Sunday, June 23, 2024
Homeರಾಷ್ಟ್ರೀಯಆಂಧ್ರ, ತೆಲಂಗಾಣದ 60 ಸ್ಥಳಗಳಲ್ಲಿ ಎನ್‍ಐಎ ದಾಳಿ

ಆಂಧ್ರ, ತೆಲಂಗಾಣದ 60 ಸ್ಥಳಗಳಲ್ಲಿ ಎನ್‍ಐಎ ದಾಳಿ

ನವದೆಹಲಿ,ಅ.2-ಎಡಪಂಥೀಯ ಉಗ್ರವಾದ ಅಥವಾ ನಕ್ಸಲ್ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಆಂಧ್ರಪ್ರದೇಶ ಮತ್ತು ತೆಲಂಗಾಣದ 60ಕ್ಕೂ ಹೆಚ್ಚು ಸ್ಥಳಗಳ ಮೇಲೆ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‍ಐಎ) ಮುಗಿಬಿದ್ದಿದೆ. ಎರಡೂ ರಾಜ್ಯಗಳಲ್ಲಿ ಶಂಕಿತ ಉಗ್ರರ ಅಡಗುತಾಣಗಳು ಮತ್ತು ಆವರಣಗಳಲ್ಲಿ ಇನ್ನೂ ದಾಳಿ ನಡೆಯುತ್ತಿದೆ. ಇಂದು ಬೆಳಿಗ್ಗೆಯಿಂದಲೇ ಪ್ರತ್ಯೇಕ ಎನ್‍ಐಎ ತಂಡಗಳು ರಾಜ್ಯ ಪೊಲೀಸ್ ಪಡೆಗಳೊಂದಿಗೆ ನಿಕಟ ಸಮನ್ವಯದಲ್ಲಿ ದಾಳಿ ನಡೆಸುತ್ತಿವೆ.

ಆಂಧ್ರಪ್ರದೇಶ ಮತ್ತು ತೆಲಂಗಾಣದ ಒಟ್ಟು 60 ಸ್ಥಳಗಳಲ್ಲಿ ಎಡಪಂಥೀಯ ಉಗ್ರವಾದ (ಎಲ್‍ಡಬ್ಲ್ಯುಇ) ಅಥವಾ ನಕ್ಸಲ್ ಪ್ರಕರಣದಲ್ಲಿ ಶೋಧ ನಡೆಸಲಾಗುತ್ತಿದೆ ಎಂದು ಎನ್‍ಐಎ ಉನ್ನತ ಮೂಲಗಳು ತಿಳಿಸಿವೆ.ತೆಲಂಗಾಣದ ಹೈದರಾಬಾದ್‍ನಲ್ಲಿ ಮತ್ತು ಆಂಧ್ರಪ್ರದೇಶದ ಗುಂಟೂರು, ನೆಲ್ಲೂರು ಮತ್ತು ತಿರುಪತಿ ಜಿಲ್ಲಾಗಳಲ್ಲಿ ದಾಳಿ ನಡೆಸಲಾಗಿದೆ ಎಂದು ತಿಳಿದುಬಂದಿದೆ.

ನಕ್ಸಲ್ ಸಹಾನುಭೂತಿ ಹೊಂದಿರುವವರ ಜೊತೆ ಸಂಪರ್ಕ ಹೊಂದಿರುವ ಶಂಕಿತ ನಾಗರಿಕ ಹಕ್ಕುಗಳ ಸಹಾನುಭೂತಿ ಹೊಂದಿರುವ ಹಲವಾರು ನಾಯಕರ ಮನೆಗಳನ್ನು ಶೋಧಿಸಲಾಗುತ್ತಿದೆ.

ಜಾಗತಿಕ ಅಧಿಕಾರ ಹಂಚಿಕೆ ರಚನೆಯಲ್ಲಿ ಹಿಂದೂಗಳು ಪ್ರಮುಖ ಪಾತ್ರ ನಿರ್ವಹಿಸಲು ಕರೆ

ಕಳೆದ ಸೆಪ್ಟೆಂಬರ್ 9 ರಂದು, ಎನ್‍ಐಎ ತೆಲಂಗಾಣ ಮತ್ತು ಛತ್ತೀಸ್‍ಗಢದಲ್ಲಿ ಆಗಸ್ಟ 2023 ರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸ್ಪೋಟಕ ವಸ್ತುಗಳು, ಡ್ರೋನ್‍ಗಳು ಮತ್ತು ನಿಷೇಧಿತ ಕಮ್ಯುನಿಸ್ಟ ಪಾರ್ಟಿ of ಇಂಡಿಯಾ (ಮಾವೋವಾದಿ) ಒಳಗೊಂಡ ಲ್ಯಾಥ್ ಯಂತ್ರವನ್ನು ವಶಪಡಿಸಿಕೊಂಡ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸರಣಿ ದಾಳಿ ಮತ್ತು ಹುಡುಕಾಟಗಳನ್ನು ನಡೆಸಿತ್ತು.

ಕೋತಗುಡೆಂನ ಚೆರ್ಲಾ ಮಂಡಲದಲ್ಲಿ ಜೂನ್‍ನಲ್ಲಿ ಮೂವರಿಂದ ಸೋಟಕ ಸಾಮಗ್ರಿಗಳು, ಡ್ರೋನ್‍ಗಳು ಮತ್ತು ಲ್ಯಾಥ್ ಯಂತ್ರವನ್ನು ವಶಪಡಿಸಿಕೊಂಡ ನಂತರ ಎನ್‍ಐಎ 12 ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿದೆ.

RELATED ARTICLES

Latest News