ಬೆಂಗಳೂರು,ನ.7- ಟೀಮ್ ಇಂಡಿಯಾದ ಯುವ ಕ್ರಿಕೆಟಿಗ ಶುಭಮನ್ ಗಿಲ್ ಹಾಗೂ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ ತೆಂಡೂಲ್ಕರ್ ಅವರು ಸದ್ಯದಲ್ಲೇ ವಿವಾಹವಾಗಲಿದ್ದಾರೆ ಎಂದು ಯುಎಇಯ ಖ್ಯಾತ ಕ್ರಿಕೆಟಿಗ ಚಿರಾಗ್ ಸೂರಿ ಅವರು ಅಚ್ಚರಿ ಹೇಳಿಕೆ ನೀಡಿದ್ದಾರೆ.
ಕಳೆದ ಕೆಲವು ವಷಗಳಿಂದ ಗಿಲ್ ಹಾಗೂ ಸಾರಾ ನಡುವೆ ಕುಚು ಕುಚು ನಡೆಯುತ್ತಿದೆ ಎಂಬ ಸುದ್ದಿಗಳು ಗುಟ್ಟಾಗೇನೂ ಉಳಿದಿಲ್ಲ. ಐಪಿಎಲ್ ಹಾಗೂ ಟಿ20 ವಿಶ್ವಕಪ್ ಟೂರ್ನಿಯ ವೇಳೆಯೂ ಅಭಿಮಾನಿಗಳು ಗಿಲ್ , ಫೀಲ್ಡಿಂಗ್ ಮಾಡುವಾಗ ಅಭಿಮಾನಿಗಳು ಸಾರಾ ಎಂದು ಕೂಗುವ ಮೂಲಕ ಕಿಚಾಯಿಸಿದ್ದರು.
ಈಗ ಶುಭಮನ್ ಗಿಲ್ ಅವರು ಭಾರತದಲ್ಲಿ ನಡೆಯುತ್ತಿರುವ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ತಲ್ಲೀನನಾಗಿದ್ದು, ಈ ನಡುವೆಯೇ ಇತ್ತೀಚೆಗೆ ಮುಂಬೈನ ಜಿಯೋ ವಲ್ರ್ಡ್ ಪ್ಲಾಜಾದಲ್ಲಿ ನಡೆದ ಸಮಾರಂಭದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು.
ಅಲ್ಲದೆ ಬಾಂಗ್ಲಾದೇಶ ವಿರುದ್ಧದ ಪಂದ್ಯದ ವೇಳೆ ಕ್ರೀಡಾಂಗಣಕ್ಕೆ ಆಗಮಿಸಿದ್ದ ಸಾರಾ, ಗಿಲ್ ಅವರನ್ನು ಹುರಿದುಂಬಿಸಿದ್ದರು. ಆ ಪಂದ್ಯದಲ್ಲಿ ಯುವ ಆರಂಭಿಕ ಅರ್ಧಶತಕ ಸಿಡಿಸಿದ್ದರು. ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ ಭಾರತ ಹಾಗೂ ಇಂಗ್ಲೆಂಡ್ ನಡುವಿನ ಪಂದ್ಯದ ವೇಳೆ ಗಿಲ್ 95 ರನ್‍ಗಳಿಗೆ ಔಟಾಗಿದ್ದಾಗ ಸಾರಾ ಸ್ಟ್ಯಾಡಿಂಗ್ ಎವಿಯೇಷನ್ ನೀಡಿದ್ದರು. ಈ ಘಟನೆಗಳಿಂದ ಗಿಲ್ ಹಾಗೂ ಸಾರಾ ವಿವಾಹವಾಗುತ್ತಾರೆ ಎಂಬ ಸುದ್ದಿಗಳಿಗೆ ರೆಕ್ಕೆಪುಕ್ಕಗಳು ಹುಟ್ಟಿಕೊಂಡಿವೆ.
ಮಿಜೋರಾಂನಲ್ಲಿ ಬಿಜೆಪಿ ಜೊತೆ ಮೈತ್ರಿಯಿಲ್ಲ : ಝೋರಾಮ್‍ತಂಗ
ಸಂದರ್ಶನವೊಂದರಲ್ಲಿ ಮುಂದೆ ಮದುವೆಯಾಗುವ ಕ್ರಿಕೆಟಿಗ ಯಾರು ಎಂಬ ಪ್ರಶ್ನೆಯನ್ನು ಯುಎಇ ಕ್ರಿಕೆಟಿಗ ಚಿರಾಗ್ ಸೂರಿಗೆ ಕೇಳಲಾಗಿದ್ದು, ಅದಕ್ಕೆ ಶುಭಮನ್ ಗಿಲ್ ಅವರು ತಮ್ಮ ಸುದೀರ್ಘ ಕಾಲದ ಗೆಳತಿಯನ್ನು ವಿವಾಹ ಆಗಲಿದ್ದಾರೆ ಎಂಬ ಉತ್ತರ ನೀಡಿದ್ದಾರೆ.
`ಕ್ರಿಕೆಟ್ ಲೋಕದ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ಪುತ್ರಿ ಸಾರಾ, ಬಹುಶಃ ತನ್ನ ತಂದೆಯನನು ಕಳೆದ 40-50 ವರ್ಷಗಳಿಂದ ಕ್ರಿಕೆಟ್ ಆಡುವುದನ್ನು ನೋಡಿರಬಹುದು. ಈಗ ತಮ್ಮ ಮುಂದಿನ ಜೀವನದಲ್ಲೂ ಮತ್ತೊಬ್ಬ ಕ್ರಿಕೆಟಿಗನ ಆಟವನ್ನು ನೋಡಬಹುದು’ ಎಂದು ಚಿರಾಗ್ ಹೇಳಿದ್ದಾರೆ. ಚಿರಾಗ್ ಅವರು ತಮ್ಮ ವೃತ್ತಿ ಜೀವನದಲ್ಲಿ ಆಡಿರುವ 18 ಪಂದ್ಯಗಳಿಂದ 2 ಶತಕ ಹಾಗೂ 3 ಅರ್ಧಶತಕಗಳ ನೆರವಿನಿಂದ 500 ರನ್‍ಗಳನ್ನು ಬಾರಿಸಿದ್ದಾರೆ.