Monday, June 24, 2024
Homeರಾಷ್ಟ್ರೀಯಸ್ವಾತಿ ಮಲಿವಾಲ್‌ ಹಲ್ಲೆ ಪ್ರಕರಣ : ಬಿಭವ್‌ಕುಮಾರ್‌ ವಿರುದ್ಧ 201 ಸೆಕ್ಷನ್‌ ಅಡಿ ಪ್ರಕರಣ ದಾಖಲು

ಸ್ವಾತಿ ಮಲಿವಾಲ್‌ ಹಲ್ಲೆ ಪ್ರಕರಣ : ಬಿಭವ್‌ಕುಮಾರ್‌ ವಿರುದ್ಧ 201 ಸೆಕ್ಷನ್‌ ಅಡಿ ಪ್ರಕರಣ ದಾಖಲು

ನವದೆಹಲಿ,ಜೂ.10- ಸಂಸದೆ ಸ್ವಾತಿ ಮಲಿವಾಲ್‌ ಅವರ ಮೇಲಿನ ಹಲ್ಲೆ ಪ್ರಕರಣದಲ್ಲಿ ಮುಖ್ಯಮಂತ್ರಿ ಅರವಿಂದ್‌ ಕೇಜ್ರಿವಾಲ್‌ ಅವರ ಸಹಾಯಕ ಬಿಭವ್‌ ಕುಮಾರ್‌ ವಿರುದ್ಧ ದೆಹಲಿ ಪೊಲೀಸರು ಸಾಕ್ಷ್ಯ ಕಣ್ಮರೆ ಮತ್ತು ಸುಳ್ಳು ಮಾಹಿತಿಗಾಗಿ ಹೊಸ ಸೆಕ್ಷನ್‌ ಸೇರಿಸಿದ್ದಾರೆ.

ಮೇ 13 ರಂದು ಮುಖ್ಯಮಂತ್ರಿಯವರ ಅಧಿಕತ ನಿವಾಸದಲ್ಲಿ ಮಲಿವಾಲ್‌ ಮೇಲೆ ಹಲ್ಲೆ ನಡೆಸಿದ ಆರೋಪ ಕುಮಾರ್‌ ಮೇಲಿದೆ. ಈ ಪ್ರಕರಣದಲ್ಲಿ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್‌ 201 ಅನ್ನು ಸೇರಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.

ಸೆಕ್ಷನ್‌ 201 ಅಪರಾಧದಲ್ಲಿ ದೊಡ್ಡ ಅಪರಾಧಕ್ಕಾಗಿ ನೀಡಲಾಗುವ ಶಿಕ್ಷೆಯ ಆರನೇ ಒಂದು ಭಾಗದಷ್ಟು ಜೈಲು ಶಿಕ್ಷೆಗೆ ಅವಕಾಶ ನೀಡುತ್ತದೆ.ಕುಮಾರ್‌ ವಿರುದ್ಧ ಎಫ್‌ಐಆರ್‌ ಅನ್ನು ಮೇ 16 ರಂದು ಐಪಿಸಿಯ ನಿಬಂಧನೆಗಳಾದ ಕ್ರಿಮಿನಲ್‌ ಬೆದರಿಕೆ, ಹಲ್ಲೆ ಅಥವಾ ಕ್ರಿಮಿನಲ್‌ ಬಲದಿಂದ ಮಹಿಳೆಯರ ಮೇಲೆ ಹಲ್ಲೆ ನಡೆಸುವುದು ಮತ್ತು ನರಹತ್ಯೆಗೆ ಪ್ರಯತ್ನಿಸುವುದು ಮುಂತಾದ ಪ್ರಕರಣಗಳ ಅಡಿಯಲ್ಲಿ ದಾಖಲಿಸಲಾಗಿದೆ.

ದೆಹಲಿ ಮಹಿಳಾ ಆಯೋಗದ ಮಾಜಿ ಮುಖ್ಯಸ್ಥ ಮಲಿವಾಲ್‌‍, ಕೇಜ್ರಿವಾಲ್‌ ಅವರನ್ನು ಭೇಟಿಯಾಗಲು ಹೋದಾಗ ಕುಮಾರ್‌ ತನ್ನ ಮೇಲೆ ಸಂಪೂರ್ಣ ಬಲದಿಂದ ಹಲ್ಲೆ ಮಾಡಿದರು, ಕಪಾಳಮೋಕ್ಷ ಮಾಡಿದರು ಮತ್ತು ಒದ್ದರು ಎಂದು ಆರೋಪಿಸಿದ್ದಾರೆ.

RELATED ARTICLES

Latest News