ನವದೆಹಲಿ,ಜ.5- ಸುಪ್ರೀಂಕೋರ್ಟ್‍ನಿಂದ ಕ್ಲೀನ್‍ಚಿಟ್ ಪಡೆದ ಕೆಲವೇ ದಿನಗಳಲ್ಲಿ ಅದಾನಿ ಉದ್ಯಮಗಳ ಸಮೂಹದ ಅಧ್ಯಕ್ಷ ಗೌತಮ್ ಅದಾನಿ ಅವರು ಮತ್ತೆ ಏಷ್ಯಾದ ಶ್ರೀಮಂತ ವ್ಯಕ್ತಿಯಾಗಿ ಹೊರ ಹೊಮ್ಮಿದ್ದಾರೆ. ಅಮೆರಿಕ ಮೂಲದ ಹಿಂಡೆನ್‍ಬರ್ಗ್ ರಿಸರ್ಚ್‍ನ ಆರೋಪಗಳಿಗೆ ಸಂಬಂಧಿಸಿದಂತೆ ಸಮೂಹದ ವಿರುದ್ಧ ಯಾವುದೇ ಹೊಸ ತನಿಖೆಗಳ ಅಗತ್ಯವಿಲ್ಲ ಎಂದು ಸುಪ್ರೀಂ ಕೋರ್ಟ್ ಹೇಳಿದ ಕೆಲವು ದಿನಗಳ ನಂತರ ಗೌತಮ್ ಅದಾನಿ ಮತ್ತೆ ಏಷ್ಯಾದ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ.
ಬ್ಲೂಮ್‍ಬರ್ಗ್ ಬಿಲಿಯನೇರ್ಸ್ ಇಂಡೆಕ್ಸ್ ಪ್ರಕಾರ, ಅದಾನಿಯವರ ನಿವ್ವಳ ಮೌಲ್ಯವು ಒಂದು ದಿನದಲ್ಲಿ 7.7 ಶತಕೋಟಿ 97.6 ಶತಕೋಟಿಗೆ ಏರಿತು, ಇದುವರೆಗೂ ಮುಖೇಶ್ ಅಂಬಾನಿ ಈ ರೇಸಿನಲ್ಲಿ ಅಗ್ರ ಸ್ಥಾನ ಪಡೆದುಕೊಂಡಿದ್ದರು. ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‍ನ ಅಧ್ಯಕ್ಷರಾದ ಅಂಬಾನಿ ಅವರು 97 ಬಿಲಿಯನ್ ನಿವ್ವಳ ಮೌಲ್ಯದೊಂದಿಗೆ ಕಡಿಮೆ ಅಂತರದಿಂದ ಹಿಂದುಳಿದಿದ್ದಾರೆ ಎಂದು ಸೂಚ್ಯಂಕ ತೋರಿಸುತ್ತದೆ.
1980 ರ ದಶಕದಲ್ಲಿ ವಜ್ರದ ವ್ಯಾಪಾರಿಯಾಗಿ ಪ್ರಾರಂಭವಾದ ಮೊದಲ ತಲೆಮಾರಿನ ವಾಣಿಜ್ಯೋದ್ಯಮಿಯ ಪುನರಾಗಮನವು ಅದಾನಿಯವರ ಬಂದರುಗಳಿಂದ ಅಕಾರದ ಸಮೂಹಕ್ಕೆ ಘಟನಾತ್ಮಕ ವರ್ಷವಾಗಿದೆ. ಹಿಂಡೆನ್‍ಬರ್ಗ್‍ನ ಕಾಪೆರ್ರೇಟ್ ವಂಚನೆಯ ಆರೋಪಗಳನ್ನು ನಿರಾಕರಿಸಿದರೂ, ಅದಾನಿ ಗ್ರೂಪ್ ಕಳೆದ ವರ್ಷ ಒಂದು ಹಂತದಲ್ಲಿ 150 ಶತಕೋಟಿಗಿಂತ ಹೆಚ್ಚಿನ ಮಾರುಕಟ್ಟೆ ಮೌಲ್ಯವನ್ನು ಕಳೆದುಕೊಂಡಿತು ಮತ್ತು ಹೂಡಿಕೆದಾರರು, ಸಾಲದಾತರು, ಸಾಲ ಮರುಪಾವತಿ ಮತ್ತು ನಿಯಂತ್ರಕ ಕಾಳಜಿಗಳನ್ನು ಸಮಾಧಾನಪಡಿಸುವ ಮೂಲಕ ತಿಂಗಳುಗಳನ್ನು ಕಯಬೇಕಾಗಿ ಬಂದಿತ್ತು.
ಕೇಜ್ರಿವಾಲ್, ಸೂರೆನ್ ಬಂಧನ ಸಾಧ್ಯತೆ : ಪವಾರ್
ಅದಾನಿ ಗ್ರೂಪ್‍ನ ಷೇರುಗಳು ಈ ವಾರ ಸುಪ್ರಿಂಕೋರ್ಟ್ ಸ್ಥಳೀಯ ಮಾರುಕಟ್ಟೆಗಳ ನಿಯಂತ್ರಕರಿಗೆ ಸಂಘಟಿತ ಕಂಪನಿಯ ತನಿಖೆಯನ್ನು ಮೂರು ತಿಂಗಳೊಳಗೆ ಮುಕ್ತಾಯಗೊಳಿಸುವಂತೆ ಆದೇಶಿಸಿದ ನಂತರ ಮತ್ತು ಹೆಚ್ಚಿನ ತನಿಖೆಗಳ ಅಗತ್ಯವಿಲ್ಲ ಎಂದು ಹೇಳಿದ ನಂತರ, ಅದಾನಿ ಸಮೂಹ ಚೇತರಿಸಿಕೊಂಡಿದೆ.
ಮುಂದಿನ ದಶಕದಲ್ಲಿ ತನ್ನ ವ್ಯವಹಾರಗಳಾದ್ಯಂತ ಹಸಿರು ಪರಿವರ್ತನೆಗಾಗಿ 100 ಶತಕೋಟಿಯಷ್ಟು ಬಂಡವಾಳ ಹೂಡಿರುವ ಅದಾನಿ, ತನ್ನ ಕಲ್ಲಿದ್ದಲು ವ್ಯಾಪಾರದ ಮೂಲವನ್ನು ಮೀರಿ ಡಾಟಾ ಸೆಂಟರ್‍ಗಳು, ಕೃತಕ ಬುದ್ಧಿಮತ್ತೆ, ನಗರಾಭಿವೃದ್ಧಿ, ವಿಮಾನ ನಿಲ್ದಾಣಗಳು ಮತ್ತು ಮಾಧ್ಯಮಗಳಲ್ಲಿ ತನ್ನ ಸಾಮ್ರಾಜ್ಯವನ್ನು ವೇಗವಾಗಿ ವೈವಿಧ್ಯಗೊಳಿಸಲು ಮುಂದಾಗಿದ್ದಾರೆ.