ನವದೆಹಲಿ, ಅ. 8 (ಪಿಟಿಐ)- ಪ್ರಧಾನಿ ನರೇಂದ್ರ ಮೋದಿ ಅವರು ದೇಶವು ತನ್ನ ವಾಯುಪಡೆಯ ಯೋಧರ (ಏರ್‌ ವಾರಿಯರ್ಸ್‌) ಬಗ್ಗೆ ಹೆಮ್ಮೆಪಡುತ್ತದೆ ಮತ್ತು ಆಕಾಶವನ್ನು ರಕ್ಷಿಸುವಲ್ಲಿ ಅವರ ಧೈರ್ಯ ಹಾಗೂ ಬದ್ಧತೆಗೆ ದೇಶವು ನಮನ ಸಲ್ಲಿಸುತ್ತದೆ ಎಂದು ಹೇಳಿದರು.
ಭಾರತೀಯ ವಾಯುಪಡೆ ದಿನದ ಸಂದರ್ಭದಲ್ಲಿ, ವಾಯುಪಡೆಯು ಕೇವಲ ಶಸ್ತ್ರಾಸ್ತ್ರಗಳ ಮೂಲಕವಷ್ಟೇ ಅಲ್ಲದೆ, ದತ್ತಾಂಶ (ಡೇಟಾ) ಮತ್ತು ಡ್ರೋನ್‌ಗಳ ಮೂಲಕವೂ ಶತ್ರುಗಳಿಗೆ ಆಘಾತ ನೀಡುವಲ್ಲಿ ಪರಿಣತಿ ಹೊಂದಿದೆ ಎಂದು ಮೋದಿ ಎತ್ತಿ ತೋರಿಸಿದರು.
ವಾಯುಪಡೆಯ ಸ್ಥಾಪನೆ ಮತ್ತು ವಾಯುಪಡೆಯ ಯೋಧರ ತ್ಯಾಗವನ್ನು ಸ್ಮರಿಸಲು ಪ್ರತಿ ವರ್ಷ ಅಕ್ಟೋಬರ್‌ 8 ರಂದು ಭಾರತೀಯ ವಾಯುಪಡೆ ದಿನವನ್ನು ಆಚರಿಸಲಾಗುತ್ತದೆ. ಭಾರತವು ನಮ್ಮ ವಾಯುಪಡೆಯ ಯೋಧರ ಬಗ್ಗೆ ಹೆಮ್ಮೆಪಡುತ್ತದೆ. ವಾಯುಪಡೆ ದಿನದಂದು, ನಮ್ಮ ಆಕಾಶವನ್ನು ರಕ್ಷಿಸುವಲ್ಲಿ ಅವರ ಧೈರ್ಯ ಮತ್ತು ಬದ್ಧತೆಗೆ ನಾವು ನಮನ ಸಲ್ಲಿಸುತ್ತೇವೆ, ಎಂದು ಮೋದಿ ಎಕ್ಸ್ ಮಾಡಿದ್ದಾರೆ.
ಅವರು ಪೋಸ್ಟ್‌ ಮಾಡಿದ ಕಿರು ವಿಡಿಯೋದಲ್ಲಿ, ಭಾರತೀಯ ವಾಯುಪಡೆ ದಿನದಂದು ದೇಶ ಸೇವೆ ಮಾಡುತ್ತಿರುವ ಪ್ರತಿಯೊಬ್ಬ ವಾಯುಪಡೆ ಯೋಧರಿಗೆ ಹಾಗೂ ಅವರ ಕುಟುಂಬಗಳಿಗೆ ತಮ್ಮ ಹೃತ್ಪೂರ್ವಕ ಶುಭಾಶಯಗಳನ್ನು ತಿಳಿಸಲು ಬಯಸುವುದಾಗಿ ಪ್ರಧಾನಿ ಹೇಳಿದರು.
ಆಕಾಶದಲ್ಲಿನ ತಮ್ಮ ಮಾದರಿ ಕಾರ್ಯನಿರ್ವಹಣೆಯಿಂದ ಅವರು ಪ್ರತಿಯೊಬ್ಬ ಭಾರತೀಯರನ್ನೂ ಪ್ರಭಾವಿಸಿದ್ದಾರೆ. ಅವರು ನಮಗೆ ಸುರಕ್ಷತೆಯ ಭಾವನೆಯನ್ನು ಮೂಡಿಸಿದ್ದಾರೆ, ಎಂದು ಅವರು ಹೇಳಿದರು. ಕಳೆದ ಒಂದು ದಶಕದಲ್ಲಿ, ವಾಯುಪಡೆಗೆ ಮತ್ತು ದೇಶದ ಎಲ್ಲಾ ಸಶಸ್ತ್ರ ಪಡೆಗಳಿಗೆ ವಿಶ್ವದ ಅತ್ಯುತ್ತಮ ತಂತ್ರಜ್ಞಾನಗಳನ್ನು ಲಭ್ಯವಾಗುವಂತೆ ಮಾಡಲಾಗಿದೆ ಎಂದು ಮೋದಿ ಸೇರಿಸಿದರು.
ವಾಯುಪಡೆಯು ಕೇವಲ ಶಸ್ತ್ರಾಸ್ತ್ರಗಳ ಮೂಲಕವಷ್ಟೇ ಅಲ್ಲದೆ, ದತ್ತಾಂಶ ಮತ್ತು ಡ್ರೋನ್‌ಗಳ ಮೂಲಕವೂ ಶತ್ರುಗಳಿಗೆ ಆಘಾತ ನೀಡುವಲ್ಲಿ ಪರಿಣತಿ ಹೊಂದಿದೆ. ಅಆಪರೇಷನ್‌ ಸಿಂಧೂರ್‌ನ ಪ್ರತಿಯೊಂದು ಕ್ಷಣವೂ ಭಾರತೀಯ ಸೇನೆಯ ಸಾಮರ್ಥ್ಯಕ್ಕೆ ಸಾಕ್ಷಿಯಾಗಿದೆ, ಎಂದು ಅವರು ಹೇಳಿದರು
