ನವದೆಹಲಿ,ನ.10- ಪ್ರತಿಪಕ್ಷಗಳ ಜಾತಿ ಗಣತಿ ವಿಚಾರದಿಂದ ತಲೆ ಕೆಡಿಸಿಕೊಂಡಿರುವ ಬಿಜೆಪಿ ಮುಖಂಡರುಗಳು ಒಬಿಸಿ ಸಮುದಾಯವನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳಲು ಭಾರಿ ಕಸರತ್ತು ನಡೆಸಿದೆ. ಲೋಕಸಭಾ ಚುನಾವಣೆಗೆ ದಿನಗಣನೆ ಆರಂಭವಾಗುತ್ತಿದ್ದಂತೆ ಬಿಜೆಪಿ ಅಧ್ಯಕ್ಷ ಜೆಪಿ ನಡ್ಡಾ ಮತ್ತು ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿಎಲ್ ಸಂತೋಷ್ ಸೇರಿದಂತೆ ಉನ್ನತ ನಾಯಕರು ಮತ್ತು ಕೇಂದ್ರ ಸಚಿವರಾದ ಅಮಿತ್ ಶಾ ಮತ್ತು ನಿತಿನ್ ಗಡ್ಕರಿ ಅವರೊಂದಿಗೆ ಮಹತ್ವದ ಸಭೇ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.
ಕಳೆದ ವಾರ ದೆಹಲಿಯಲ್ಲಿ ಈ ನಾಯಕರುಗಳು ಭೇಟಿಯಾಗಿ ವಿವರಗಳನ್ನು ಚರ್ಚಿಸಿದರು. ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಸೇರಿದಂತೆ 10 ರಾಜ್ಯಗಳ ನಲವತ್ತು ನಾಯಕರು ಸಭೆಯಲ್ಲಿ ಪಾಲ್ಗೊಂಡಿದ್ದರು.
ಎನ್‍ಡಿಎ ಮಿತ್ರಪಕ್ಷಗಳಾಗಿದ್ದ ಅಪ್ನಾ ದಳ (ಸೋನೆಲಾಲ), ಸುಹೇಲ್ ದೇವ್ ಭಾರತೀಯ ಸಮಾಜ ಪಕ್ಷ, ನಿಶಾದ್ ಪಕ್ಷ ಮತ್ತು ಹಿಂದೂಸ್ತಾನಿ ಅವಾಮ್ ಮೋರ್ಚಾ ಸೆಕ್ಯುಲರ್ ಸೇರಿದಂತೆ ಅದರ ಹಲವಾರು ಪಕ್ಷಗಳು ಜಾತಿ ಗಣತಿ ವಿಷಯವನ್ನು ಬೆಂಬಲಿಸಿವೆ ಎಂಬ ಅಂಶವು ಬಿಜೆಪಿಯ ಒತ್ತಡ ಹೆಚ್ಚಿಸಿದೆ.
ಕಲಾ ಲೋಕದ ರಾಯಭಾರಿಗೆ 68ನೇ ಹುಟ್ಟುಹಬ್ಬ
ಒಬಿಸಿ ಮತ್ತು ಅತ್ಯಂತ ಹಿಂದುಳಿದ ವರ್ಗಗಳು ಬಿಹಾರದ ಜನಸಂಖ್ಯೆಯ ಶೇ.60 ಕ್ಕಿಂತ ಹೆಚ್ಚಾಗಿದೆ ಎಂಬ ವರದಿಯು ಭಾರತದ ಜನಸಂಖ್ಯೆಯ ಕನಿಷ್ಠ 40 ಪ್ರತಿಶತದಷ್ಟಿರುವುದು ವಿಶೇಷ. ಮೂಲಗಳ ಪ್ರಕಾರ ದೆಹಲಿ ಸಭೆ (ಮತ್ತು ಬಿಹಾರ ವರದಿ) ಜಾತಿ ಜನಗಣತಿ ಸಮಸ್ಯೆಯನ್ನು ಪರಿಹರಿಸಲು ಬಿಜೆಪಿಯನ್ನು ಕ್ರಿಯಾತ್ಮಕ ಕ್ರಮಕ್ಕೆ ಮುಂದಾಗಿದೆ ಎಂದು ತಿಳಿದುಬಂದಿದೆ.