Friday, May 24, 2024
Homeರಾಷ್ಟ್ರೀಯಕೋಟಿ ಕೋಟಿ ಬೆಲೆಬಾಳುವ ವಾಚ್ ಕಳ್ಳಸಾಗಾಣೆ: ತೆಲಂಗಾಣ ಸಚಿವರ ಪುತ್ರನಿಗೆ ಸಮನ್ಸ್

ಕೋಟಿ ಕೋಟಿ ಬೆಲೆಬಾಳುವ ವಾಚ್ ಕಳ್ಳಸಾಗಾಣೆ: ತೆಲಂಗಾಣ ಸಚಿವರ ಪುತ್ರನಿಗೆ ಸಮನ್ಸ್

ಚೆನ್ನೈ, ಏ. 7 (ಪಿಟಿಐ) – ಅಧಿಕೃತ ದಾಖಲೆಗಳ ಪ್ರಕಾರ ಹಲವು ಕೋಟಿ ರೂಪಾಯಿ ಮೌಲ್ಯದ ಅತ್ಯಾಧುನಿಕ ವಾಚ್‍ಗಳ ಕಳ್ಳಸಾಗಣೆಯಲ್ಲಿ ಭಾಗಿಯಾಗಿರುವ ಆರೋಪದ ಮೇಲೆ ತೆಲಂಗಾಣ ಸಚಿವ ಶ್ರೀನಿವಾಸ ರೆಡ್ಡಿ ಅವರ ಪುತ್ರ ಪೊಂಗುಲೇಟಿ ಹರ್ಷ ರೆಡ್ಡಿ ಅವರಿಗೆ ಚೆನ್ನೈ ಕಸ್ಟಮ್ಸ್ ಸಮನ್ಸ್ ಜಾರಿ ಮಾಡಿದೆ.

ಏಪ್ರಿಲ್ 4 ರಂದು ವಿಚಾರಣೆಗೆ ಹಾಜರಾಗಲು ರೆಡ್ಡಿ ಅವರನ್ನು ಕೇಳಲಾಯಿತು, ಆದರೆ ಏಪ್ರಿಲ್ 3 ರಂದು ಪತ್ರದಲ್ಲಿ ಅವರು ಡೆಂಗ್ಯೂ ಜ್ವರದಿಂದ ಚೇತರಿಸಿಕೊಳ್ಳುತ್ತಿರುವುದರಿಂದ ಹಾಜರಾಗಲು ಸಾಧ್ಯವಿಲ್ಲ ಎಂದು ಅವರು ತಮ್ಮ ಅಸಮರ್ಥತೆಯನ್ನು ವ್ಯಕ್ತಪಡಿಸಿದ್ದಾರೆ ಎಂದು ಕಸ್ಟಮ್ಸ್ ಮೂಲಗಳು ತಿಳಿಸಿವೆ.
ಆದಾಗ್ಯೂ, ವೈದ್ಯಕೀಯ ಸಲಹೆಯಂತೆ ಅವರು ಏಪ್ರಿಲ್ 27 ರ ನಂತರ ಇಲಾಖೆಯ ಮುಂದೆ ಹಾಜರಾಗಲು ಒಪ್ಪಿಕೊಂಡಿದ್ದಾರೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಪಿಟಿಐ ಜೊತೆ ಮಾತನಾಡಿದ ರೆಡ್ಡಿ, ಪ್ರಕರಣಕ್ಕೂ ನನಗೂ ಯಾವುದೇ ಸಂಬಂಧವಿಲ್ಲ. ಇದು ಸಂಪೂರ್ಣವಾಗಿ ಆಧಾರರಹಿತವಾಗಿದೆ. ನಾನು ಇದೀಗ ಅಸ್ವಸ್ಥನಾಗಿದ್ದೇನೆ ಎಂದು ತಿಳಿಸಿದ್ದಾರೆ. ಹರ್ಷ ರೆಡ್ಡಿ ನಿರ್ದೇಶಕರಾಗಿರುವ ಹೈದರಾಬಾದ್‍ನಲ್ಲಿರುವ ಕುಟುಂಬದ ಮಾಲೀಕತ್ವದ ಸಂಸ್ಥೆಯ ಕಚೇರಿಗೆ ಮಾರ್ಚ್ 28 ರಂದು ಸಮನ್ಸ್ ಕಳುಹಿಸಲಾಗಿದೆ. ಸಿಂಗಾಪುರದಿಂದ ಚೆನ್ನೈಗೆ ಬಂದಿದ್ದ ಹಾಂಕಾಂಗ್ ಮೂಲದ ಭಾರತೀಯ ಮುಹಮ್ಮದ್ ಪಹರ್ದೀನ್ ಮುಬೀನ್ ಎಂಬಾತನಿಂದ ಎರಡು ಐಷಾರಾಮಿ ವಾಚ್‍ಗಳಾದ ಪಾಟೆಕ್ ಫಿಲಿಪ್ 5740 ಮತ್ತು ಬ್ರೆಗುಟ್ 2759 ಅನ್ನು ವಶಪಡಿಸಿಕೊಂಡಾಗ ಕಸ್ಟಮ್ಸ ಫೆಬ್ರವರಿ 5 ರಂದು ಕಳ್ಳಸಾಗಣೆ ಪ್ರಕರಣವನ್ನು ದಾಖಲಿಸಿದೆ.

