ಹಮಾಸ್ ಉಗ್ರ ನೆಲೆಗಳ ಮೇಲೆ ಮುಂದುವರೆದ ಇಸ್ರೇಲ್ ವೈಮಾನಿಕ ದಾಳಿ

ಜೆರುಸಲೇಂ,ಅ.22- ಹಮಾಸ್ ಉಗ್ರರ ವಿರುದ್ಧ ಗಾಜಾದಲ್ಲಿ ಪ್ರತೀಕಾ ರದ ದಾಳಿಯನ್ನು ತೀವ್ರಗೊಳಿಸಿ ರುವ ಇಸ್ರೇಲಿ ರಕ್ಷಣಾ ಪಡೆ ವೆಸ್ಟ್ ಬ್ಯಾಂಕ್ನಲ್ಲಿ ಮಸೀದಿ ಕೆಳಗಡೆ ಇದ್ದ ಹಮಾಸ್ ಉಗ್ರರ ನೆಲೆ ಮೇಲೆ ವೈಮಾನಿಕ ದಾಳಿ ನಡೆಸಿದೆ.ವೈಮಾನಿಕ ದಾಳಿ ಯಲ್ಲಿ ಕನಿಷ್ಠ 11 ಪ್ಯಾಲೆಸ್ಟೀನಿಯಾದವರು ಸಾವನ್ನಪ್ಪಿದ್ದಾರೆ. ದಕ್ಷಿಣ ಗಾಜಾ ನಗರದ ಖಾನ್ ಯೂನಿಸ್ನಲ್ಲಿ ಇಸ್ರೇಲಿ ನಡೆಸಿದ.

ದಾಳಿಯಲ್ಲಿ 11 ಜನರು ಸಾವನ್ನಪ್ಪಿದ್ದಾರೆ ಎಂದು ಫೆಲೆಸ್ತೀನ್ ಮಾಧ್ಯಮ ವರದಿ ಮಾಡಿದೆ.ಮಸೀದಿ ಕೆಳಗಡೆ ಇದ್ದ ನೆಲೆಯನ್ನು ಭಯೋತ್ಪಾದನೆಗೆ ಸಂಚು ರೂಪಿಸಲು ಮತ್ತು ಅದನ್ನು ಕಾರ್ಯಗತಗೊಳಿಸಲು ಹಮಾಸ್ ಮತ್ತು ಪ್ಯಾಲೆಸ್ತೀನ್ ಇಸ್ಲಾಮಿಕ್ ಜಿಹಾದಿ ಗುಂಪು ಬಳಸುತ್ತಿತ್ತು. ಜೆನಿನ್ ಮಸೀದಿ ವೈಮಾನಿಕ ದಾಳಿಯಲ್ಲಿ ಹಮಾಸ್ ಭಯೋತ್ಪಾದಕ ಆಪರೇಟಿವ್ಗಳನ್ನು ಕೊಂದಿದೆ ಎಂದು ಇಸ್ರೇಲ್ ಹೇಳಿದೆ. ಇಸ್ರೇಲ್ ಪಡೆಯ ವಾಯುದಾಳಿಗೆ ನಾಶವಾದ ಹಮಾಸ್ ಉಗ್ರರ ನೆಲೆ, ಆಕ್ರಮಿತ ವೆಸ್ಟ್ ಬ್ಯಾಂಕ್ನ ಜೆನಿನ್ ನಿರಾಶ್ರಿತರ ಶಿಬಿರದ ಬಳಿ ಇರುವ ಅಲ್ ಅನ್ಸರ್ ಮಸೀದಿಯ ಕಳೆಗಡೆ ಇತ್ತು. ಇಸ್ರೇಲ್ ಪ್ರಕಾರ ಈ ನೆಲೆಯನ್ನು ವಿಧ್ವಂಸಕ ಕೃತ್ಯಗಳನ್ನು ಎಸಗಲು ಸಂಚು ರೂಪಿಸಲು ಬಳಸಲಾಗುತ್ತಿತ್ತು ಎಂದು ಹೇಳಿದೆ.

