Friday, July 19, 2024
Homeಕ್ರೀಡಾ ಸುದ್ದಿವಿಶ್ವಕಪ್ ಗೆಲ್ಲುವುದೇ ನಮ್ಮ ಗುರಿ : ಬಾಬರ್ ಆಝಮ್

ವಿಶ್ವಕಪ್ ಗೆಲ್ಲುವುದೇ ನಮ್ಮ ಗುರಿ : ಬಾಬರ್ ಆಝಮ್

ನವದೆಹಲಿ, ಸೆ. 27- ಮುಂಬರುವ ವಿಶ್ವಕಪ್‍ನಲ್ಲಿ ಟ್ರೋಫಿ ಗೆಲ್ಲುವುದೇ ನಮ್ಮ ತಂಡದ ಮುಖ್ಯ ಗುರಿ ಎಂದು ಪಾಕಿಸ್ತಾನದ ನಾಯಕ ಬಾಬರ್ ಆಝಮ್ ಅವರು ಹೇಳಿದ್ದಾರೆ. ಅಕ್ಟೋಬರ್ 6 ರಂದು ನೆದರ್‍ಲ್ಯಾಂಡ್ ವಿರುದ್ಧ ಆಡುವ ಮೂಲಕ ತಮ್ಮ ಅಭಿಯಾನವನ್ನು ಆರಂಭಿಸಲಿರುವ ಪಾಕಿಸ್ತಾನ, ಅಕ್ಟೋಬರ್ 14 ರಂದು ಅಹಮದಾಬಾದ್‍ನಲ್ಲಿ ಟೀಮ್ ಇಂಡಿಯಾದ ಸವಾಲನ್ನು ಎದುರಿಸಲಿದೆ. ಬಾಬರ್ ಆಝಮ್ ಅವರು ಇದೇ ಮೊದಲ ಬಾರಿ ಭಾರತದಲ್ಲಿ ತಂಡವನ್ನು ಮುನ್ನಡೆಸುತ್ತಿದ್ದಾರೆ.

ವಿಶ್ವಕಪ್ ಆಡಲು ಭಾರತಕ್ಕೆ ತೆರಳುತ್ತಿರುವುದಕ್ಕೆ ನಮಗೆ ಸಂತಸವಾಗುತ್ತಿದೆ. ನಮ್ಮಲ್ಲಿ ಸಾಕಷ್ಟು ಮಂದಿ ಭಾರತದಲ್ಲಿ ಇದುವರೆಗೂ ಒಂದೇ ಒಂದು ಪಂದ್ಯ ಆಡಿದ ಅನುಭವ ಹೊಂದಿಲ್ಲ, ಆದರೆ ಟೂರ್ನಿಯಲ್ಲಿ ಎದುರಾಗುವ ಎಲ್ಲ ಒತ್ತಡವನ್ನು ನಿಭಾಯಿಸುವ ಭರವಸೆ ಇದೆ' ಎಂದು ಬಾಬರ್ ಆಝಮ್ ಹೇಳಿದರು.

ಏಷ್ಯಾದಲ್ಲಿನ ಬಹುತೇಕ ಪಿಚ್‍ಗಳಲ್ಲಿ ಒಂದೇ ತೆರನಾಗಿರುತ್ತದೆ, ಹಾಗಾಗಿ ವಿಶ್ವಕಪ್ ಟೂರ್ನಿ ಆಯೋಜನೆ ಗೊಂಡಿರುವ ಭಾರತದ ಪಿಚ್‍ಗಳಲ್ಲಿ ಆಡಲು ಪಾಕಿಸ್ತಾನದ ತಂಡದ ಆಟಗಾರರಿಗೆ ತೊಂದರೆಯಾಗಲಾರದು, ಮುಂಬರುವ ವಿಶ್ವಕಪ್ ಟೂರ್ನಿಯಲ್ಲಿ ಟ್ರೋಫಿ ಗೆದ್ದೇ ತವರಿನ ನೆಲಕ್ಕೆ ಹಿಂದುರುಗಲಿದ್ದೇವೆ’ ಎಂದು ಪಾಕ್ ನಾಯಕ ಹೇಳಿದ್ದಾರೆ.

ಕಾಂಗ್ರೆಸ್ ಬಂದ ಮೇಲೆ ಏನೇನೆಲ್ಲಾ ಹೋಯ್ತು ಎಂಬುದನ್ನು ಪಟ್ಟಿ ಮಾಡಿದ ಬಿಜೆಪಿ

ವಿಶ್ವಕಪ್ ಟೂರ್ನಿಯಲ್ಲಿ ಸೆಮಿಫೈನಲ್ ಹಂತ ತಲುಪುವುದು ನಮಗೆ ಸುಲಭದ ಕೆಲಸವಾಗಿದೆ. ಆದರೆ ನಮ್ಮ ಗುರಿ ಚಾಂಪಿಯನ್ ಪಟ್ಟ ಅಲಂಕರಿಸುವುದಾಗಿದೆ. ನಾವು ಟೂರ್ನಿಯಲ್ಲಿ ಉತ್ತಮ ಆಟವನ್ನು ಪ್ರದರ್ಶನ ನೀಡಲು ಬಯಸುತ್ತೇವೆ. ಏಷ್ಯಾಕಪ್ ಟೂರ್ನಿಯ ನಂತರ ಸಾಕಷ್ಟು ವಿಶ್ರಾಂತಿ ಸಿಕ್ಕಿರುವುದರಿಂದ ಗೆಲುವಿನ ದಾಹ ಹೆಚ್ಚಾಗಿದೆ’ ಎಂದು ಪಾಕ್ ನಾಯಕ ಬಾಬರ್ ಆಝಮ್ ಹೇಳಿದ್ದಾರೆ.

RELATED ARTICLES

Latest News