ಬೆಂಗಳೂರು, ನ. 8- ಅಫ್ಘಾನಿಸ್ತಾನ ವಿರುದ್ಧ ನಡೆದ ಏಕದಿನ ವಿಶ್ವಕಪ್ ಪಂದ್ಯದಲ್ಲಿ ಆಕರ್ಷಕ ದ್ವಿಶತಕ (ಅಜೇಯ 201) ಬಾರಿಸಿದ ಆರ್‍ಸಿಬಿಯ ಸಹ ಆಟಗಾರ ಗ್ಲೆನ್ ಮ್ಯಾಕ್ಸ್ವೆಲ್ಗೆ ಟೀಂ ಇಂಡಿಯಾದ ಕ್ಲಾಸ್ ಆಟಗಾರ ವಿರಾಟ್ ಕೊಹ್ಲಿ ಭಾವನಾತ್ಮಕ ಸಂದೇಶದ ಮೂಲಕ ಶುಭ ಕೋರಿದ್ದಾರೆ.
ಮ್ಯಾಕ್ಸ್‍ವೆಲ್ ಸ್ನಾಯುಸೆಳೆತವನ್ನು ಲೆಕ್ಕಿಸದೆ ಪಂದ್ಯವನ್ನು ಗೆಲ್ಲಿಸಿದ ನಂತರ ತಮ್ಮ ಅಧಿಕೃತ ಎಕ್ಸ್ ಖಾತೆ ಮೂಲಕ ಶುಭ ಕೋರಿರುವ ವಿರಾಟ್ ಕೊಹ್ಲಿ ಇಂತಹ ವಿಲಕ್ಷಣ ಸಾಧನೆ ನಿಮ್ಮಿಂದ ಮಾತ್ರ ಮಾಡಲು ಸಾಧ್ಯ' ಎಂದು ಪ್ರೀತಿಯ ಗೆಳೆಯನಿಗೆ ಒಂದೇ ಸಾಲಿನಲ್ಲಿ ಶುಭ ಕೋರಿದ್ದಾರೆ.
ಮ್ಯಾಕ್ಸ್‍ವೆಲ್ ಸಂತಸ: ನನಗೆ ಮೊದಲು ಅಂತಹ ಇನ್ನಿಂಗ್ಸ್‍ಗಳನ್ನು ಹೊಂದಿದ್ದೇನೆ ಎಂದು ನಾನು ಭಾವಿಸುತ್ತೇನೆ ಮತ್ತು ಅಲ್ಲಿ ನನಗೆ ಅವಕಾಶವನ್ನು ನೀಡಲಾಯಿತು ಮತ್ತು ನಾನು ಅದರಲ್ಲಿ ಹೆಚ್ಚಿನದನ್ನು ಮಾಡಲಿಲ್ಲ, ಆದ್ದರಿಂದ ಹೆಚ್ಚಿನದನ್ನು ಮಾಡುವುದು ಬಹುಶಃ ಅತ್ಯಂತ ಸಂತೋಷಕರ ವಿಷಯವಾಗಿದೆ, ಪ್ಯಾಟಿಯೊಂದಿಗೆ ಔಟಾಗದೇ ಇರುವುದು ಅಂತ್ಯವು ನನಗೆ ನಿಜವಾಗಿಯೂ ಹೆಮ್ಮೆಯ ವಿಷಯವಾಗಿದೆ ‘ ಎಂದು ಮ್ಯಾಕ್ಸ್‍ವೆಲ್ ಸಂತಸ ವ್ಯಕ್ತಪಡಿಸಿದ್ದಾರೆ.
ರೇಸಾರ್ಟ್‍ನಲ್ಲಿ ಜೆಡಿಎಸ್ ಶಾಸಕರ ವಾಸ್ತವ್ಯ
ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ಇಮ್ರಾನ್ ಜರ್ದಾನ್ ಅವರ ಆಕರ್ಷಕ ಶತಕ (129 ರನ್) ನೆರವಿನಿಂದ 291 ರನ್‍ಗಳ ಬೃಹತ್ ಸವಾಲನ್ನು ಕಲೆ ಹಾಕಿತ್ತು.
ಈ ಗುರಿಯನ್ನು ಹಿಂಬಾಲಿಸಿದ ಆಸ್ಟ್ರೇಲಿಯಾ 91 ರನ್‍ಗಳಿಗೆ 7 ವಿಕೆಟ್‍ಗಳನ್ನು ಕಳೆದುಕೊಂಡು ಸೋಲಿನ ಸುಳಿಗೆ ಸಿಲುಕಿತ್ತು. ಆದರೆ 8ನೇ ವಿಕೆಟ್‍ಗೆ ಜೊತೆಗೂಡಿದ ಮ್ಯಾಕ್ಸ್‍ವೆಲ್ ( ಅಜೇಯ 201 ರನ್) ಹಾಗೂ ನಾಯಕ ಪ್ಯಾಟ್ ಕಮ್ಮಿನ್ಸ್ (ಅಜೇಯ 12 ರನ್) ಅವರ 201 ರನ್‍ಗಳ ಜೊತೆಯಾಟದಿಂದ 46.5 ಓವರ್‍ಗಳಲ್ಲೇ 293 ರನ್ ಬಾರಿಸುವ ಮೂಲಕ ಆಸ್ಟ್ರೇಲಿಯಾಕ್ಕೆ 3 ವಿಕೆಟ್‍ಗಳ ರೋಚಕ ಗೆಲುವು ತಂದುಕೊಟ್ಟರು. ಈ ಜಯದೊಂದಿಗೆ ಕಾಂಗರೂ ಪಡೆಯು 2023ರ ಸೆಮಿಫೈನಲ್‍ಗೆ ಅರ್ಹತೆ ಗಿಟ್ಟಿಸಿಕೊಂಡ 3ನೇ ತಂಡವಾಗಿದೆ.