ವಾಷಿಂಗ್ಟನ್, ನ 2 (ಪಿಟಿಐ) ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಆಂಟೋನಿ ಬ್ಲಿಂಕೆನ್ ಮತ್ತು ರಕ್ಷಣಾ ಕಾರ್ಯದರ್ಶಿ ಲಾಯ್ಡ ಆಸ್ಟಿನ್ ಅವರು ಈ ತಿಂಗಳು ಭಾರತಕ್ಕೆ ಭೇಟಿ ನೀಡುತ್ತಿದ್ದಾರೆ. ಭೇಟಿ ಸಂದರ್ಭದಲ್ಲಿ ಅವರು ತಮ್ಮ ಭಾರತೀಯ ಸಹವರ್ತಿಗಳಾದ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಮತ್ತು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರೊಂದಿಗೆ 2+2 ಸಚಿವ ಸಂವಾದ ನಡೆಸಲಿದ್ದಾರೆ ಎಂದು ವಿದೇಶಾಂಗ ಇಲಾಖೆ ಹೇಳಿದೆ.
ಸ್ಟೇಟ್ ಡಿಪಾಟ್ರ್ಮೆಂಟ್ ವಕ್ತಾರ ಮ್ಯಾಥ್ಯೂ ಮಿಲ್ಲರ್ ಅವರು ಭಾರತಕ್ಕೆ ಬ್ಲಿಂಕನ್ ಅವರ ಪ್ರವಾಸವು ಒಂದು ವಾರಕ್ಕೂ ಹೆಚ್ಚು ಅವಧಿಯ ಪ್ರವಾಸದ ಕೊನೆಯಲ್ಲಿ ಬರುತ್ತದೆ – ನವೆಂಬರ್ 2 ರಿಂದ ನವೆಂಬರ್ 10 ರವರೆಗೆ – ಇಸ್ರೇಲ್ ಮತ್ತು ಜೋರ್ಡಾನ್‍ನಿಂದ ಪ್ರಾರಂಭಿಸಿ ಇಂಡೋ-ಪೆಸಿಫಿಕ್ ಜಪಾನ್, ದಕ್ಷಿಣ ಕೊರಿಯಾ ಮತ್ತು ಭಾರತಕ್ಕೆ ಪ್ರಯಾಣ ಬೆಳೆಸಲಿದ್ದಾರೆ ಎಂದಿದ್ದಾರೆ.
ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ತೆಲಂಗಾಣ ಮಹಿಳೆಯರಿಗೆ 4 ಸಾವಿರ ರೂ.ಲಾಭ ; ರಾಹುಲ್
ಈ ದೇಶಗಳಿಗೆ ಅವರ ಪ್ರವಾಸದ ನಿಖರವಾದ ದಿನಾಂಕಗಳನ್ನು ಘೋಷಿಸಲಾಗಿಲ್ಲ. ನವದೆಹಲಿಯಲ್ಲಿ ಅಮೆರಿಕದ ನಿಯೋಗ 2+2 ಸಚಿವರ ಸಂವಾದದಲ್ಲಿ ಭಾಗವಹಿಸಲಿದೆ. ನಿಯೋಗವು ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್, ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಮತ್ತು ಇತರ ಹಿರಿಯ ಭಾರತೀಯ ಅಧಿಕಾರಿಗಳನ್ನು ಭೇಟಿ ಮಾಡಿ ದ್ವಿಪಕ್ಷೀಯ ಮತ್ತು ಜಾಗತಿಕ ಕಾಳಜಿಗಳು ಮತ್ತು ಇಂಡೋ-ಪೆಸಿಫಿಕ್‍ನಲ್ಲಿನ ಬೆಳವಣಿಗೆಗಳೆರಡನ್ನೂ ಚರ್ಚಿಸುತ್ತದೆ ಎಂದು ಮಿಲ್ಲರ್ ಹೇಳಿದರು. ಬ್ಲಿಂಕನ್ ಗುರುವಾರ ಟೆಲ್ ಅವೀವ್‍ಗೆ ಹೊರಡುತ್ತಿದ್ದಾರೆ.