ನವದೆಹಲಿ,ಡಿ.31- ದೇಶಿಯ ತಿಂಡಿ ತಿನಿಸುಗಳಿಗೆ ಮನ ಸೋಲದವರಿಲ್ಲ. ದೇಶ ವಿದೇಶಗಳ ಗಣ್ಯರಿಗ ಭಾರತೀಯರ ಭಕ್ಷ್ಯ ಭೋಜನವೆಂದರೆ ಎಲ್ಲಿಲ್ಲದ ಪ್ರೀತಿ. ಇದೀಗ ಅಂತಹ ಗಣ್ಯರ ಸಾಲಿಗೆ ಭಾರತದ ಜಪಾನ್ ರಾಯಭಾರಿ ಹಿರೋಷಿ ಸುಜುಕಿ ಸೇರ್ಪಡೆಗೊಂಡಿದ್ದಾರೆ.
ಹಿರೋಷಿ ಸುಜುಕಿ, ಅವರು ಭಾರತೀಯ ಭಕ್ಷ್ಯಗಳನ್ನು ಆನಂದಿಸುತ್ತ ಅವರು ವಾರಣಾಸಿಯಲ್ಲಿ ಬೀದಿ ಆಹಾರ ಸೇವಿಸುತ್ತಿರುವ ಎರಡು ವಿಡಿಯೋ ತುಣುಕುಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ವಾರಣಾಸಿಯಲ್ಲಿ ಸ್ಟ್ರೀಟ್ ಫುಡ್ ಎಂಜಾಯ್ ಮಾಡುತ್ತಿದ್ದೇನೆ ಎಂದು ವಿಡಿಯೋಗೆ ಶೀರ್ಷಿಕೆ ನೀಡಿರುವ ಅವರು ನಗರದ ಜನನಿಬಿಡ ಲೇನ್‍ನಲ್ಲಿ ಕಚೋರಿ ಮತ್ತು ಜಿಲೇಬಿ ಸೇವಿಸುತ್ತಿರುವುದನ್ನು ಕಾಣಬಹುದಾಗಿದೆ.
ನಾನು ವಾರಣಾಸಿಯಲ್ಲಿ ಕಚೋರಿಯನ್ನು ಸವಿಯುತ್ತಿದ್ದೇನೆ, ಎಂದು ಕಚೋರಿ ಬಾಯಿಗಿಡುವ ಮೊದಲು ಹೇಳಿರುವ ಅವರು ತಿಂದ ನಂತರ ಇದು ತುಂಬಾ ಚೆನ್ನಾಗಿದೆ ಎಂದು ಹೇಳಿಕೊಂಡಿದ್ದಾರೆ. ಎರಡನೇ ವೀಡಿಯೋದಲ್ಲಿ, ಆಮೇಲೆ ನಾನು ಕೂಡ ಜಿಲೇಬಿಯನ್ನು ಸವಿಯುತ್ತೇನೆ ಎಂದು ಘೋಷಿಸಿಕೊಂಡಿರುವುದು ಇದೀಗ ಭಾರಿ ವೈರಲ್ ಆಗಿದೆ.
ಇಬ್ಬರ ಸಾವಿಗೆ ಕಾರಣನಾಗಿದ್ದ ವಾಟರ್ ಟ್ಯಾಂಕ್ ಚಾಲಕನಿಗೆ 1 ವರ್ಷ ಜೈಲು
ಅವರು ತಮ್ಮ ಪತ್ನಿ ಐಕೊ ಸುಜುಕಿ ಅವರೊಂದಿಗೆ ಎಕ್ಸ್‍ನಲ್ಲಿ ಚಿತ್ರವನ್ನು ಹಂಚಿಕೊಂಡಿದ್ದು, ನಾವು ವಾರಣಾಸಿಯಲ್ಲಿದ್ದೇವೆ ಎಂದು ಬರೆದುಕೊಂಡಿದ್ದಾರೆ.