ಸತ್ಯಮಂಗಲಂ ಕಾಡಿನಲ್ಲಿ ಆನೆಗಣತಿ ಆರಂಭ

ಈರೋಡ್‌, ಮೇ 23 (ಪಿಟಿಐ) ತಮಿಳುನಾಡು ಅರಣ್ಯ ಇಲಾಖೆಯು ಸತ್ಯಮಂಗಲಂ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಆನೆ ಗಣತಿ ಆರಂಭಿಸಿದೆ. ಇಂದಿನಿಂದ ನಡೆಯಲಿರುವ ಆನೆ ಗಣತಿ ಸತತ ಮೂರು ದಿನಗಳ ಕಾಲ ನಡೆಸಲಾಗುವುದು ಎಂದು ಆರಣ್ಯಾಧಿಕಾರಿಗಳು ತಿಳಿಸಿದ್ದಾರೆ.

ಎಸ್‌‍ಟಿಆರ್‌ನ ಹತ್ತು ಅರಣ್ಯ ವ್ಯಾಪ್ತಿಯಲ್ಲಿ ಗಣತಿ ನಡೆಸಲು ಸುಮಾರು 300 ಅರಣ್ಯ ಅಧಿಕಾರಿಗಳನ್ನು ನಿಯೋಜಿಸಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ. ಪ್ರಾಣಿಗಳ ದಾಳಿ, ಕುಡಿಯುವ ನೀರು ಮತ್ತು ಆಹಾರದಿಂದ ರಕ್ಷಿಸಲು ಗಣತಿದಾರರಿಗೆ ಬಂದೂಕುಗಳನ್ನು ಒದಗಿಸುವಂತಹ ಎಲ್ಲಾ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅರಣ್ಯಾಧಿಕಾರಿಗಳು ಇಂದಿನಿಂದ ಶನಿವಾರದವರೆಗೆ ಪ್ರತಿನಿತ್ಯ ಬೆಳಗ್ಗೆ 6ರಿಂದ ಸಂಜೆ 6ರವರೆಗೆ ಆನೆ ಗಣತಿ ನಡೆಸಲಿದ್ದಾರೆ.