ಒಂಟಿ ಪುರುಷ ಸರ್ಕಾರಿ ನೌಕರರಿಗೂ ಶಿಶುಪಾಲನಾ ರಜೆ

ಬೆಂಗಳೂರು, ಜೂ.11- ರಾಜ್ಯ ಸರ್ಕಾರವು ಒಂಟಿ ಪುರುಷ ಸರ್ಕಾರಿ ನೌಕರರಿಗೂ ಶಿಶುಪಾಲನಾ ರಜೆಯ ಸೌಲಭ್ಯವನ್ನು ವಿಸ್ತರಿಸಿದೆ. ಇದು ಕೇವಲ ಆಡಳಿತಾತಕ ಕ್ರಮವಲ್ಲ, ಅದು ಮಕ್ಕಳ ಹೃದಯದ ಹಕ್ಕನ್ನು ಮಾನ್ಯಗೊಳಿಸುವ ಮಾನವೀಯ ಹೆಜ್ಜೆಯಾಗಿದ್ದು, ಇಂತಹ ಮಹತ್ವದ ನಿರ್ಧಾರ ಕೈಗೊಂಡಿದೆ.

ಇದುವರೆಗೆ ಶಿಶುಪಾಲನಾ ರಜೆಯ ಸೌಲಭ್ಯವನ್ನು ಕೇವಲ ಮಹಿಳಾ ಸರ್ಕಾರಿ ನೌಕರರಿಗೆ ಮಾತ್ರ ನೀಡಲಾಗುತ್ತಿತ್ತು. ಆದರೆ, ಮಕ್ಕಳ ಆರೈಕೆಗಾಗಿ ಒಂಟಿ ಪುರುಷ ನೌಕರರಿಗೂ ಇದೇ ಹಕ್ಕು ಅಗತ್ಯವೆಂದು ಪರಿಗಣಿಸಿ, ಸರ್ಕಾರವು 6 ತಿಂಗಳವರೆಗೆ (180 ದಿನ) ಶಿಶುಪಾಲನಾ ರಜೆಯನ್ನು ಮಂಜೂರು ಮಾಡಿದೆ.ಮಕ್ಕಳ ಬಾಲ್ಯವೆಂದರೆ ತಾಯಿಯ ಮಡಿಲು, ತಂದೆಯ ಕೈಹಿಡಿತ, ಮತ್ತು ಕುಟುಂಬದ ಸಾಮರಸ್ಯದೊಂದಿಗೆ ಬೆಳೆಯುವ ಕನಸುಗಳ ಕಾಲ.

ಆದರೆ ಜೀವನದ ಅಸಮಂಜಸ ತಿರುವುಗಳಲ್ಲಿ ಕೆಲವೊಮೆ ತಂದೆಯೇ ಒಂಟಿ, ತಾಯಿ ಇಲ್ಲದಾಗ, ತಂದೆಯೇ ಮಡಿಲು, ತಂದೆಯೇ ಆರೈಕೆ, ತಂದೆಯೇ ಪ್ರೀತಿ. ಇಂತಹ ಸಂದರ್ಭಗಳಲ್ಲಿ ಮಕ್ಕಳಿಗೆ ತಂದೆಯ ಸಾನ್ನಿಧ್ಯ ಅತ್ಯಗತ್ಯ. ಅವರ ಕಣ್ಣಲ್ಲಿ ತಾಯಿಯ ಮಮತೆ, ತಂದೆಯ ಹೊಣೆಗಾರಿಕೆ ಒಂದೇ ಆಗಿ ಬೆರೆತು, ಭದ್ರತೆಯ ಭಾವನೆ ನೀಡುತ್ತದೆ. ಈ ನಿಜವಾದ ಅಗತ್ಯವನ್ನು ಮನಗಂಡು ಈ ನಿರ್ಧಾರ ತೆಗೆದುಕೊಂಡಿದೆ.

ಮಕ್ಕಳಿಗೆ ತಾಯಿ ಎಂಬುದು ಭಾವನಾತಕ ಆಧಾರ. ಆದರೆ, ಜೀವನದ ಅಸಮಂಜಸ ಪರಿಸ್ಥಿತಿಗಳಲ್ಲಿ ತಂದೆಯು ಒಂಟಿಯಾಗಿರುವ ಸಂದರ್ಭಗಳು ಹೆಚ್ಚಾಗುತ್ತವೆ. ವಿಧುರರು, ವಿವಾಹ-ವಿಚ್ಛೇದಿತರಾದವರು ಅಥವಾ ಅವಿವಾಹಿತರು ತಮ ಮಕ್ಕಳಿಗೆ ತಾಯಿ-ತಂದೆಯೆರಡರ ಪಾತ್ರವನ್ನೂ ನಿರ್ವಹಿಸಬೇಕಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಮಕ್ಕಳಿಗೆ ತಂದೆಯ ಸಾನ್ನಿಧ್ಯ, ಆರೈಕೆ, ಪ್ರೀತಿ ಅತ್ಯಗತ್ಯ. ಈ ನಿರ್ಧಾರವು ಮಕ್ಕಳ ಹಕ್ಕನ್ನು ಕಾಪಾಡುವ ಜೊತೆಗೆ ತಂದೆಯ ಹೊಣೆಗಾರಿಕೆಯನ್ನು ಮಾನ್ಯಗೊಳಿಸುತ್ತದೆ.

ಸರ್ಕಾರದ ಆದೇಶದಲ್ಲಿ ಸ್ಪಷ್ಟವಾಗಿ ಹೇಳಿರುವಂತೆ, ಒಂಟಿ ಪುರುಷರು ಈ ರಜೆಯನ್ನು ಪಡೆಯಬಹುದು. ಆದರೆ, ಅವರು ರಜೆಯ ಅವಧಿಯಲ್ಲಿ ವಿವಾಹ ಮಾಡಿಕೊಂಡರೆ, ಆ ದಿನಾಂಕದಿಂದಲೇ ರಜೆ ತಾನಾಗಿಯೇ ರದ್ದುಗೊಳ್ಳುತ್ತದೆ. ಇದು ಮಕ್ಕಳ ಆರೈಕೆಯ ನಿಜವಾದ ಅಗತ್ಯವನ್ನು ಗಮನದಲ್ಲಿಟ್ಟುಕೊಂಡ ನಿಯಮವಾಗಿದೆ. ಈ ನಿರ್ಧಾರವು ಕೇವಲ ಆಡಳಿತಾತಕ ಕ್ರಮವಲ್ಲ, ಅದು ಮಕ್ಕಳ ಹೃದಯದ ಹಕ್ಕನ್ನು ಮಾನ್ಯಗೊಳಿಸುವ ಮಾನವೀಯ ಹೆಜ್ಜೆ. ತಾಯಿ ಇಲ್ಲದಿದ್ದಾಗ ತಂದೆಯೇ ತಾಯಿಯಂತೆ ಮಡಿಲು ನೀಡುವ ಹಕ್ಕನ್ನು ಸರ್ಕಾರ ಮಾನ್ಯಗೊಳಿಸಿದೆ.