ನವದೆಹಲಿ, ಏ. 5- ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಮೂರನೇ ಅವಧಿಗೆ ದ್ವೀಪ ರಾಷ್ಟಕ್ಕೆ ಮೊದಲ ಬಾರಿಗೆ ಭೇಟಿ ನೀಡಿದಾಗ ಅವರಿಗೆ ಶ್ರೀಲಂಕಾದಲ್ಲಿ ಔಪಚಾರಿಕ ಗೌರವ ರಕ್ಷೆ ನೀಡಲಾಯಿತು.
ಹಿಂದೂ ಮಹಾಸಾಗರ ಪ್ರದೇಶದಾದ್ಯಂತ ಚೀನಾದ ಪ್ರಭಾವವನ್ನು ವಿಸ್ತರಿಸುವ ಆತಂಕದ ಮಧ್ಯೆ ಎರಡೂ ದೇಶಗಳು ರಕ್ಷಣೆ, ಇಂಧನ, ಡಿಜಿಟಲ್ ಮೂಲಸೌಕರ್ಯ, ಆರೋಗ್ಯ ಮತ್ತು ವ್ಯಾಪಾರ ಕ್ಷೇತ್ರಗಳಲ್ಲಿ ಪ್ರಮುಖ ಒಪ್ಪಂದಗಳಿಗೆ ಸಹಿ ಹಾಕುವ ನಿರೀಕ್ಷೆಯಿದೆ.
ಕಳೆದ ವರ್ಷ ಶ್ರೀಲಂಕಾದ ಅಧ್ಯಕ್ಷ ಅನುರಾ ಕುಮಾರ ದಿಸ್ಸಾ ನಾಯಕೆ ಅಧಿಕಾರ ವಹಿಸಿಕೊಂಡ ನಂತರ ಇದು ಪ್ರಧಾನಿ ಮೋದಿಯವರ ಮೊದಲ ಭೇಟಿಯಾಗಿದೆ. ಮತ್ತು ದಿಸ್ಸಾ ನಾಯಕೆ 2024 ರಲ್ಲಿ ಅಧಿಕಾರಾವಧಿಯನ್ನು ಪ್ರಾರಂಭಿಸಿದ ನಂತರ ಯಾವುದೇ ವಿದೇಶಿ ನಾಯಕರ ಮೊದಲ ಭೇಟಿಯಾಗಿದೆ.
ಡಿಸೆಂಬರ್‌ನಲ್ಲಿ ದಿಸ್ಸಾ ನಾಯಕೆ ಅವರ ಭಾರತ ಭೇಟಿಯ ನಂತರ ಮೋದಿ ಅವರ ಈ ಪ್ರವಾಸ ಆರಂಭವಾಗಿದೆ. ಈ ಭೇಟಿಯ ಸಮಯದಲ್ಲಿ, ಪಿಎಂ ಮೋದಿ ಅವರು ದ್ವೀಪ ರಾಷ್ಟ್ರವನ್ನು 2022 ರ ಆರ್ಥಿಕ ಬಿಕ್ಕಟ್ಟಿನ ನಂತರ ಶ್ರೀಲಂಕಾವನ್ನು ಪುನರ್ನಿಮಿ್ರಸಲು ಸಹಾಯ ಮಾಡುವ ಭಾರತದ ಉಪಕ್ರಮವನ್ನು ಮುಂದುವರಿಸಲಿದ್ದಾರೆ.
120 ಮೆಗಾವ್ಯಾಟ್ ಸೌರ ವಿದ್ಯುತ್ ಸ್ಥಾವರಕ್ಕಾಗಿ ಭಾರತದ ರಾಷ್ಟ್ರೀಯ ಧರ್ಮಲ್ ಪವರ್ ಕಾರ್ಪೊರೇಷನ್ ಮತ್ತು ಶ್ರೀಲಂಕಾದ ಸಿಲೋನ್. ವಿದ್ಯುತ್ ಮಂಡಳಿಯ ನಡುವಿನ ಜಂಟಿ ಉದ್ಯಮದಂತಹ ಪ್ರಮುಖ ಒಪ್ಪಂದಗಳಿಗೆ ಅವರು ಸಹಿ ಹಾಕುವ ಸಾಧ್ಯತೆಯಿದೆ.