ವಾಷಿಂಗ್ಟನ್, ಜ. 12- ಯುದ್ಧನೌಕೆ ಮತ್ತು ಜಲಾಂತರ್ಗಾಮಿ ಕ್ಷಿಪಣಿಗಳು ಮತ್ತು ಫೈಟರ್ ಜೆಟ್‍ಗಳನ್ನು ಬಳಸಿಕೊಂಡು ಬೃಹತ್ ಪ್ರತೀಕಾರದ ದಾಳಿಯಲ್ಲಿ ಯೆಮೆನ್‍ನಲ್ಲಿ ಇರಾನ್ ಬೆಂಬಲಿತ ಹೌತಿ ಬಂಡುಕೋರರ ಮೇಲೆ ಅಮೆರಿಕ ಮತ್ತು ಬ್ರಿಟಿಷ್ ಮಿಲಿಟರಿಗಳು ಬಾಂಬ್ ದಾಳಿ ನಡೆಸಿವೆ.
ಮಿಲಿಟರಿ ಗುರಿಗಳಲ್ಲಿ ವಾಯು ರಕ್ಷಣಾ ಮತ್ತು ಕರಾವಳಿ ರಾಡಾರ್ ಸೈಟ್‍ಗಳು, ಡ್ರೋನ್ ಮತ್ತು ಕ್ಷಿಪಣಿ ಸಂಗ್ರಹಣೆ ಮತ್ತು ಉಡಾವಣಾ ಸ್ಥಳಗಳು ಸೇರಿವೆ ಎನ್ನಲಾಗಿದೆ. ಕೆಂಪು ಸಮುದ್ರದ ಮೇಲೆ ಉಗ್ರಗಾಮಿ ಗುಂಪಿನ ನಿರಂತರ ದಾಳಿಯನ್ನು ಯುಎಸ್ ಮತ್ತು ಅದರ ಮಿತ್ರರಾಷ್ಟ್ರಗಳು ಸಹಿಸಿಕೊಳ್ಳುವುದಿಲ್ಲ ಎಂಬುದನ್ನು ಮನದಟ್ಟು ಮಾಡಿಕೊಡುವ ಉದ್ದೇಶದಿಂದ ಈ ದಾಳಿ ನಡೆಸಲಾಗಿದೆ ಎಂದು ಅಧ್ಯಕ್ಷ ಜೋ ಬಿಡೆನ್ ಹೇಳಿದರು. ಮತ್ತು ಅವರು ರಾಜತಾಂತ್ರಿಕ ಮಾತುಕತೆಗಳು ಮತ್ತು ಎಚ್ಚರಿಕೆಯಿಂದ ಚರ್ಚಿಸಿದ ನಂತರವೇ ಈ ಕ್ರಮವನ್ನು ಕೈಗೊಳ್ಳಲಾಗಿದೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.
ಕ್ರೀಡೆಗಳು ಜೀವನ ಪಾಠ ಕಲಿಸುತ್ತದೆ : ಎಸ್.ಮರಿಸ್ವಾಮಿ
ಹೊಡೀಡಾದ ಇಬ್ಬರು ನಿವಾಸಿಗಳಾದ ಅಮೀನ್ ಅಲಿ ಸಲೇಹ್ ಮತ್ತು ಹನಿ ಅಹ್ಮದ್ ಎಂಬುವರು ಕೆಂಪು ಸಮುದ್ರದ ಮೇಲಿರುವ ಮತ್ತು ಹೌತಿಗಳಿಂದ ನಿಯಂತ್ರಿಸಲ್ಪಡುವ ಅತಿದೊಡ್ಡ ಬಂದರು ನಗರವಾಗಿರುವ ನಗರದ ಪಶ್ಚಿಮ ಬಂದರಿನ ಪ್ರದೇಶದಲ್ಲಿ ಐದು ಬಲವಾದ ಸ್ಪೋಟಗಳಾಗಿರುವುದನ್ನು ನೋಡಿರುವುದಾಗಿ ತಿಳಿಸಿದ್ದಾರೆ.
ಇಸ್ರೇಲ್-ಹಮಾಸ್ ಯುದ್ಧದ ಆರಂಭದಿಂದಲೂ ವಾಣಿಜ್ಯ ಹಡಗುಗಳ ಮೇಲೆ ಡ್ರೋನ್ ಮತ್ತು ಕ್ಷಿಪಣಿ ದಾಳಿಯ ನಿರಂತರ ಕಾರ್ಯಾಚರಣೆಗೆ ಪ್ರತಿಯಾಗಿ ಅಮೆರಿಕ ಮಿಲಿಟರಿ ಪ್ರತಿಕ್ರಿಯೆಯನ್ನು ಈ ದಾಳಿಗಳನ್ನು ನಡೆಸಿದೆ.