ನವದೆಹಲಿ,ಜು.3- ಹಿಜಾಬ್‌ ನಿಷೇಧದ ಬೆನ್ನಲ್ಲೆ ಮುಂಬೈನ ಕಾಲೇಜೊಂದು ಹರಿದ ಜೀನ್ಸ್, ಟೀ ಶರ್ಟ್‌ ಮತ್ತು ರಿವಿಲಿಂಗ್‌ ಡ್ರೆಸ್‌‍ಗಳನ್ನು ಬ್ಯಾನ್‌ ಮಾಡಿದೆ. ಚೆಂಬೂರ್‌ ಟ್ರಾಂಬೆ ಎಜುಕೇಶನ್‌ ಸೊಸೈಟಿಯ ಎನ್‌ಜಿ ಆಚಾರ್ಯ ಮತ್ತು ಡಿಕೆ ಮರಾಠೆ ಕಾಲೇಜಿನ ಆಡಳಿತವು ಹೊರಡಿಸಿದ ನೋಟಿಸ್‌‍ನಲ್ಲಿ, ವಿದ್ಯಾರ್ಥಿಗಳು ಕ್ಯಾಂಪಸ್‌‍ನಲ್ಲಿರುವಾಗ ಔಪಚಾರಿಕ ಮತ್ತು ಯೋಗ್ಯ ಡ್ರೆಸ್‌ ಧರಿಸಿರಬೇಕು ಎಂದು ನೋಟೀಸ್‌ ಹೊರಡಿಸಿದೆ.
ವಿದ್ಯಾರ್ಥಿಗಳು ಕ್ಯಾಂಪಸ್‌‍ನಲ್ಲಿರುವಾಗ ಔಪಚಾರಿಕ ಮತ್ತು ಯೋಗ್ಯವಾದ ಉಡುಪನ್ನು ಧರಿಸಬೇಕು. ಅವರು ಹಾಫ್‌ ಶರ್ಟ್‌ ಅಥವಾ ಪೂರ್ಣ ಶರ್ಟ್‌ ಮತ್ತು ಪ್ಯಾಂಟ್‌ ಧರಿಸಬಹುದು. ಹುಡುಗಿಯರು ಭಾರತೀಯ ಮತ್ತು ಪಾಶ್ಚಿಮಾತ್ಯ ಉಡುಪುಗಳನ್ನು ಧರಿಸಬಹುದು. ವಿದ್ಯಾರ್ಥಿಗಳು ಧರ್ಮವನ್ನು ಬಹಿರಂಗಪಡಿಸುವ ಅಥವಾ ಸಾಂಸ್ಕೃತಿಕ ಅಸಮಾನತೆಯನ್ನು ತೋರಿಸುವ ಯಾವುದೇ ಉಡುಗೆಯನ್ನು ಧರಿಸಬಾರದು.
ಜೀನ್ಸ್, ಟಿ- ಶರ್ಟ್‌ಗಳು, ಬಹಿರಂಗ ಉಡುಪುಗಳು ಮತ್ತು ಜೆರ್ಸಿಗಳನ್ನು ಅನುಮತಿಸಲಾಗುವುದಿಲ್ಲ ಎಂದು ಕಾಲೇಜು ಗೇಟ್‌ನಲ್ಲಿ ನೇತು ಹಾಕಲಾದ ನೋಟಿಸ್‌‍ನಲ್ಲಿ ತಿಳಿಸಲಾಗಿದೆ.ಹಿಜಾಬ್‌, ಬುರ್ಕಾ, ನಕಾಬ್‌, ಸ್ಟೋಲ್‌ಗಳು, ಕ್ಯಾಪ್‌ಗಳು ಮತ್ತು ಬ್ಯಾಡ್‌್ಜಗಳನ್ನು ನೆಲ ಮಹಡಿಯಲ್ಲಿರುವ ಸಾಮಾನ್ಯ ಕೊಠಡಿಗಳಿಗೆ ಹೋಗುವುದರ ಮೂಲಕ ತೆಗೆದುಹಾಕಬಹುದು ಮತ್ತು ನಂತರ ಮಾತ್ರ ಕಾಲೇಜು ಕ್ಯಾಂಪಸ್‌‍ನಾದ್ಯಂತ ಚಲಿಸಬಹುದು ಎಂದು ಸೂಚನೆಯಲ್ಲಿ ತಿಳಿಸಲಾಗಿದೆ.
ಕೆಲವು ವಿದ್ಯಾರ್ಥಿಗಳು ಹೊಸ ಡ್ರೆಸ್‌ ಕೋಡ್‌ ಬಗ್ಗೆ ತಿಳಿಯದೆ ಜೀನ್ಸ್ ಮತ್ತು ಟೀ-ಶರ್ಟ್‌ ಧರಿಸಿ ಬಂದವರನ್ನು ಕಾಲೇಜಿಗೆ ಪ್ರವೇಶ ನಿರಾಕರಿಸಲಾಗಿದೆ.ಕಾಲೇಜು ಆವರಣದೊಳಗೆ ಹಿಜಾಬ್‌, ನಖಾಬ್‌, ಬುರ್ಕಾ, ಸ್ಟೋಲ್ಸ್‌, ಕ್ಯಾಪ್ಸ್ ಮತ್ತು ಬ್ಯಾಡ್ಜ್ ಗಳ ಮೇಲೆ ಈ ಹಿಂದೆ ನಿಷೇಧ ಹೇರಿತ್ತು, ಇದನ್ನು ಅನುಸರಿಸಿ ವಿದ್ಯಾರ್ಥಿಗಳು ಬಾಂಬೆ ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದರು. ತಮ ಅರ್ಜಿಯಲ್ಲಿ, ಒಂಬತ್ತು ವಿದ್ಯಾರ್ಥಿನಿಯರು ನಿಷೇಧವು ನಿರಂಕುಶ, ಅಸಮಂಜಸ, ಕೆಟ್ಟ-ಕಾನೂನು ಮತ್ತು ವಿಕತ ಎಂದು ವಾದಿಸಿದ್ದರು.
ನ್ಯಾಯಮೂರ್ತಿಗಳಾದ ಎಎಸ್‌ ಚಂದೂರ್ಕರ್‌ ಮತ್ತು ರಾಜೇಶ್‌ ಪಾಟೀಲ್‌ ಅವರ ವಿಭಾಗೀಯ ಪೀಠ, ಕಾಲೇಜು ತೆಗೆದುಕೊಂಡ ನಿರ್ಧಾರದಲ್ಲಿ ಮಧ್ಯಪ್ರವೇಶಿಸಲು ಒಲವು ಹೊಂದಿಲ್ಲ ಎಂದು ಹೇಳಿ ಅರ್ಜಿಯನ್ನು ವಜಾಗೊಳಿಸಿತ್ತು.