ಇಸ್ರೇಲ್ ರಕ್ಷಣಾ ಪಡೆಗಳು ಫೋಟೋಗಳನ್ನು ಬಿಡುಗಡೆ ಮಾಡಿದ್ದು, ಅದರಲ್ಲಿ ಮಸೀದಿಯ ಕೆಳಗಿರುವ ಬಂಕರ್ನ ಪ್ರವೇಶ ದ್ವಾರವನ್ನು ತೋರಿಸಿದೆ. ಉಗ್ರರು ಅಲ್ಲಿ ಶಸ್ತ್ರಾಸ್ತ್ರಗಳನ್ನು ಎಲ್ಲಿ ಸಂಗ್ರಹಿಸಿಟ್ಟಿದ್ದಾರೆ ಎಂಬುದನ್ನು ವಿವರಿಸುವ ರೇಖಾಚಿತ್ರವನ್ನು ಬಿಡುಗಡೆ ಮಾಡಿದೆ. ಗಾಜಾದ ಉತ್ತರ ಭಾಗದಲ್ಲಿ ದಾಳಿಯನ್ನು ಹೆಚ್ಚಿಸುತ್ತೇವೆ ಎಂದು ಇಸ್ರೇಕ್ ಎಚ್ಚರಿಸಿದ ಕೆಲವು ಗಂಟೆಗಳ ನಂತರ ಈ ದಾಳಿ ನಡೆದಿದೆ.

ಗಾಜಾದ ದಕ್ಷಿಣಕ್ಕೆ ಚಲಿಸುವಂತೆ ಗಾಜಾನ್ಗಳಿಗೆ ಇಸ್ರೇಲ್ ಕರೆ ನೀಡಿದೆ. ನಿಮ್ಮ ಸುರಕ್ಷತೆಗಾಗಿ ದಕ್ಷಿಣದ ಕಡೆಗೆ ಚಲಿಸಿ. ನಾವು ಗಾಜಾ ನಗರದ ಪ್ರದೇಶದಲ್ಲಿ ದಾಳಿಯನ್ನು ಮುಂದುವರಿಸುತ್ತೇವೆ ಮತ್ತು ದಾಳಿಯನ್ನು ಹೆಚ್ಚಿಸುತ್ತೇವೆ ಎಂದು ಇಸ್ರೇಲಿ ಮಿಲಿಟರಿ ವಕ್ತಾರ ರಿಯರ್ ಅಡ್ಮಿರಲ್ ಡೇನಿಯಲ್ ಹಗರಿ ಇಸ್ರೇಲಿ ವರದಿಗಾರರಿಗೆ ತಿಳಿಸಿದ್ದಾರೆ.

