Wednesday, April 17, 2024
Homeರಾಜಕೀಯಜಗನ್ ಸೋಲಿಸಲು ಆಂಧ್ರದ ಜನ ಸಿದ್ದರಾಗಿದ್ದಾರೆ ; ಚಂದ್ರಬಾಬು ನಾಯ್ಡು

ಜಗನ್ ಸೋಲಿಸಲು ಆಂಧ್ರದ ಜನ ಸಿದ್ದರಾಗಿದ್ದಾರೆ ; ಚಂದ್ರಬಾಬು ನಾಯ್ಡು

ರಾಪ್ತಾಡು, ಮಾ 29 (ಪಿಟಿಐ) : ಮುಂಬರುವ ಚುನಾವಣೆಯಲ್ಲಿ ಆಂಧ್ರಪ್ರದೇಶದ ಜನರು ವೈಎಸ್ಆರ್‌ಸಿಪಿ ಮುಖ್ಯಸ್ಥ ವೈಎಸ್ ಜಗನ್ ಮೋಹನ್ ರೆಡ್ಡಿ ಅವರನ್ನು ಸೋಲಿಸಲು ಸಜ್ಜಾಗಿದ್ದಾರೆ ಎಂದು ಟಿಡಿಪಿ ವರಿಷ್ಠ ಎನ್ ಚಂದ್ರಬಾಬು ನಾಯ್ಡು ಹೇಳಿದ್ದಾರೆ.

ಮುಖ್ಯಮಂತ್ರಿ ರೆಡ್ಡಿ ಅವರ ಮೇಮಂತ ಸಿದ್ದಂ ಚುನಾವಣಾ ಪ್ರಚಾರ ಬಸ್ ಪ್ರವಾಸವು ವಿಫಲವಾಗಿದೆ ಎಂದು ಪ್ರತಿಪಾದಿಸಿದ ವಿರೋಧ ಪಕ್ಷದ ನಾಯಕರಾದ ನಾಯ್ಡು ಅವರು, ರಾಜ್ಯದ ಪುನರ್ನಿರ್ಮಾಣಕ್ಕಾಗಿ ಟಿಡಿಪಿ, ಬಿಜೆಪಿ ಮತ್ತು ಜನಸೇನಾ ಎನ್‍ಡಿಎ ಮೈತ್ರಿಕೂಟವನ್ನು ಬೆಂಬಲಿಸುವಂತೆ ಜನರನ್ನು ಒತ್ತಾಯಿಸಿದರು.

ಮೇ 13 (ಚುನಾವಣೆ ದಿನ) ನಂತರ ಆಂಧ್ರ ಪ್ರದೇಶ ಸಿಎಂ ವೈ ಎಸ್ ಜಗನ್ ಮೋಹನ್ ರೆಡ್ಡಿ ಅವರ ಅಹಂ ಕುಸಿಯುತ್ತದೆ ಎಂದು ನಾಯ್ಡು ತಮ್ಮ ಪ್ರಜಾಗಳಂ ಚುನಾವಣಾ ಪ್ರಚಾರ ಪ್ರವಾಸದ ಭಾಗವಾಗಿ ಜನರನ್ನು ಉದ್ದೇಶಿಸಿ ಹೇಳಿದರು. ರಾಪ್ತಾಡು ಅಲ್ಲದೆ ಅನಂತಪುರ ಜಿಲ್ಲೆಯ ಬುಕ್ಕರಾಯ ಸಮುದ್ರ ಮತ್ತು ಸಿಂಗನಮಲದಲ್ಲಿ ಪ್ರವಾಸ ಮಾಡಿದ ನಾಯ್ಡು, ರೈತರಿಗೆ ನೀರು, ಹನಿ ನೀರಾವರಿ, ಸಹಾಯಧನ ಒದಗಿಸಿದಲ್ಲಿ ಜಿಲ್ಲೆಯನ್ನು ದೇಶದಲ್ಲಿಯೇ ನಂಬರ್ ಒನ್ ಆಗಿಸುವುದಾಗಿ ಭರವಸೆ ನೀಡಿದರು.

