Tuesday, July 23, 2024
Homeರಾಷ್ಟ್ರೀಯಅ.2ರವರೆಗೆ ರಾಷ್ಟ್ರಾದ್ಯಂತ 'ಸ್ವಚ್ಛತಾ ಹೀ ಸೇವಾ' ಅಭಿಯಾನ

ಅ.2ರವರೆಗೆ ರಾಷ್ಟ್ರಾದ್ಯಂತ ‘ಸ್ವಚ್ಛತಾ ಹೀ ಸೇವಾ’ ಅಭಿಯಾನ

ನವದೆಹಲಿ,ಸೆ.27- ಭಾರತೀಯ ರೈಲ್ವೇಯು ಸಮಗ್ರ ಬದಲಾವಣೆಯನ್ನು ತರುವ ನಿಟ್ಟಿನಲ್ಲಿ ರಾಷ್ಟ್ರದಾದ್ಯಂತ ಸ್ವಚ್ಛತಾ ಹಿ ಸೇವಾ ಎಂಬ (ಸ್ವಚ್ಛತೆಯೇ ಸೇವೆ) ಅಭಿಯಾನ ನಡೆಸುತ್ತಿದೆ. ಈಗಾಗಲೇ ಸೆ.15ರಿಂದ ಪ್ರಾರಂಭವಾಗಿರುವ ಸ್ವಚ್ಛತಾ ಹಿ ಸೇವಾ ಅಭಿಯಾನವು ಅಕ್ಟೋಬರ್ 2ರ ಗಾಂಧಿ ಜಯಂತಿವರೆಗೂ ಮುಂದುವರೆಯಲಿದೆ.

ಅಭಿಯಾನದ ಮೊದಲ ಒಂಬತ್ತು ದಿನಗಳಲ್ಲೇ ಬರೋಬ್ಬರಿ 1.5 ಲಕ್ಷಕ್ಕೂ ಹೆಚ್ಚು ಮಂದಿ ಭಾಗವಹಿಸಿ ಸಹಕಾರ ನೀಡಿದ್ದು, 5 ಲಕ್ಷ ಗಂಟೆಗಳ ಕಾಲ ಕೆಲಸ ಮಾಡಿ ಸಾಮೂಹಿಕ 498,265 ಮಾನವ-ಗಂಟೆಗಳನ್ನು ಅಭಿಯಾನಕ್ಕೆ ಮೀಸಲಿಟ್ಟಿದ್ದಾರೆ. ರೈಲುಗಳಲ್ಲಿ ಮತ್ತು ನಿಲ್ದಾಣಗಳಲ್ಲಿ ಸರಿಯಾದ ತ್ಯಾಜ್ಯ ವಿಲೇವಾರಿ ಬಗ್ಗೆ ಪ್ರಯಾಣಿಕರಿಗೆ ತಿಳಿಸಲು ಪ್ರಕಟಣೆಗಳನ್ನು ಮಾಡಲಾಗುತ್ತದೆ.

ಅಭಿಯಾನದ ಬಗ್ಗೆ ಜಾಗೃತಿ ಮೂಡಿಸಲು ಪ್ರಭಾತ್ ಫೇರಿಸ್, ಬೆಳಿಗ್ಗೆ ಮೆರವಣಿಗೆಗಳನ್ನು ಸ್ವಚ್ಛ ರೈಲು, ಸ್ವಚ್ಛ ಭಾರತ ಎಂಬ ಘೋಷಣೆಯಡಿ ಆಯೋಜಿಸಲಾಗಿದೆ.

