ಪ್ಯಾರಿಸ್, ಮಾ.4- ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧದ ಸಮಯದಲ್ಲಿ ಮಿತ್ರರಾಷ್ಟ್ರಗಳ ಸ್ವತ್ತುಗಳನ್ನು ರಕ್ಷಿಸಲು ಸಹಾಯ ಮಾಡಲು ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಪರಮಾಣು ಚಾಲಿತ ವಿಮಾನವಾಹಕ ನೌಕೆಯನ್ನು ಬಾಲ್ಟಿಕ್ ಸಮುದ್ರದಿಂದ ಮೆಡಿಟರೇನಿಯನ್ಗೆ ಸ್ಥಳಾಂತರಿಸಲು ಆದೇಶಿಸಿದ್ದಾರೆ.
ಚಾರ್ಲ್್ಸ ಡಿ ಗೌಲ್ ಅನ್ನು ಅದರ ವಾಯು ವಿಭಾಗ ಮತ್ತು ಅದರ ಬೆಂಗಾವಲು ಯುದ್ಧನೌಕೆಗಳಿಂದ ಬೆಂಗಾವಲು ಮಾಡಲಾಗುತ್ತದೆ ಎಂದು ಮ್ಯಾಕ್ರನ್ ಹೇಳಿದ್ದಾರೆ. ಫ್ರೆಂಚ್ ಟಿವಿಯಲ್ಲಿ ಪೂರ್ವ ದಾಖಲಾದ ಭಾಷಣದಲ್ಲಿ, ಮಧ್ಯಪ್ರಾಚ್ಯದಲ್ಲಿ ಕಳೆದ ಕೆಲವು ಗಂಟೆಗಳಲ್ಲಿ ರಫೇಲ್ ಯುದ್ಧ ವಿಮಾನಗಳು, ವಾಯುರಕ್ಷಣಾ ವ್ಯವಸ್ಥೆಗಳು ಮತ್ತು ವಾಯುಗಾಮಿ ರಾಡಾರ್ ವ್ಯವಸ್ಥೆಗಳನ್ನು ನಿಯೋಜಿಸಲಾಗಿದೆ ಎಂದು ಮ್ಯಾಕ್ರನ್ ಹೇಳಿದರು. ನಾವು ಈ ಪ್ರಯತ್ನವನ್ನು ಅಗತ್ಯವಿರುವಷ್ಟು ಮುಂದುವರಿಸುತ್ತೇವೆ ಎಂದು ಮ್ಯಾಕ್ರನ್ ತಿಳಿಸಿದ್ದಾರೆ.
ಸೈಪ್ರಸ್ನಲ್ಲಿರುವ ಬ್ರಿಟಿಷ್ ವಾಯುಪಡೆಯ ನೆಲೆಯ ಮೇಲೆ ಇರಾನ್ ನಡೆದ ದಾಳಿಯನ್ನು ಅವರು ಉಲ್ಲೇಖಿಸಿದ ಅವರು ಸೈಪ್ರಸ್ ಯುರೋಪಿಯನ್ ಒಕ್ಕೂಟದ ಸದಸ್ಯ ರಾಷ್ಟ್ರವಾಗಿದ್ದು, ಫ್ರಾನ್್ಸ ಇತ್ತೀಚೆಗೆ ಕಾರ್ಯತಂತ್ರದ ಪಾಲುದಾರಿಕೆಗೆ ಸಹಿ ಹಾಕಿದೆ ಎಂದು ಹೇಳಿದರು.
ಅವರಿಗೆ ನಮ ಬೆಂಬಲ ಬೇಕು. ಅದಕ್ಕಾಗಿಯೇ ನಾನು ಹೆಚ್ಚುವರಿ ವಾಯು ರಕ್ಷಣಾ ಸಾಮಗ್ರಿಗಳನ್ನು ಅಲ್ಲಿಗೆ ಕಳುಹಿಸಲು ನಿರ್ಧರಿಸಿದ್ದೇನೆ, ಜೊತೆಗೆ ಫ್ರೆಂಚ್ ಯುದ್ಧನೌಕೆ ಲ್ಯಾಂಗ್ವೆಡಾಕ್ ಅನ್ನು ಕಳುಹಿಸುತ್ತೇನೆ, ಅದು ಇಂದು ಸಂಜೆ ಸೈಪ್ರಸ್ ಕರಾವಳಿಗೆ ಆಗಮಿಸಲಿದೆ ಎಂದು ಮ್ಯಾಕ್ರನ್ ಹೇಳಿದರು.