90 ರಷ್ಟು ಸಬ್ಸಿಡಿಯಲ್ಲಿ ಹನಿ ನೀರಾವರಿ ಅಳವಡಿಸಿ, ಗೋದಾವರಿ ನದಿ ನೀರನ್ನು ಈ ಭಾಗಕ್ಕೆ ತರುವ ಯೋಜನೆಗಳ ಕುರಿತು ಮಾತನಾಡಿದರು.=ಮೈತ್ರಿಕೂಟ ಅಧಿಕಾರಕ್ಕೆ ಬಂದರೆ ಐದು ವರ್ಷಗಳಲ್ಲಿ ಯುವಕರಿಗೆ 20 ಲಕ್ಷ ಉದ್ಯೋಗ ಮತ್ತು ಉದ್ಯೋಗ ಸಿಗುವವರೆಗೆ ಮಾಸಿಕ 3,000 ರೂಪಾಯಿ ನಿರುದ್ಯೋಗ ಭತ್ಯೆ ನೀಡುವುದಾಗಿ ಮಾಜಿ ಸಿಎಂ ಭರವಸೆ ನೀಡಿದರು.

ಕಲ್ಯಾಣ ಪಿಂಚಣಿಯನ್ನು 3,000 ರೂ.ನಿಂದ 4,000 ರೂ.ಗೆ ಹೆಚ್ಚಿಸಿ, ಪ್ರತಿ ತಿಂಗಳ ಮೊದಲ ದಿನ ಫಲಾನುಭವಿಗಳಿಗೆ ನೇರವಾಗಿ ತಲುಪಿಸುವುದಾಗಿ ನಾಯ್ಡು ಭರವಸೆ ನೀಡಿದರು.18 ರಿಂದ 59 ವರ್ಷದೊಳಗಿನ ಮಹಿಳೆಯರಿಗೆ ಉಚಿತ ಆರ್‍ಟಿಸಿ ಬಸ್ ಪ್ರಯಾಣದ ಜೊತೆಗೆ ಆದಬಿದ್ದ ನಿಧಿ (ಯೋಜನೆ) ಮೂಲಕ ಮಾಸಿಕ 1,500 ರೂ.ಗಳನ್ನು ನೀಡಲಾಗುತ್ತದೆ. ಎನ್‍ಡಿಎ ಸರ್ಕಾರವು ತಳ್ಳಿಕಿ ವಂದನಂ ಯೋಜನೆಯಡಿ ಪ್ರತಿ ಶಾಲೆಗೆ ಹೋಗುವ ವಿದ್ಯಾರ್ಥಿಗೆ ವಾರ್ಷಿಕವಾಗಿ 15,000 ರೂ. ಮತ್ತು ದೀಪಂ ಯೋಜನೆಯಡಿ ವರ್ಷಕ್ಕೆ ಮೂರು ಉಚಿತ ಗ್ಯಾಸ್ ಸಿಲಿಂಡರ್‍ಗಳು ನೀಡಲಾಗುವುದು ಎಂದು ಅವರು ಸೇರಿಸಿದರು.

ತಮ್ಮ ಚಿಕ್ಕಪ್ಪ ವೈಎಸ್ ವಿವೇಕಾನಂದ ರೆಡ್ಡಿ ಅವರ ಹತ್ಯೆಯ ಕುರಿತು ವೈಎಸ್‍ಆರ್‍ಸಿಪಿ ಮುಖ್ಯಸ್ಥರ ಕಾಮೆಂಟ್‍ಗಳಿಗೆ ಪ್ರತಿಕ್ರಿಯಿಸಿದ ನಾಯ್ಡು, ಆ ಹತ್ಯೆಯ ಸುತ್ತ ವೈಎಸ್‍ಆರ್‍ಸಿಪಿಯ ನಿರೂಪಣೆಯಲ್ಲಿ ಅಸಂಗತತೆಗಳಿವೆ ಎಂದು ಆರೋಪಿಸಿದರು.ಬಳಿಕ ಕದಿರಿ ಪಟ್ಟಣದ ಎಸ್ ಟಿಎಸ್ ಎನ್ ಕಾಲೇಜು ಮೈದಾನದಲ್ಲಿ ಮುಸ್ಲಿಂ ಸಮುದಾಯದವರೊಂದಿಗೆ ಇಫ್ತಾರ್ ಕೂಟದಲ್ಲಿ ನಾಯ್ಡು ಪಾಲ್ಗೊಂಡರು. ಆಂಧ್ರಪ್ರದೇಶದ 175 ಸದಸ್ಯ ಬಲದ ಅಸೆಂಬ್ಲಿ ಮತ್ತು 25 ಲೋಕಸಭಾ ಸ್ಥಾನಗಳಿಗೆ ಮೇ 13 ರಂದು ಚುನಾವಣೆ ನಡೆಯಲಿದ್ದು, ಜೂನ್ 4 ರಂದು ಮತ ಎಣಿಕೆ ನಡೆಯಲಿದೆ

RELATED ARTICLES

Latest News