ಪ್ಯಾಲೆಸ್ತೇನಿಯರಿಗೆ ಸಹಾಯಹಸ್ತ ಚಾಚಿದ ಭಾರತ, ಅಗತ್ಯ ವಸ್ತುಗಳ ರವಾನೆ

ಅಕ್ಟೋಬರ್ 7ರಂದು ಇಸ್ರೇಲ್ ಮತ್ತು ಹಮಾಸ್ ಬಂಡುಕೋರರ ನಡುವೆ ಸಂಘರ್ಷವು ಆರಂಭವಾದ ನಂತರ ಈವರೆಗೆ ಗಾಜಾಪಟ್ಟಿಯಲ್ಲಿ ಸುಮಾರು 4,300 ಜನರು ಹಾಗೂ ಇಸ್ರೇಲ್ನಲ್ಲಿ ಸುಮಾರು 1,400 ಜನರು ಸತ್ತಿದ್ದಾರೆ.ಇಸ್ರೇಲ್ ಗಾಜಾ ಪಟ್ಟಿಯ ಮೇಲೆ ತನ್ನ ದಾಳಿಯನ್ನು ತೀವ್ರಗೊಳಿಸಲು ಸಿದ್ಧವಾಗಿದ್ದು, ಇದೇ ಸಂದರ್ಭದಲ್ಲಿ ಯುಎಸ್ ಅಧ್ಯಕ್ಷ ಜೋ ಬೈಡೆನ್ ಅವರು ಗಾಜಾಗೆ 20 ನೆರವಿನ ಟ್ರಕ್ಗಳ ಆಗಮನವನ್ನು ಸ್ವಾಗತಿಸಿದರು. ಈಜಿಪ್ಟ್ನ ರಫಾ ಗಡಿ ಮೂಲಕ ಹೆಚ್ಚಿನ ನೆರವನ್ನು ನೀಡಲು ವಾಷಿಂಗ್ಟನ್ ಬದ್ಧವಾಗಿದೆ ಎಂದು ಇದೇ ಸಂದರ್ಭದಲ್ಲಿ ಹೇಳಿದರು. ಒಂದೆಡೆ ನಾಗರಿಕರಿಗೆ ನೆರವು, ಇನ್ನೊಂದೆಡೆ ಹಮಾಸ್ ವಿರುದ್ಧ ಇಸ್ರೇಲಿ ಪಡೆಗಳ ರಣಕಹಳೆ ಗಾಜಾ ಪ್ರದೇಶವನ್ನು ಇನ್ನಿಲ್ಲದ ಇಕ್ಕಟ್ಟಿಗೆ ಸಿಲುಕಿಸಿದಂತಾಗಿದೆ.

ಅ.7ರಂದು ಹಮಾಸ್ ಉಗ್ರರು 5000 ರಾಕೆಟ್ಗಳಿಂದ ಇಸ್ರೇಲï ಮೇಲೆ ದಿಢೀರ್ ದಾಳಿ ಮಾಡಿದ ಬಳಿಕ ಅಂದಿನಿಂದ ವೆಸ್ಟ್ ಬ್ಯಾಂಕ್ನಲ್ಲಿ ಇಸ್ರೇಲಿ ಪಡೆಗಳು ನಡೆಸುತ್ತಿರುವ ದಾಳಿಗೆ 84 ಪ್ಯಾಲೆಸ್ತೀನಿಯನ್ಸ್ ಅಸುನೀಗಿದ್ದಾರೆ ಎಂದು ಪ್ಯಾಲೆಸ್ತೀನ್ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಮಾನವೀಯ ನೆರವು ಅಕ್ಟೋಬರ್ 7 ರಂದು ಯುದ್ಧ ಪ್ರಾರಂಭವಾದಾಗಿನಿಂದ ಮೊದಲ ಬಾರಿಗೆ ಗಾಜಾ ಪಟ್ಟಿಗೆ ಅನುಮತಿಸಲಾದ 20 ಟ್ರಕ್ಗಳ ಮೊದಲ ಮಾನವೀಯ ನೆರವು ಬೆಂಗಾವಲು ರಾಫಾ ಗಡಿ ದಾಟುವ ಮೂಲಕ ಆಗಮಿಸಿದೆ.

ಹಮಾಸ್ ಉಗ್ರರು ಇಸ್ರೇಲ್ ನಾಗರಿಕರನ್ನು ಕೊಂದ ನಂತರ, ಇಡೀ ಗಾಜಾ ಮೇಲೆ ಇಸ್ರೇಲ್ ಸೈನಿಕರು ಮುಗಿಬಿದ್ದಿದ್ದಾರೆ. ನೀಟ್ ವಿರುದ್ಧ ಸಹಿ ಅಭಿಯಾನ ಆರಂಭಿಸಿದ ಡಿಎಂಕೆ ಇಸ್ರೇಲ್ನ ವಾಯು ಮತ್ತು ಕ್ಷಿಪಣಿ ದಾಳಿಯಲ್ಲಿ ನೂರಾರು ಮಕ್ಕಳು ಸೇರಿದಂತೆ ಕನಿಷ್ಠ 4,385 ಪ್ಯಾಲೆಸ್ಟೀನಿಯಾದವರು ಸಾವನ್ನಪ್ಪಿದ್ದಾರೆ ಎಂದು ಗಾಜಾದ ಆರೋಗ್ಯ ಸಚಿವಾಲಯ ಹೇಳಿದೆ.