ನವದೆಹಲಿ, ನ. 19 (ಪಿಟಿಐ) ಭಾರತ ಮತ್ತು ಪಾಕಿಸ್ತಾನ ನಡುವಿನ ಸಂಘರ್ಷವನ್ನು ತಾವು ನಿಲ್ಲಿಸಿದ್ದೇವೆ ಎಂಬ ತಮ್ಮ ಹೇಳಿಕೆಯನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಪುನರುಚ್ಚರಿಸುತ್ತಿರುವುದಕ್ಕೆ ಇಂದು ಕಾಂಗ್ರೆಸ್‌ ಮತ್ತೆ ನರೇಂದ್ರ ಮೋದಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದೆ.
ಟ್ರಂಪ್ ಈ ರೀತಿ ಹೇಳುತ್ತಿರುವುದು 60 ನೆ ಬಾರಿಯಾಗಿದೆ ಎಂದು ಕಾಂಗ್ರೆಸ್‌ ಪಕ್ಷದ ಮುಖಂಡ ಜೈರಾಮ್‌ ರಮೇಶ್‌ ಎಕ್ಸ್ ಮಾಡಿ ಮೋದಿ ಕಾಲೆಳೆದಿದ್ದಾರೆ.ವಾಷಿಂಗ್ಟನ್‌ನಲ್ಲಿ ನಿನ್ನೆ ನಡೆದ ಸೌದಿ ಕ್ರೌನ್‌ ಪ್ರಿನ್ಸ್ ಜೊತೆಗಿನ ಸಭೆಯಲ್ಲಿ, ಆಪರೇಷನ್‌ ಸಿಂಧೂರ್‌ ಅನ್ನು ನಿಲ್ಲಿಸಲು ತಾವು ಮಧ್ಯಪ್ರವೇಶಿಸಿದ್ದೇವೆ ಎಂಬ ತಮ್ಮ ಹೇಳಿಕೆಯನ್ನು ಟ್ರಂಪ್ ಪುನರುಚ್ಚರಿಸಿದ್ದಾರೆ ಎಂದು ರಮೇಶ್‌ ಎಕ್ಸ್ ನಲ್ಲಿ ಹೇಳಿದರು.
ಖಂಡಿತ, ಅವರು ಇದನ್ನು ಸೌದಿ ಅರೇಬಿಯಾದಲ್ಲಿಯೇ ಅಲ್ಲದೆ ಕತಾರ್‌, ಈಜಿಪ್ಟ್‌, ಯುಕೆ, ನೆದರ್ಲ್ಯಾಂಡ್‌್ಸ ಮತ್ತು ಜಪಾನ್‌ನಲ್ಲಿಯೂ ಸಹ ಅನೇಕ ಇತರ ಪತ್ರಿಕಾ ಸಂವಾದಗಳಲ್ಲಿ ಹೇಳಿದ್ದಾರೆ ಎಂದು ಅವರು ಹೇಳಿದರು.
ಸೌದಿ ಕ್ರೌನ್‌ ಪ್ರಿನ್ಸ್ ಜೊತೆಗಿನ ದ್ವಿಪಕ್ಷೀಯ ಸಭೆಯಲ್ಲಿ ಟ್ರಂಪ್, ನಾನು ಎಂಟು ಯುದ್ಧಗಳನ್ನು ನಿಲ್ಲಿಸಿದ್ದೇನೆ. (ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್‌ ಜೊತೆ ಮಾತನಾಡಲು ಇನ್ನೂ ಒಂದು ಯುದ್ಧವಿದೆ. ಪುಟಿನ್‌ ಬಗ್ಗೆ ನನಗೆ ಸ್ವಲ್ಪ ಆಶ್ಚರ್ಯವಾಗಿದೆ. ಇದು ನಾನು ಅಂದುಕೊಂಡಿದ್ದಕ್ಕಿಂತ ಹೆಚ್ಚು ಸಮಯ ತೆಗೆದುಕೊಂಡಿತು, ಆದರೆ ನಾವು ಭಾರತ ಮತ್ತು ಪಾಕಿಸ್ತಾನವನ್ನು ನಿಲ್ಲಿಸಿದ್ದೇವೆ ಎಂದಿದ್ದರು.
ಭಾರತ ಯಾವುದೇ ಪಕ್ಷದ ಹಸ್ತಕ್ಷೇಪವನ್ನು ನಿರಂತರವಾಗಿ ನಿರಾಕರಿಸುತ್ತಲೇ ಬಂದಿದೆ.ಈ ತಿಂಗಳ ಆರಂಭದಲ್ಲಿ, ಭಾರತ ರಷ್ಯಾದಿಂದ ತೈಲ ಖರೀದಿಯನ್ನು ಹೆಚ್ಚಾಗಿ ನಿಲ್ಲಿಸಿದೆ ಎಂಬ ಟ್ರಂಪ್ ಅವರ ಹೇಳಿಕೆಗೆ ಸಂಬಂಧಿಸಿದಂತೆ ಕಾಂಗ್ರೆಸ್‌ ಪ್ರಧಾನಿ ಮೋದಿ ಅವರನ್ನು ಟೀಕಿಸಿತು.ಇದೆಲ್ಲದರ ಬಗ್ಗೆ ಹೌಡಿ ಮೋದಿ ಏನು ಹೇಳುತ್ತಾರೆ? ಎಂದು ವಿರೋಧ ಪಕ್ಷ ಕೇಳಿದೆ.