Thursday, December 7, 2023
Homeಅಂತಾರಾಷ್ಟ್ರೀಯಅಮೇರಿಕಾದಲ್ಲಿ ಗುಂಡಿನ ಮೊರೆತ, 22 ಮಂದಿ ಸಾವು

ಅಮೇರಿಕಾದಲ್ಲಿ ಗುಂಡಿನ ಮೊರೆತ, 22 ಮಂದಿ ಸಾವು

ವಾಷಿಂಗ್ಟನ್(ಅಮೆರಿಕಾ),ಅ.26- ಲೆವಿಸ್ಟನ್ ನಗರದ ಮೈನೆಯಲ್ಲಿ ನಡೆದ ಸಾಮೂಹಿಕ ಗುಂಡಿನ ದಾಳಿಗೆ 22 ಮಂದಿ ಸಾವನ್ನಪ್ಪಿ, 60 ಜನ ಗಾಯಗೊಂಡಿದ್ದು, ಆರೋಪಿ ತಲೆಮರೆಸಿಕೊಂಡಿದ್ದಾನೆ. ದಾಳಿಯಲ್ಲಿ 12ಕ್ಕೂ ಹೆಚ್ಚು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದು, ಹಲವರ ಸ್ಥಿತಿ ಚಿಂತಾಜನಕವಾಗಿದೆ. ಸಾವಿನ ಸಂಖ್ಯೆ ಮತ್ತಷ್ಟು ಏರಿಕೆಯಾಗುವ ಸಾಧ್ಯತೆಗಳಿವೆ ಎಂದು ತಿಳಿದುಬಂದಿದೆ.

ಮೈನೆಯ ಎರಡನೇ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರವಾದ ಲೆವಿಸ್ಟನ್‍ನಲ್ಲಿರುವ ಬೌಲಿಂಗ್ ಅಲ್ಲೆ, ರೆಸ್ಟೋರೆಂಟ್ ಮತ್ತು ವಾಲ್‍ಮಾರ್ಟ್ ವಿತರಣಾ ಕೇಂದ್ರದಲ್ಲಿ ಮೂರು ಪ್ರತ್ಯೇಕ ಸ್ಥಳಗಳಲ್ಲಿ ಗುಂಡಿನ ದಾಳಿ ನಡೆದಿದೆ.

ಹುಲಿ ಉಗುರಿನ ವಿಚಾರದಲ್ಲಿ ಎಲ್ಲರ ವಿರುದ್ಧವೂ ಕ್ರಮ ಜರುಗಿಸುತ್ತೇವೆ : ಖಂಡ್ರೆ

ಗುಂಡಿನ ದಾಳಿಯ ಸ್ಥಳಗಳಲ್ಲಿ ಪೊಲೀಸರು, ಅಗ್ನಿಶಾಮಕ ಮತ್ತು ರಕ್ಷಣಾ ಸಿಬ್ಬಂದಿ ಶೋಧಕಾರ್ಯ ನಡೆಸುತ್ತಿದ್ದು, ಸ್ಥಳೀಯ ಪೊಲೀಸರು ಶಂಕಿತ ಶೂಟರ್‍ನ ಫೋಟೋಗಳ ಜೊತೆಗೆ ಆತ ಬಳಸಿದ ಕಾರಿನ ಫೋಟೋಗಳನ್ನು ಬಿಡುಗಡೆ ಮಾಡಿದ್ದಾರೆ. ಬಿಡುಗಡೆಯಾದ ಛಾಯಾಚಿತ್ರಗಳಲ್ಲಿ, ಶಂಕಿತ ವ್ಯಕ್ತಿ ಉದ್ದನೆಯ ತೋಳಿನ ಶರ್ಟ್ ಮತ್ತು ಜೀನ್ಸ್ ಧರಿಸಿದ್ದಾನೆ. ಅಲ್ಲದೇ ಗಡ್ಡ ಬಿಟ್ಟಿದ್ದು, ಕೈಯಲ್ಲಿ ರೈಫಲ್ ಹಿಡಿದುಕೊಂಡಿದ್ದಾನೆ. ಈತ ತಲೆಮರೆಸಿಕೊಂಡಿದ್ದಾನೆ ಎಂದು ಸುದ್ದಿ ಸಂಸ್ಥೆ ರಾಯಿಟರ್ಸ್ ವರದಿ ಮಾಡಿದೆ.

