ಹ್ಯಾಂಗ್ಝೌ,ಅ.3- ಟೊಕಿಯೋ ಒಲಿಂಪಿಕ್ಸ್‍ನಲ್ಲಿ ಪದಕ ಗೆದ್ದು ಸಂಭ್ರಮಿಸಿದ್ದ ಭಾರತದ ಮಹಿಳಾ ಬಾಕ್ಸರ್ ಲವ್ಲೀನಾ ಬೊರ್ಗೆಹೈನ್ ಅವರು ಚೀನಾದಲ್ಲಿ ನಡೆಯುತ್ತಿರುವ ಏಷ್ಯಾನ್ ಕ್ರೀಡಾಕೂಟದಲ್ಲೂ ಫೈನಲ್ ಸುತ್ತು ಪ್ರವೇಶಿಸಿ ಚಿನ್ನದ ಪದಕದ ಭರವಸೆ ಮೂಡಿಸಿದ್ದಾರೆ.
ಇಂದು ಇಲ್ಲಿ ನಡೆದ 75 ಕೆಜಿಯ ಮಹಿಳಾ ಬಾಕ್ಸಿಂಗ್ ವಿಭಾಗದಲ್ಲಿ ಭಾರತದ ಬಾಕ್ಸರ್ ಲವ್ಲೀನಾ ಅವರು ಥೈಯ್ಲಾಂಡ್‍ನ ಬೈಸೋನ್ ಮನ್ನೆಕೋನ್ ಅವರನ್ನು ಮಣಿಸುವ ಮೂಲಕ ಫೈನಲ್ ಸುತ್ತಿಗೆ ಲಗ್ಗೆ ಇಟ್ಟಿದ್ದಾರೆ.
ರಾಜ್ಯದಲ್ಲಿ ಎಲ್ಲಿಯೂ ಕೋಮುಗಲಭೆಗಳಾಗಿಲ್ಲ : ಸಿಎಂ ಸಿದ್ದರಾಮಯ್ಯ
ಬಾಕ್ಸಿಂಗ್‍ನಲ್ಲಿ ಈಗಾಗಲೇ ಭಾರತಕ್ಕೆ 3 ಪದಕಗಳು ಬಂದಿದ್ದು, ಲವ್ಲೀನಾ ಅವರು ಮತ್ತೊಂದು ಪದಕ ಗೆಲ್ಲುವ ಮೂಲಕ ಬಾಕ್ಸಿಂಗ್‍ನಲ್ಲಿ 4ನೇ ಪದಕ ಗೆದ್ದು ಕೊಡುವ ಭರವಸೆ ಮೂಡಿಸಿದ್ದಾರೆ. ಫೈನಲ್‍ಗೆ ತಲುಪಿರುವುದರಿಂದ ಲವ್ಲೀನಾ 2024ರ ಒಲಿಂಪಿಕ್ಸ್ಗೆ ಅರ್ಹತೆ ಪಡೆದಿದ್ದಾರೆ.