ಐಟಿ ಕಂಪನಿಗಳ ಜೊತೆ ಸೇರಿ ಸೈಬರ್ ಸ್ಪೇರ್ ಸೆಂಟರ್ ಆಫ್ ಎಕ್ಸಲೆನ್ಸಿ ಕೇಂದ್ರ ಸ್ಥಾಪನೆ

ರೈಲು ನಿಲ್ದಾಣಗಳನ್ನು ಸಮೀಪಿಸುವ ಪ್ರದೇಶಗಳಲ್ಲಿ, ಟ್ರ್ಯಾಕ್ಗಳಲ್ಲಿ, ಯಾರ್ಡ್ಗಳಲ್ಲಿ ಅಥವಾ ಡಿಪೊ ಆವರಣದಲ್ಲಿ ಬಯಲು ಶೌಚವನ್ನು ಮುಕ್ತಗೊಳಿಸುವುದು ಅಭಿಯಾನದ ಪ್ರಮುಖ ಉದ್ದೇಶಗಳಲ್ಲಿ ಒಂದಾಗಿದೆ. ಮಾಹಿತಿ, ಶಿಕ್ಷಣ ಮತ್ತು ಸಂವಹನ ಅಭಿಯಾನಗಳು ಈ ಸಂದೇಶವನ್ನು ಪರಿಣಾಮಕಾರಿಯಾಗಿ ಹರಡುವಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ.

ಈ ವರ್ಷದ ಆವೃತ್ತಿಯಲ್ಲಿ ನಿಲ್ದಾಣಗಳಲ್ಲಿನ ರೈಲು ಹಳಿಗಳ ಸ್ವಚ್ಛತೆ, ಪ್ರಮುಖ ನಿಲ್ದಾಣಗಳಿಗೆ ತೆರಳುವ ಮಾರ್ಗಗಳು, ರೈಲ್ವೆ ಆವರಣದಿಂದ ಪ್ಲಾಸ್ಟಿಕ್ ತ್ಯಾಜ್ಯ ನಿರ್ಮೂಲನೆಗೆ ವಿಶೇಷ ಒತ್ತು ನೀಡಲಾಗಿದೆ. ರೈಲ್ವೆಯ ಅಧಿಕೃತ ವೆಬ್ಸೈಟ್ನಲ್ಲಿ ಸ್ವಚ್ಛತಾ ಹಿ ಸೇವಾ ಲೋಗೋ ಮತ್ತು ಬ್ಯಾನರ್ಗಳನ್ನು ಪ್ರಮುಖವಾಗಿ ಪ್ರದರ್ಶಿಸಲಾಗುತ್ತಿದೆ. ಈ ಅಭಿಯಾನದಲ್ಲಿ ರೈಲ್ವೆ ನಿಲ್ದಾಣಗಳಲ್ಲಿ ಸ್ವಚ್ಛವಾದ ಹಾಗೂ ಹೆಚ್ಚು ಸ್ಯಾನಿಟೈಸ್ಡ್ ರೈಲ್ವೇ ವ್ಯವಸ್ಥೆಗೆ ಕೆಲಸ ಮಾಡುತ್ತಿದೆ. ಪ್ರಯಾಣಿಕರಲ್ಲಿ ಜಾಗೃತಿ ಮೂಡಿಸಲು ರೈಲ್ವೆ ಸಮಗ್ರ ವಿಧಾನವನ್ನು ಅಳವಡಿಸಿಕೊಂಡಿದೆ.

ಈ ಅಭಿಯಾನವು ಸ್ವಚ್ಛ ಸಂವಾದ (ಕ್ಲೀನ್ ಡೈಲಾಗ್), ಸ್ವಚ್ಛ ರೈಲುಗಾಡಿ (ಸ್ವಚ್ಛ ರೈಲುಗಳು), ಸ್ವಚ್ಛ ನಿಲ್ದಾಣ (ಸ್ವಚ್ಛ ನಿಲ್ದಾಣಗಳು), ಸ್ವಚ್ಛ ಪರಿಸರ (ಸ್ವಚ್ಛ ಆವರಣ), ಸ್ವಚ್ಛ ಆಹಾರ್ (ಸ್ವಚ್ಛ ಆಹಾರ), ಮತ್ತು ಸ್ವಚ್ಛ ಪ್ಯಾಂಟ್ರಿಗಳು (ಕ್ಲೀನ್ ಪ್ಯಾಂಟ್ರೀಸ್) ಇತರವುಗಳನ್ನು ಒಳಗೊಂಡಿದೆ.

RELATED ARTICLES

Latest News