ಕೌಶಾಂಬಿ, ಏ. 28: ಮನೆಯ ಪ್ಲಾಸ್ಟರಿಂಗ್ ಗಾಗಿ ಮಣ್ಣು ಅಗೆಯುವಾಗ ಮಣ್ಣಿನ ದಿಬ್ಬ ಕುಸಿದು ಐವರು ಸಾವನ್ನಪ್ಪಿರುವ ಘಟನೆ ಉತ್ತರ ಪ್ರದೇಶದ ಕೌಶಾಂಬಿ ಜಿಲ್ಲೆಯಲ್ಲಿ ನಡೆದಿದೆ.ಘಟನೆಯಲ್ಲಿ ಇತರ ಮೂವರು ಗಂಭೀರವಾಗಿ ಗಾಯಗೊಂಡಿದ್ದು, ಪ್ರಸ್ತುತ ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಸ್ಟೇಷನ್ ಹೌಸ್ ಆಫೀಸರ್ (ಎಸ್‌ಎಚ್‌ಒ) ಚಂದ್ರಭೂಶನ್ ಮೌರ್ಯ ಮಾತನಾಡಿ, ಇಂದು ಬೆಳಿಗ್ಗೆ, ಕೊಬ್ರಾಜ್ ಪೊಲೀಸ್ ಠಾಣೆ ಪ್ರದೇಶದ ಟಿಕಾರ್ಡಿಹ್ ಗ್ರಾಮದ ಹಲವಾರು ಮಹಿಳೆಯರು ತಮ್ಮ ಮನೆಗಳಿಗೆ ಪ್ಲಾಸ್ಟರ್ ಮಾಡಲು ಗ್ರಾಮದ ಹೊರಗಿನ ದಿಬ್ಬದಿಂದ ಮಣ್ಣನ್ನು ಅಗೆಯಲು ಹೋಗಿದ್ದರು.
ದಿಬ್ಬವು ದುರ್ಬಲವಾಗಿತ್ತು ಮತ್ತು ಗೋಚರಿಸುವ ಬಿರುಕುಗಳನ್ನು ಹೊಂದಿತ್ತು. ಅಗೆಯುವಾಗ, ದಿಬ್ಬದ ದೊಡ್ಡ ಭಾಗವು ಇದ್ದಕ್ಕಿದ್ದಂತೆ ಕುಸಿದು, ಎಲ್ಲರನ್ನೂ ಕೆಳಗೆ ಹೂತುಹಾದರು ಎಂದಿದ್ದಾರೆ.ಘಟನೆಯಲ್ಲಿ ಮಮತಾ (35), ಲಲಿತಾ (35), ಕಬ್ರಾಹಿ (70), ಉಮಾದೇವಿ (15) ಮತ್ತು ಖುಷಿ (17) ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.
ಘಟನೆಯ ಬಗ್ಗೆ ಮಾಹಿತಿ ಪಡೆದ ನಂತರ, ಗ್ರಾಮಸ್ಥರು ಸ್ಥಳಕ್ಕೆ ಧಾವಿಸಿದರು ಮತ್ತು ಆರಂಭದಲ್ಲಿ ಸಂತ್ರಸ್ತರನ್ನು ತಮ್ಮ ಕೈಗಳಿಂದ ರಕ್ಷಿಸಲು ಪ್ರಯತ್ನಿಸಿದರು. ನಂತರ, ರಕ್ಷಣಾ ಕಾರ್ಯಾಚರಣೆಯನ್ನು ವೇಗಗೊಳಿಸಲು ಜೆಸಿಬಿ ಯಂತ್ರವನ್ನು ತರಲಾಯಿತು ಎಂದು ಅವರು ತಿಳಿಸಿದ್ದಾರೆ.
- ಒತ್ತುವರಿ ತೆರುವು ಕುರಿತು ಕೆಲವೇ ಗಂಟೆಗಳಲ್ಲಿ ಸಿಎಂ ಉಲ್ಟಾ ಹೊಡೆದಿದ್ದೇಕೆ..? : ಹರೀಶ್‌ ಪ್ರಶ್ನೆ
- ಬೆಂಗಳೂರಿನಲ್ಲಿ ಮಳೆಯಿಂದ ಹಾನಿಗೊಳಗಾದ ಪ್ರದೇಶಗಳಿಗೆ ಜೆಡಿಎಸ್‌ ತಂಡ ಭೇಟಿ
- ಕಾಮಿಡಿ ಕಿಲಾಡಿ ಖ್ಯಾತಿಯ ನಟ ಮಡೆನೂರು ಮನು ವಿರುದ್ಧ ಅತ್ಯಾಚಾರ ದೂರು ದಾಖಲು
- ಮೆಟ್ರೋ ನಿಲ್ದಾಣದ ಶೌಚಾಲಯ ಬಳಕೆಗೂ ಶುಲ್ಕ
- ಮೈಸೂರು ರಾಜಮನೆತನಕ್ಕೆ 3,400 ಕೋಟಿ ರೂ. ಟಿಡಿಆರ್‌ ನೀಡಲು ಆದೇಶ : ರಾಜ್ಯ ಸರ್ಕಾರಕ್ಕೆ ಭಾರೀ ಹಿನ್ನಡೆ