Friday, May 24, 2024
Homeಬೆಂಗಳೂರುನೀರಿಲ್ಲದೆ ಬೆಂಗಳೂರಿನ ಇ-ಟಾಯ್ಲೆಟ್, ಸಾರ್ವಜನಿಕ ಶೌಚಾಲಯಗಳು ಬಂದ್

ನೀರಿಲ್ಲದೆ ಬೆಂಗಳೂರಿನ ಇ-ಟಾಯ್ಲೆಟ್, ಸಾರ್ವಜನಿಕ ಶೌಚಾಲಯಗಳು ಬಂದ್

ಬೆಂಗಳೂರು,ಮಾ.25- ಸಿಲಿಕಾನ್ ಸಿಟಿಯಲ್ಲಿ ನೀರಿಗೆ ಎಂತಹ ಪರಿಸ್ಥಿತಿ ಬಂದಿದೆ ಎಂದರೆ ಶೌಚಾಲಯಗಳು ನೀರು ಸಿಗದಂತಾಗಿದೆ. ನೀರಿನ ಅಭಾವದಿಂದಾಗಿ ಬಿಬಿಎಂಪಿ ವ್ಯಾಪ್ತಿಯ ಇ ಟಾಯ್ಲೆಟ್ ಹಾಗೂ ಸಾರ್ವಜನಿಕ ಶೌಚಾಲಯಗಳನ್ನು ಕ್ಲೋಸ್ ಮಾಡಲಾಗಿದೆ.

ಸಿಲಿಕಾನ್ ಸಿಟಿಯಲ್ಲಿ ದಿನದಿಂದ ದಿನಕ್ಕೆ ಜಲಕ್ಷಾಮ ಹೆಚ್ಚಾಗ್ತಾನೆ ಇದೆ. ಬಿಬಿಎಂಪಿ, ಜಲಮಂಡಳಿ ಮತ್ತು ಸರ್ಕಾರ ನೀರು ಸರಬರಾಜು ಮಾಡೋ ದಕ್ಕೇ ಎಷ್ಟೇ ಪ್ಲಾನ್ ಮಾಡಿದ್ರೂ ಯಾವುದೇ ಪ್ರಯೋಜನವಾಗುತ್ತಿಲ್ಲ. ಹೀಗಾಗಿ ನೋ ವಾಟರ್ ಫರ್ ಇ ಟಾಯ್ಲೆಟ್ ಎಂಬ ಬೋರ್ಡ್ಗಳು ಕೆಲವೆಡೆ ಕಂಡು ಬರುತ್ತಿದ್ದರೆ, ಇನ್ನು ಕೆಲವು ಸಾರ್ವಜನಿಕ ಶೌಚಾಲಯ ಗಳನ್ನು ನೀರಿಲ್ಲದ ಕಾರಣ ಬಂದ್ ಮಾಡಲಾಗಿದೆ.

ನಗರದ ನೀರಿನ ಹಾಹಾಕಾರ ಎಷ್ಟರ ಮಟ್ಟಿಗೆ ಬಂದಿದೆ ಎಂದರೆ ಜನ ನೀರಿಲ್ಲದೇ ಊರು ಬಿಡೋ ಹಂತಕ್ಕೆ ಬಂದು ನಿಂತಿದ್ದಾರೆ. ಇನ್ನು ಕೆಲವು ದಿನ ಮಳೆಯಾಗದಿದ್ದರೆ ಅದೆಷ್ಟೊ ಮಂದಿ ನಗರದ ಬಿಡೊದಂತೂ ಗ್ಯಾರಂಟಿ ಎನ್ನುವಂತಾಗಿದೆ.ರಾಜಧಾನಿ ಬೆಂಗಳೂರಿಗೆ ಅಕ್ಷರಶಃ ಜಲಕ್ಷಾಮ ಎದುರಾಗಿದ್ದು ಕುಡಿಯುವ ನೀರನ್ನ ಒದಗಿಸಲು ಜಲಮಂಡಳಿ, ಮತ್ತು ಬಿಬಿಎಂಪಿ ಹರಸಾಹಸ ಪಡ್ತಿವೆ. ಕಾವೇರಿ ನದಿಯಲ್ಲೂ ನೀರಿಲ್ಲ, ಅಂತರ್ಜಲವೂ ಸಹ ಸಿಗ್ತಿಲ್ಲ.

ಇಂತಹ ಪರಿಸ್ಥಿತಿಯಲ್ಲೇ ನಗರದ ನಾನಾಭಾಗದಲ್ಲಿ ಬ್ರಾಂಡ್ ಬೆಂಗಳೂರು ಹೆಸರಲ್ಲಿ ನಿರ್ಮಿಸಲಾಗಿರುವ ಇ ಟ್ಲಾಯೆಟ್ಗಳಲ್ಲಿ ಕೊನೆಗೂ ನಿಮ್ಮ ನೀರಿಕ್ಷೆಗೂ ಮೀರಿ ಶುಚಿಯಾಗಿರುವ ಶೌಚಾಲಯವನ್ನ ಇಲ್ಲಿ ಕಾಣಿರಿ ಎಂಬ ಟ್ಯಾಗ್ ಲೈನ್ ಹಾಕಿಕೊಂಡಿರುವ ಆಧುನಿಕ ಇ ಟ್ಲಾಯೆಟ್ ಗಳನ್ನೇ ಕ್ಲಿನ್ ಮಾಡಲು ನೀರಿಲ್ಲದೆ ಕ್ಲೋಸ್ ಮಾಡಲಾಗಿದೆ.

ಇನ್ನೂ ನಗರದ ಹಲವಾರು ಸಾರ್ವಜನಿಕರ ಶೌಚಲಯಗಳು ಕೂಡ ಜಲಕ್ಷಾಮಕ್ಕೆ ಬಾಗಿಲು ಬಂದ್ ಮಾಡಿವೇ. ಹೀಗೆ ಮುಂದುವರೆದ್ರೇ ಜನ ರಸ್ತೆ ಮೂಲೆಗಳಲ್ಲಿ ಪುಟ್ಪಾತ್ಗಳಲ್ಲೇ ಎಲ್ಲ ಮುಗಿಸಿಕೊಳ್ಳಬೇಕಾದ ಪರಿಸ್ಥಿತಿ ಬಂದೋದಗುವ ಸಾಧ್ಯತೆಗಳಿವೆ ಎನ್ನಲಾಗಿದೆ.

RELATED ARTICLES

Latest News