ವಾಚ್‍ಗಳ ಮೂಲ ಮೌಲ್ಯವು 1.73 ಕೋಟಿ ರೂಪಾಯಿ ಎಂದು ಕಸ್ಟಮ್ಸ ಅಂದಾಜಿಸಿದೆ. ಪಾಟೆಕ್ ಫಿಲಿಪ್‍ಗೆ ಭಾರತದಲ್ಲಿ ಯಾವುದೇ ಡೀಲರ್ ಇಲ್ಲ, ಆದರೆ ಬ್ರೆಗುಟ್ ಭಾರತೀಯ ಮಾರುಕಟ್ಟೆಯಲ್ಲಿ ಸ್ಟಾಕ್ ಇಲ್ಲ ಎಂದು ಕಸ್ಟಮ್ಸ ಅಧಿಕೃತ ಪತ್ರಿಕಾ ಪ್ರಕಟಣೆ ತಿಳಿಸಿದೆ. ಕಸ್ಟಮ್ಸ್‍ನ ತನಿಖೆಯ ಪ್ರಕಾರ, ಮಾರ್ಚ್ 12 ರಂದು ಕಸ್ಟಮ್ಸ್‍ನಿಂದ ವಿಚಾರಣೆಗೆ ಒಳಗಾದ ಮಧ್ಯವರ್ತಿ ಅಲೋಕಂ ನವೀನ್ ಕುಮಾರ್ ಮೂಲಕ ಹರ್ಷ ರೆಡ್ಡಿ ಮುಬೀನ್‍ನಿಂದ ವಾಚ್‍ಗಳನ್ನು ಖರೀದಿಸಿದವರು ಎಂದು ಗುರುತಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.

ವಿಚಾರಣೆಯ ವೇಳೆ ನವೀನ್ ಕುಮಾರ್ ಅವರು ಹರ್ಷ ಮತ್ತು ಮುಬೀನ್ ಎಂಬ ಐಷಾರಾಮಿ ವಾಚ್ ಡೀಲರ್ ನಡುವೆ ಮಧ್ಯವರ್ತಿಯಾಗಿ ವರ್ತಿಸಿದ್ದಾರೆ ಮತ್ತು ಯುಎಸ್‍ಡಿಟಿ-ಒಂದು ರೀತಿಯ ಕ್ರಿಪ್ರೋಕರೆನ್ಸಿ- ಮತ್ತು ನಗದು ಮೂಲಕ ಹವಾಲಾ ಮಾರ್ಗವನ್ನು ಬಳಸಿಕೊಂಡು ವ್ಯವಹಾರಕ್ಕೆ ಪಾವತಿಗಳನ್ನು ಸುಗಮಗೊಳಿಸಿದ್ದಾರೆ ಎಂದು ಬಹಿರಂಗಪಡಿಸಿದ್ದಾರೆ ಎಂದು ಕಸ್ಟಮ್ಸ ಮೂಲಗಳು ಹೇಳಿವೆ.

RELATED ARTICLES

Latest News