ಅಧಿಕಾರಿಗಳು ಚಿತ್ರದಲ್ಲಿರುವ ಶಂಕಿತನನ್ನು ಗುರುತಿಸಲು ಸಾರ್ವಜನಿಕರ ಸಹಕಾರ ಕೇಳಿದ್ದಾರೆ. ಲೆವಿಸ್ಟನ್ ನಗರದಲ್ಲಿ ಶೂಟರ್ ಸಕ್ರಿಯವಾಗಿದ್ದು, ಯಾರೂ ಮನೆಯಿಂದ ಹೊರಗಡೆ ಬರಬೇಡಿ. ಬಾಗಿಲು ಹಾಕಿಕೊಂಡು ಒಳಗಡೆ ಇರಿ. ಕಾನೂನು ಜಾರಿ ಅಧಿಕಾರಿಗಳನ್ನು ಬೆಂಬಲಿಸಿ. ನೀವು ಯಾವುದೇ ಅನುಮಾನಾಸ್ಪದ ಚಟುವಟಿಕೆ ಅಥವಾ ವ್ಯಕ್ತಿಗಳನ್ನು ನೋಡಿದರೆ ದಯವಿಟ್ಟು 911ಗೆ ಕರೆ ಮಾಡಿ ಎಂದು ಪೋಸ್ಟ್ ಮಾಡಿದ್ದಾರೆ.

ದಾಳಿಯಾದ ಲೆವಿಸ್ಟನ್‍ನಲ್ಲಿ ಸೆಂಟ್ರಲ್ ಮೈನೆ ವೈದ್ಯಕೀಯ ಕೇಂದ್ರವಿದೆ. ಈ ದಾಳಿ ಬೆನ್ನಲ್ಲೆ ರೋಗಿಗಳನ್ನು ಸ್ಥಳಾಂತರಿಸಲಾಗುತ್ತಿದೆ. ಬೌಲಿಂಗ್ ಅಲ್ಲೆ, ರೆಸ್ಟೋರೆಂಟ್ ಮತ್ತು ವಾಲ್ಮಾರ್ಟ್ ವಿತರಣಾ ಕೇಂದ್ರದಲ್ಲಿ ಪ್ರತ್ಯೇಕ ದಾಳಿ ನಡೆದಿದ್ದು ತುರ್ತು ಸಿಬ್ಬಂದಿಯನ್ನು ಕರೆಯಲಾಯಿತು ಎಂದು ಸನ್ ಜರ್ನಲ್ ವರದಿ ಮಾಡಿದೆ.

ಮೃತರ ಸಂಖ್ಯೆಯನ್ನು ಪೊಲೀಸರು ಇನ್ನೂ ಖಚಿತಪಡಿಸಿಲ್ಲ. ಲೆವಿಸ್ಟನ್ ಸಿಟಿ ಕೌನ್ಸಿಲರ್ ರಾಬರ್ಟ್ ಮೆಕಾರ್ಥಿ ಇದುವರೆಗೆ 22 ಜನರು ಸಾವನ್ನಪ್ಪಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ. ಮೊಲ್ಲಿಸನ್ ವೇಯಲ್ಲಿನ ಬಿಡುವಿನ ವೇಳೆಯ ಮನರಂಜನೆ, ಲಿಂಕನ್ ಸ್ಟ್ರೀಟ್‍ನಲ್ಲಿರುವ ಸ್ಕೀಮಿಂಗೀಸ್ ಬಾರ್ ಮತ್ತು ಗ್ರಿಲ್ ರೆಸ್ಟೋರೆಂಟ್ ಮತ್ತು ಆಲ್ರೆಡ್ ಎ ಪ್ಲೌರ್ಡೆ ಪಾಕ್ರ್ವೇಯಲ್ಲಿರುವ ವಾಲ್‍ಮಾರ್ಟ್ ವಿತರಣಾ ಕೇಂದ್ರವನ್ನು ಗುರಿಯಾಗಿರಿಸಿಕೊಂಡು ಗುಂಡಿನ ದಾಳಿ ನಡೆಸಲಾಗಿದೆ.

RELATED ARTICLES

Latest News