) ಮತ್ತು ಲೈಂಗಿಕ ಅಪರಾಧಗಳಿಂದ ಮಕ್ಕಳ ರಕ್ಷಣೆ (ಪೋಕ್ಸೊ) ಕಾಯ್ದೆಯ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.