ನವದೆಹಲಿ, ಜ. 9 (ಪಿಟಿಐ)- ಪಾದದ ಗಾಯದಿಂದ ಚೇತರಿಸಿಕೊಂಡಿರುವ ಭಾರತದ ಸ್ಟಾರ್ ವೇಗಿ ಮೊಹಮ್ಮದ್ ಶಮಿ, ಮುಂಬರುವ ಇಂಗ್ಲೆಂಡ್ ವಿರುದ್ಧದ ತವರು ಟೆಸ್ಟ್ ಸರಣಿಯನ್ನು ಗಮನದಲ್ಲಿಟ್ಟುಕೊಂಡು ಅತ್ಯುತ್ತಮ ಫಿಟ್ನೆಸ್ ಸಾಧಿಸುವುದು ತಮ್ಮ ಪ್ರಧಾನ ಗುರಿಯಾಗಿದೆ ಎಂದು ಹೇಳಿದ್ದಾರೆ. ಭಾರತದ ಏಕದಿಣ ವಿಶ್ವಕಪ್ ಅಭಿಯಾನದ ಸ್ಟಾರ್‍ಗಳಲ್ಲಿ ಒಬ್ಬರಾದ ಶಮಿ ಅವರಿಗೆ ದೇಶದ ಎರಡನೇ ಅತ್ಯುನ್ನತ ಕ್ರೀಡಾ ಗೌರವವಾದ ಅರ್ಜುನ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ.
ಮುಂದಿನ ಎರಡು ಟೂರ್ನಮೆಂಟ್‍ಗಳು ಮತ್ತು ಸರಣಿಗಳು ದೊಡ್ಡದಾಗಿರುವುದರಿಂದ ನಾನು ಸಾಧ್ಯವಾದಷ್ಟು ಫಿಟ್ ಆಗಿರುವುದು ನನ್ನ ಗುರಿಯಾಗಿದೆ. ನಾನು ಫಿಟ್‍ನೆಸ್‍ನತ್ತ ಗಮನ ಹರಿಸುತ್ತೇನೆ ಎಂದು ಏಳು ವಿಶ್ವಕಪ್ ಪಂದ್ಯಗಳಲ್ಲಿ 24 ವಿಕೆಟ್‍ಗಳನ್ನು ಪಡೆದ ಶಮಿ ಪಿಟಿಐಗೆ ತಿಳಿಸಿದ್ದಾರೆ. ಈ ವರ್ಷದ ರಾಷ್ಟ್ರೀಯ ಕ್ರೀಡಾ ಪ್ರಶಸ್ತಿ ವಿಜೇತರಿಗೆ ಕ್ರೀಡಾ ಸಚಿವಾಲಯ ಹಮ್ಮಿಕೊಂಡಿದ್ದ ಔತಣ ಕೂಟದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.
ಬೆಳ್ಳಂಬೆಳಗ್ಗೆ ರಾಜ್ಯದ ವಿವಿಧೆಡೆ ಲೋಕಾಯುಕ್ತ ದಾಳಿ
ನನ್ನ ಕೌಶಲ್ಯದ ಬಗ್ಗೆ ಯಾವುದೇ ಉದ್ವಿಗ್ನತೆ ಇಲ್ಲ, ನಾನು ನನ್ನ ಫಿಟ್ನೆಸ್ ಅನ್ನು ಕಾಪಾಡಿಕೊಂಡರೆ, ಮೈದಾನದಲ್ಲಿ ಕೌಶಲ್ಯ ಇರುತ್ತದೆ ಎಂದು ನಾನು ನಂಬುತ್ತೇನೆ. ಪ್ರಸ್ತುತ ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ (ಎನ್‍ಸಿಎ) ಪುನರ್ವಸತಿ ಪಡೆಯುತ್ತಿರುವ ಶಮಿ, ಬಿಸಿಸಿಐ ವೈದ್ಯಕೀಯ ತಂಡದಿಂದ ಅನುಮತಿ ಪಡೆಯದ ಕಾರಣ ಇತ್ತೀಚಿನ ದಕ್ಷಿಣ ಆಫ್ರಿಕಾ ಸರಣಿಯನ್ನು ಕಳೆದುಕೊಂಡಿದ್ದರು.
ಇಂಗ್ಲೆಂಡ್ ವಿರುದ್ಧದ ಐದು ಟೆಸ್ಟ್‍ಗಳ ಸರಣಿ ಜನವರಿ 25ರಿಂದ ಆರಂಭವಾಗಲಿದೆ. ಇದು ಕನಸು ನನಸಾಗಿದೆ, ಇದು ನನ್ನ ಜೀವನದ ದೊಡ್ಡ ಸಾಧನೆ, ನನ್ನ ಕಠಿಣ ಪರಿಶ್ರಮದ ಫಲ ಎಂದು ಅವರು ಹೇಳಿದ್ದಾರೆ.
ತಮ್ಮ ವೃತ್ತಿಜೀವನದಲ್ಲಿ ಇದುವರೆಗೆ ಶಮಿ ಅವರು 64 ಟೆಸ್ಟ್‍ಗಳಲ್ಲಿ 229 ವಿಕೆಟ್‍ಗಳನ್ನು ಪಡೆದಿರುವ ಅವರು ನಿಮ್ಮ ಅದೃಷ್ಟವನ್ನು ಯಾರೂ ಬದಲಾಯಿಸಲು ಸಾಧ್ಯವಿಲ್ಲ, ಯಾವುದನ್ನಾದರೂ ವಿ ನಿರ್ಧರಿಸಿದರೆ, ಅದು ಸಂಭವಿಸುತ್ತದೆ. ಒಬ್ಬನು ತನ್ನ ಕಠಿಣ ಪರಿಶ್ರಮವನ್ನು ಮುಂದುವರಿಸಿದರೆ ಅದು ಫಲ ನೀಡುತ್ತದೆ ಎಂದು ಮಾರ್ಮಿಕವಾಗಿ ನುಡಿದಿದ್ದಾರೆ.