ನವದೆಹಲಿ,ಜ.19- ಅಸ್ಸಾಂ ಪೊಲೀಸ್‌ ಪಡೆಯ ಮುಖ್ಯಸ್ಥ ಹಾಗು ಹಿರಿಯ ಐಪಿಎಸ್‌ ಅಧಿಕಾರಿ ಜ್ಞಾನೇಂದ್ರ ಪ್ರತಾಪ್‌ ಸಿಂಗ್‌ ಅವರನ್ನು ಕೇಂದ್ರ ಮೀಸಲು ಪೊಲೀಸ್‌ ಪಡೆ (ಸಿಆರ್‌ಪಿಎಫ್‌) ಮಹಾನಿರ್ದೇಶಕರನ್ನಾಗಿ ನೇಮಿಸಲಾಗಿದೆ.
ಸಿಂಗ್‌ ಅವರು ಅಸ್ಸಾಂ-ಮೇಘಾಲಯ ಕೇಡರ್‌ನ 1991 ಬ್ಯಾಚ್‌ನ ಭಾರತೀಯ ಪೊಲೀಸ್‌ ಸೇವೆ ಅಧಿಕಾರಿ.ಮುಂದಿನ ನವೆಂಬರ್‌ 30, 2027 ರಂದು ಅವರ ನಿವೃತ್ತಿಯ ದಿನಾಂಕದವರೆಗೆ ಸಿಆರ್‌ಪಿಎಫ್‌ ಡಿಜಿಯಾಗಿ ಸಿಂಗ್‌ ಅವರ ನೇಮಕಾತಿಯನ್ನು ಕೇಂದ್ರ ಗೃಹ ಸಚಿವಾಲಯ ನೇಮಕಾತಿ ಸಮಿತಿ ಅನುಮೋದಿಸಿದೆ .
- Advertisement -
ಈ ಬಗ್ಗೆ ಆದೇಶ ಹೊರಡಿಸಲಾಗಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.ಕಳೆದ ಡಿ.31 ರಂದು ಸಿಆರ್‌ಪಿಎಫ್‌ ಡಿಜಿ ಆಗಿದ್ದ ಅನೀಶ್‌ ದಯಾಳ್‌ ಸಿಂಗ್‌ ಅವರು ನಿವೃತ್ತರಾದ ನಂತರ ಈವರೆಗೆ ಹಿರಿಯ ಅಧಿಕಾರಿ ವಿತುಲ್‌ ಕುಮಾರ್‌ ಅವರು ಪಡೆಯ ಉಸ್ತುವಾರಿಯನ್ನು ನಿರ್ವಹಿಸುತ್ತಿದ್ದರು.
- Advertisement -