ಅಹಮದಾಬಾದ್,ಅ.5- ಗುಜರಾತ್ನ ಸರ್ ಕ್ರಿಕ್ ಜಲ ಭಾಗದಲ್ಲಿ ಎಂಜಿನ್ ಅಳವಡಿಸಿದ ಮರದ ದೋಣಿ ಯೊಂದಿಗೆ ಸಾಗುತ್ತಿದ್ದ ಪಾಕಿಸ್ತಾನದ ಮೀನುಗಾರನನ್ನು ಗಡಿ ಭದ್ರತಾ ಪಡೆ ಬಂಧಿಸಿದೆ. ನಿನ್ನೆ ಸಂಜೆ ಸಿಕ್ಕಿಬಿದ್ದಿರುವ ಮೀನುಗಾರನನ್ನು ನೆರೆಯ ದೇಶದ ಸಿಂಧ್ ಪ್ರಾಂತ್ಯದ ಎಂಡಿ ಖಮೇಸಾ ಎಂದು ಗುರುತಿಸಲಾಗಿದೆ ಎಂದು ಬಿಎಎಸ್ಎಫ್ ತಿಳಿಸಿದೆ.
ಸರ್ ಕ್ರೀಕ್ ಒಂದು ಉಬ್ಬರವಿಳಿತದ ನದೀಮುಖವಾಗಿದ್ದು, ಈ ಪ್ರದೇಶ ಭಾಗಶಃ ಸುತ್ತುವರಿದ ಕರಾವಳಿಯಾಗಿದ್ದು, ಇದು ಪಾಕಿಸ್ತಾನಿ ಪ್ರಾಂತ್ಯದ ಸಿಂಧ್ನಿಂದ ಗುಜರಾತ್ ಅನ್ನು ಪ್ರತ್ಯೇಕಿಸುತ್ತದೆ.
ಶಾಮನೂರು ಹೇಳಿಕೆಗೆ ಪೂರಕವಾಗಿ ಲಿಂಗಾಯತ ಸಮುದಾಯದ ಅಧಿಕಾರಿಗಳಿಂದ ದೂರು
ತಡರಾತ್ರಿ, ಗಸ್ತು ತಿರುಗುತ್ತಿದ್ದ ತಂಡವು ಭಾರತದ ಕಡೆಯ ಸರ್ ಕ್ರೀಕ್ನಲ್ಲಿ ಅನುಮಾನಾಸ್ಪದ ಚಲನವಲನವನ್ನು ಗಮನಿಸಿತು. ತಕ್ಷಣವೇ ಬಿಎಸ್ಎಫ್ ಪಡೆಗಳು ಸ್ಥಳಕ್ಕೆ ಧಾವಿಸಿ ಸರ್ ಕ್ರೀಕ್ ಹತ್ತಿರ ಮರದ ದೋಣಿಯಲ್ಲಿ ಸಾಗುತ್ತಿದ್ದ ಪಾಕ್ ಮೀನುಗಾರನನ್ನು ಬಂಧಿಸಿದ್ದಾರೆ.
ಬಂಧಿತ ಪಾಕ್ ಮೀನುಗಾರನ ಗುರುತನ್ನು ಎಂಡಿ ಖಮೇಸಾ ಎಂದು ಖಚಿತಪಡಿಸಿಕೊಳ್ಳಲಾಗಿದೆ, ವಯಸ್ಸು 50 ವರ್ಷ, ಮತ್ತು ಪಾಕಿಸ್ತಾನದ ಸಿಂಧ್ನ ಸುಜಾವಾಲ್ ಜಿಲ್ಲಾಯ ಶಹಬಂದರ್ ಗ್ರಾಮದ ನಿವಾಸಿ ಎಂದು ತಿಳಿದುಬಂದಿದೆ.