ಮುಂಬೈ,ಮೇ.15- ಕಳೆದ ತಿಂಗಳು ಬಾಲಿವುಡ್‌ ನಟ ಸಲ್ಮಾನ್ ಖಾನ್‌ ಅವರ ನಿವಾಸದ ಮೇಲೆ ನಡೆದ ಗುಂಡಿನ ದಾಳಿಗೆ ಸಂಬಂಧಿಸಿದಂತೆ ಮುಂಬೈ ಕ್ರೈಂ ಬ್ರಾಂಚ್‌ ಪೊಲೀಸರು ಗ್ಯಾಂಗ್‌ಸ್ಟರ್‌ ರೋಹಿತ್‌ ಗೋಡಾರಾ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.
ಮುಂಬೈನ ಬಾಂದ್ರಾ ಪ್ರದೇಶದ ಗ್ಯಾಲಕ್ಸಿ ಅಪಾರ್ಟ್‌ಮೆಂಟ್‌ನಲ್ಲಿರುವ ಸಲ್ಮಾನ್ ಖಾನ್‌ ಅವರ ನಿವಾಸದ ಹೊರಗೆ ಏಪ್ರಿಲ್‌ 14 ರಂದು ಗುಂಡಿನ ಘಟನೆ ನಡೆದಿತ್ತು. ನಂತರದ ಬಂಧನಗಳು ಲಾರೆನ್ಸ್ ಬಿಷ್ಣೋಯ್‌ ಗ್ಯಾಂಗ್‌ಗೆ ಸಂಪರ್ಕವನ್ನು ಬಹಿರಂಗಪಡಿಸಿದವು, ಮುಂಬೈ ಪೊಲೀಸರು ಶೂಟಿಂಗ್‌ನಲ್ಲಿ ಭಾಗಿಯಾಗಿರುವ ಎಲ್ಲರ ವಿರುದ್ಧ ಮಹಾರಾಷ್ಟ್ರದ ಸಂಘಟಿತ ಅಪರಾಧಗಳ ನಿಯಂತ್ರಣ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಮುಂಬೈ ಕ್ರೈಂ ಬ್ರಾಂಚ್‌ ಸಲ್ಮಾನ್ ಖಾನ್‌ ಫೈರಿಂಗ್‌ ಪ್ರಕರಣದಲ್ಲಿ ಇದುವರೆಗೆ ಆರು ಆರೋಪಿಗಳನ್ನು ಬಂಧಿಸಿದೆ ಮತ್ತು ನಾಲ್ವರು ಆರೋಪಿಗಳು ಪರಾರಿಯಾಗಿದ್ದಾರೆ ಮತ್ತು ಹುಡುಕಾಟ ನಡೆಯುತ್ತಿದೆ ಎಂದು ತಿಳಿದುಬಂದಿದೆ.
ಆರನೇ ಆರೋಪಿಯನ್ನು ಹರ್ಪಾಲ್‌ ಸಿಂಗ್‌ (37) ಎಂದು ಗುರುತಿಸಲಾಗಿದ್ದು, ಆತನನ್ನು ಹರಿಯಾಣದ ಫತೇಹಾಬಾದ್‌ನಲ್ಲಿ ಬಂಧಿಸಲಾಗಿದೆ. ಅವರನ್ನು ಮುಂಬೈನ ಎಂಸಿಒಸಿಎ (ಮಹಾರಾಷ್ಟ್ರ ಕಂಟ್ರೋಲ್‌ ಆಫ್‌ ಆರ್ಗನೈಸ್ಡ್‌ ಕ್ರೈಮ್‌ ಆಕ್ಟ್‌) ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು.
ಪೊಲೀಸ್‌ ಅಧಿಕಾರಿಗಳ ಪ್ರಕಾರ, ಮತ್ತೊಬ್ಬ ಆರೋಪಿ ಮೊಹಮದ್‌ ರಫೀಕ್‌ ಚೌಧರಿ ವಿಚಾರಣೆ ವೇಳೆ ಹರ್ಪಾಲ್‌ ಸಿಂಗ್‌ ಮಾಹಿತಿ ಹೊರಬಿದ್ದಿದೆ. ಅವರು ಸಲಾನ್‌ ನಿವಾಸದ ಸುತ್ತ ವಿಹಾರ ನಡೆಸಲು ಚೌಧರಿಗೆ ಹಣಕಾಸು ಒದಗಿಸಿದ್ದರು.
ಈ ಹಿಂದೆ, ದರೋಡೆಕೋರ ಲಾರೆನ್ಸ್ ಬಿಷ್ಣೋಯ್‌ ಅವರ ಸಹೋದರ ಅನೋಲ್‌ ವಿಷ್ಣೋಯ್‌ ಶೂಟರ್‌ಗಳನ್ನು ಪ್ರೇರೇಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಮಾರ್ಚ್‌ 15, 2024 ರಂದು ಪನ್ವೇಲ್‌ನಲ್ಲಿ ಶಸಾ್ತ್ರಸ್ತ್ರ ವಿತರಣೆಯನ್ನು ಸ್ವೀಕರಿಸಿದ ನಂತರ, ಅನೋಲ್‌ ಶೂಟರ್‌ಗಳಿಗೆ ಗುರಿಯ ಮಾಹಿತಿಯನ್ನು ಒದಗಿಸಿದರು, ನಟನ ನಿವಾಸದಲ್ಲಿ ಗುಂಡಿನ ದಾಳಿ ನಡೆಸಲು ಸೂಚಿಸಿದರು.
ಯೋಜಿತ ಗುಂಡಿನ ಘಟನೆಯನ್ನು ಸೂಚನೆಗಳ ಪ್ರಕಾರ ಕಾರ್ಯಗತಗೊಳಿಸಲಾಯಿತು, ಈ ಸಮಯದಲ್ಲಿ ಶೂಟರ್‌ಗಳು ಒಟ್ಟು 3 ಲಕ್ಷ ಪಡೆದಿದ್ದರು.