ಬೆಂಗಳೂರು, ನ. 9- 2023ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ 16 ವಿಕೆಟ್ ಗಳೊಂದಿಗೆ ಟೀಮ್ ಇಂಡಿಯಾ ಪರ ಅತಿ ಹೆಚ್ಚು ವಿಕೆಟ್ ಪಡೆದಿರುವ ಮೊಹಮ್ಮದ್ ಶಮಿಯನ್ನು 2ನೇ ವಿವಾಹವಾಗಲು ಬಾಲಿವುಡ್ ನಟಿ ಪಾಯಲ್ ಘೋಶ್ ಷರತ್ತು ಬದ್ಧ ಸಮ್ಮತಿ ಸೂಚಿಸಿದ್ದಾರೆ.
ವಿಶ್ವಕಪ್ ಟೂರ್ನಿಯಲ್ಲಿ ಶಮಿ ಅವರ ಬೌಲಿಂಗ್ ಪ್ರದರ್ಶನಕ್ಕೆ ಕ್ಲೀನ್ ಬೌಲ್ಡ್ ಆಗಿರುವ ಪಯಾಲ್ ಘೋಶ್, ಶಮಿ ನಿಮ್ಮ ಇಂಗ್ಲಿಷ್ ಭಾಷೆಯನ್ನು ಸುಧಾರಿಸಿಕೊಳ್ಳಿ ನಾನು ನಿಮ್ಮನ್ನು ಮದುವೆಯಾಗಲು ರೆಡಿ ಎಂದು ಪಾಯಲ್ ಘೋಶ್ ತಮ್ಮ ಅಧಿಕೃತ ಟ್ವಿಟ್ಟರ್ ಗೋಡೆ ಮೇಲೆ ಬರೆದುಕೊಂಡಿದ್ದಾರೆ.
ರೂಪದರ್ಶಿಯಾಗಿದ್ದ ಪಾಯಲ್ ಘೋಶ್ ಅವರು ತೆಲುಗಿನ ಪ್ರಯಾಣಂ ಸಿನಿಮಾ ಮೂಲಕ ತಮ್ಮ ಸಿನಿಮಾ ಜರ್ನಿ ಆರಂಭಿಸಿ, ನಂತರ ವರ್ಷಧಾರೆ, ಊಸರವಳ್ಳಿ, ಮಿಸ್ಟರ್ ರಾಸ್ಕಲ್, ಪಟೇಲ್ ಕಿ ಪಂಜಾಬ್ ಶಾದಿ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿರುವುದಲ್ಲದೆ, ರಾಮದಾಸ್ ಅತ್ವಾಲೆ ಅವರ ರಾಜಕೀಯ ಪಕ್ಷದ ಮಹಿಳಾ ಘಟಕದ ಉಪಾಧ್ಯಕ್ಷೆಯಾಗಿ 2020ರಲ್ಲಿ ಆಯ್ಕೆಯಾಗಿದ್ದರು.
ನನ್ನ ಪ್ರಕಾರ ಭಾರತ ಮತ್ತು ಪಾಕಿಸ್ತಾನ ಸೆಮಿಫೈನಲ್‍ : ಗಂಗೂಲಿ
ಶಮಿ ಅವರು ಹಿಂದೆ ರೂಪದರ್ಶಿ ಹಸೀನಾ ಜಹಾನ್ ಅವರು ವಿವಾಹವಾಗಿದ್ದು ಇವರಿಗೆ ಒಬ್ಬ ಹೆಣ್ಣು ಮಗುವಿದ್ದು, ಇತ್ತೀಚೆಗೆ ವಿಚ್ಛೇದನಗೊಂಡಿದ್ದು ತಿಂಗಳಿಗೆ 12 ಲಕ್ಷ ರೂ. ಜೀವನಾಂಶ ಭರಿಸುವಂತೆ ಕೋರ್ಟ್ ತೀರ್ಪು ನೀಡಿದೆ. ಈ ತೀರ್ಪನ್ನು ಪ್ರಶ್ನಿಸಿ ಹಸೀನ್ ಇದೀಗ ಉನ್ನತ ನ್ಯಾಯಾಲಯದ ಮೆಟ್ಟಿಲೇರಿದ್ದಾರೆ. ಇನ್ನು ಕೋರ್ಟ್ ಮಗುವನ್ನು ತಾಯಿಯ ಮಡಿಲಿಗೆ ಒಪ್ಪಿಸಿದೆ. ಮಗು ಆರೈಕೆಗೆ ಮಾಸಿಕ 80 ಸಾವಿರ ರೂ. ಮತ್ತು ಹಸೀನ್ ಅವರಿಗೆ ಮಾಸಿಕ 40 ಸಾವಿರ ರೂ. ಜೀವನಾಂಶ ನೀಡಬೇಕು ಎಂದು ಕೋರ್ಟ್ ಆದೇಶಿಸಿತ್ತು.