ಬೆಂಗಳೂರು,ಫೆ.13- ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ವಂದೇ ಮಾತರಂ ವಿಷಯದ ಬಗ್ಗೆ ಕ್ರೆಡಿಟ್ ತೆಗೆದುಕೊಳ್ಳುವ ನೈತಿಕ ಹಕ್ಕನ್ನು ಹೊಂದಿಲ್ಲ ಎಂದು ವಿಧಾನಪರಿಷತ್ತಿನ ವಿರೋಧ ಪಕ್ಷದ ಮುಖ್ಯ ಸಚೇತಕ ಎನ್. ರವಿಕುಮಾರ್ ತಿರುಗೇಟು ನೀಡಿದ್ದಾರೆ.
1937 ರಲ್ಲಿ ಮುಸ್ಲಿಂ ಲೀಗ್ ನಾಯಕರು ವಂದೇ ಮಾತರಂನ ಕೊನೆಯ ನಾಲ್ಕು ಚರಣಗಳನ್ನು ದುರ್ಗಾದೇವಿ ಮತ್ತು ಲಕ್ಷ್ಮಿ ದೇವಿಯ ಉಲ್ಲೇಖವಿದೆ ಎಂದು ಆಕ್ಷೇಪಿಸಿದರು, ಅದು ವಿಗ್ರಹಾರಾಧನೆಗೆ ಸಮನಾಗಿರುತ್ತದೆ ಮತ್ತು ಆದ್ದರಿಂದ ಮುಸ್ಲಿಮರಿಗೆ ಸ್ವೀಕಾರಾರ್ಹವಲ್ಲ ಎಂಬುದಕ್ಕೆ ಇತಿಹಾಸವು ಸಾಕ್ಷಿಯಾಗಿದೆ.
ಮುಸ್ಲಿಮರನ್ನು ಸಮಾಧಾನಪಡಿಸಲು ರಾಷ್ಟ್ರೀಯ ಗೀತೆಯನ್ನು ಮೊಟಕುಗೊಳಿಸಲಾಗಿದೆ ಎಂದು ಆರೋಪಿಸಿದ್ದಾರೆ. 1937 ರಲ್ಲಿ ಫೈಜ್ಪುರದಲ್ಲಿ ನಡೆದ ಕಾಂಗ್ರೆಸ್ ಅಧಿವೇಶನದ ಅಧ್ಯಕ್ಷತೆ ವಹಿಸಿದ್ದ ಪಂಡಿತ್ ಜವಾಹರಲಾಲ್ ನೆಹರು, ಮಹಾತ ಗಾಂಧಿಯವರೊಂದಿಗೆ ಚರ್ಚಿಸಿ, ರವೀಂದ್ರನಾಥ ಠಾಗೋರ್ ಅವರ ಸಲಹೆಯ ಮೇರೆಗೆ, ವಂದೇ ಮಾತರಂ ಅನ್ನು ಮೊದಲ ಎರಡು ಚರಣಗಳಿಗೆ ಇಳಿಸುವ ಮೂಲಕ ಅದನ್ನು ಮೊಟಕುಗೊಳಿಸಲು ಒಪ್ಪಿಕೊಂಡರು.
ಇದು ಕಾಂಗ್ರೆಸ್ನ ಮುಸ್ಲಿಂ ತುಷ್ಟೀಕರಣದ ನೀತಿಯ ಮುಂದುವರಿಕೆಯಾಗಿತ್ತು. ವಂದೇ ಮಾತರಂ ವಿಭಜನೆಯು ನಂತರ ದೇಶದ ವಿಭಜನೆಗೆ ಕಾರಣವಾಯಿತು ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಕಾಂಗ್ರೆಸ್ – ಅದರ ಮುಸ್ಲಿಂ ತುಷ್ಟೀಕರಣ ನೀತಿಯಿಂದಾಗಿ – ಮುಸ್ಲಿಂ ಲಾಬಿಯ ಒತ್ತಡಕ್ಕೆ ಮಣಿಯುತ್ತಲೇ ಇತ್ತು. ಇದು ದೇಶದ ವಿಭಜನೆಗೆ ಕಾರಣವಾಯಿತು. 1937 ರ ಅಕ್ಟೋಬರ್ 20 ರಂದು ನೆಹರು ಸುಭಾಷ್ ಚಂದ್ರ ಬೋಸ್ ಅವರಿಗೆ ಬರೆದ ಪತ್ರದ ಆಯ್ದ ಭಾಗಗಳನ್ನು ರವಿ ಕುಮಾರ್ ಉಲ್ಲೇಖಿಸಿದರು, ಅದರಲ್ಲಿ ಅವರು ವಂದೇ ಮಾತರಂ ವಿರುದ್ಧದ ಪ್ರಸ್ತುತ ಕೂಗು ಹೆಚ್ಚಾಗಿ ಕೋಮುವಾದಿಗಳಿಂದ ತಯಾರಿಸಲ್ಪಟ್ಟಿದೆ. ಆದರೆ ಅದರಲ್ಲಿ ಕೆಲವು ವಿಷಯಗಳಿವೆ ಎಂದು ತೋರುತ್ತದೆ ಎಂದು ಬರೆದಿದ್ದರು.
ಈ ಪತ್ರದ ನಂತರ, ಅಕ್ಟೋಬರ್ 26 ಮತ್ತು ನವೆಂಬರ್ 1, 1937 ರ ನಡುವೆ, ನೆಹರೂ ಅವರ ಅಧ್ಯಕ್ಷತೆಯಲ್ಲಿ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿಯು ವಂದೇ ಮಾತರಂ ಅನ್ನು ಔಪಚಾರಿಕವಾಗಿ ಮೊಟಕುಗೊಳಿಸಿತು ಎಂದು ದೂರಿದ್ದಾರೆ.
ವಂದೇ ಮಾತರಂ ಅನ್ನು ಮೊಟಕುಗೊಳಿಸುವುದು ಲಕ್ಷಾಂತರ ಭಾರತೀಯರಿಗೆ ಅವರ ಧಾರ್ಮಿಕ ಪಂಗಡವನ್ನು ಲೆಕ್ಕಿಸದೆ ಕಾಂಗ್ರೆಸ್ ಮಾಡಿದ ದೊಡ್ಡ ದ್ರೋಹವಾಗಿದೆ. ಪರಿಸ್ಥಿತಿ ಧೈರ್ಯವನ್ನು ಬೇಡಿದಾಗ, ಕಾಂಗ್ರೆಸ್ ರಾಜಿ ಮಾಡಿಕೊಳ್ಳಲು ನಿರ್ಧರಿಸಿತು. ಮುಸ್ಲಿಂ ಲೀಗ್ ಒತ್ತಡಕ್ಕೆ ಮಣಿಯುವ ಬದಲು, ಕಾಂಗ್ರೆಸ್ ಧೈರ್ಯ, ದೃಢನಿಶ್ಚಯವನ್ನು ತೋರಿಸಿದ್ದರೆ, ದೇಶದ ಭವಿಷ್ಯವು ಗುಣಾತಕವಾಗಿ ವಿಭಿನ್ನವಾಗಿರುತ್ತಿತ್ತು ಎಂದು ರವಿಕುಮಾರ್ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.