ಬೆಂಗಳೂರು,ಸೆ.10- ಎಲೆಕ್ಟ್ರಾನಿಕ್ ಸಿಟಿಯ ಎಂ5 ಇಸಿಟಿ ಮಾಲ್ನಲ್ಲಿ ಗಣೇಶ ಚತುರ್ಥಿಯ ಸಂಭ್ರಮದ ಪ್ರಯುಕ್ತ 2,000ಕ್ಕೂ ಹೆಚ್ಚು ಸಾಂಪ್ರದಾಯಿಕ ಹಿತ್ತಾಳೆ ಗಂಟೆಗಳಿಂದ ರಚಿಸಲಾದ ಅಪರೂಪದ ಗಣೇಶನ ಮೂರ್ತಿಯನ್ನು ಅನಾವರಣಗೊಳಿಸಿದೆ.
ಈ ಗಣಪತಿ ಕಲಾಕೃತಿಯು ಕೇವಲ ಗಾತ್ರದಿಂದಷ್ಟೇ ಅದ್ದೂರಿಯಾಗಿಲ್ಲ, ಬದಲಿಗೆ 2.5 ರಿಂದ 5 ಇಂಚುಗಳವರೆಗಿನ ಸಾವಿರಾರು ಗಂಟೆಗಳನ್ನು ಅತ್ಯಂತ ಸೂಕ್ಷ್ಮವಾಗಿ ಜೋಡಿಸಿ ನಿರ್ಮಿಸಿರುವ ವಿಶಿಷ್ಟ ರೂಪದಿಂದ ಗಮನ ಸೆಳೆಯುತ್ತದೆ.
ಸೆ.15ರ ವರೆಗೆ ಮಾಲ್ನಲ್ಲಿ ಸಾರ್ವಜನಿಕರ ವೀಕ್ಷಣೆಗೆ ಲಭ್ಯವಿರುವ ಈ ಗಣೇಶ ಮೂರ್ತಿಯು ಈ ಹಬ್ಬದ ದಿನಗಳಲ್ಲಿ ಅತ್ಯಂತ ಪ್ರಮುಖ ಆಕರ್ಷಣೀಯ ತಾಣವಾಗಿ ಕಣನ ಸೆಳೆಯಲಿದೆ. ಗಣೇಶ ಚತುರ್ಥಿ ನಂತರ, ಈ ಕಲಾಕೃತಿಯಲ್ಲಿ ಬಳಸಲಾದ 2,000ಕ್ಕೂ ಹೆಚ್ಚು ಹಿತ್ತಾಳೆ ಗಂಟೆಗಳನ್ನು ಆಶೀರ್ವಾದದ ನೆನಪಿನ ಕಾಣಿಕೆಯಾಗಿ ಗ್ರಾಹಕರಿಗೆ ವಿತರಿಸಲಾಗುತ್ತದೆ.
ಈ ಮೂಲಕ ಸಾರ್ವಜನಿಕ ಪ್ರದರ್ಶನದಲ್ಲಿದ್ದ ಪ್ರತಿಯೊಂದು ಗಂಟೆಯೂ ಭಕ್ತಿಯ ವೈಯಕ್ತಿಕ ಸಂಕೇತವಾಗಿ ಬದಲಾಗುತ್ತದೆ. ಇದರಿಂದಾಗಿ ಸಂದರ್ಶಕರು ಕೇವಲ ನೆನಪಿನ ಕಾಣಿಕೆಯನ್ನಷ್ಟೇ ಅಲ್ಲದೆ, ಗಣಪತಿಯ ಆಶೀರ್ವಾದ, ಮಂಗಳಕರತೆಯ ಸಂಕೇತ ಹಾಗೂ ಎಂ5 ಇಸಿಟಿ ಮಾಲ್ನ ಹಬ್ಬದ ಸಂಭ್ರಮದ ನೆನಪನ್ನು ತಮ್ಮ ಮನೆಗಳಿಗೆ ಕೊಂಡೊಯ್ಯಲಿದ್ದಾರೆ.
