ಬೆಂಗಳೂರು, ಅ.8- ಬಹುಭಾಷಾ ನಟ ನಾನಾಪಾಟೇಕರ್‌ (75) ಹೃದಯಾಘಾತದಿಂದ ಇಂದು ನಿಧನರಾಗಿದ್ದು, ಅವರಿಗೆ ಕನ್ನಡ ಚಿತ್ರರಂಗ, ಕನ್ನಡನಾಡಿನೊಂದಿಗೆ ಅಪಾರ ನಂಟಿದೆ.2010ರಲ್ಲಿ ಲೂಸ್‌‍ಮಾದ ಯೋಗಿ ಅಭಿನಯದ ಯಜ್ಞ ಸಿನಿಮಾದಲ್ಲಿ ಯೋಗೇಶ್‌ ಪುಲಕೇಶಿ ಎಂಬ ಖಡಕ್‌ ಪೊಲೀಸ್‌ ಅಧಿಕಾರಿ ಹಾಗೂ ನಾಯಕನಟ ಯೋಗಿ ಅವರ ತಂದೆಯ ಪಾತ್ರದಲ್ಲಿ ಅಭಿನಯಿಸಿದ್ದರು.
ಕನ್ನಡ ಮೇಲಿನ ಅಪಾರವಾದ ಪ್ರೇಮದಿಂದ ಈ ಸಿನಿಮಾದ ತಮ ಪಾತ್ರಕ್ಕೆ ಸ್ವತಃ ಡಬ್ಬಿಂಗ್‌ ಮಾಡಿದ್ದರಲ್ಲದೆ, ಹುಲಿವೇಷ ಕುಣಿತದಿಂದ ಜನಪದ ಕಲೆಯಲ್ಲೂ ಹೆಜ್ಜೆ ಹಾಕಿ ಅಪಾರ ಮೆಚ್ಚುಗೆ ಗಳಿಸಿಕೊಂಡಿದ್ದರು. ಒಬ್ಬ ನಟನಿಗೆ ಭಾಷೆ, ಸಂಸ್ಕೃತಿ, ಗಡಿಯ ರೇಖೆ ಇರಬಾರದು ಎಂಬುದನ್ನು ಆ ಮೂಲಕ ತೋರಿಸಿದ್ದರು.
ಐದು ದಶಕಗಳ ಸಿನಿ ಬದುಕಿನ ಕಲಾಸೇವೆಗಾಗಿ ನಾನಾಪಾಟೇಕರ್‌ ಅವರಿಗೆ 2013ರಲ್ಲಿ ಮಹೋನ್ನತ ಪದಶ್ರೀ ಪ್ರಶಸ್ತಿ ಸೇರಿದಂತೆ ಹಲವು ಪ್ರಶಸ್ತಿಗಳು ಲಭಿಸಿವೆ. ಇವರ ಕಲಾಸೇವೆ ಹಾಗೂ ತಮ ನಾಮ್‌ ಫೌಂಡೇಷನ್‌ ಮೂಲಕ ರೈತರಿಗೆ ನೆರವಾಗುತ್ತಿದ್ದ ಇವರ ಮನೋಧರ್ಮವನ್ನು ಗುರುತಿಸಿ ಬಸವ ಸೇವಾ ಪ್ರತಿಷ್ಠಾನದಿಂದ 2017ರಲ್ಲಿ ಗುರು ಬಸವ ಪುರುಸ್ಕಾರ, ದಕ್ಷಿಣ ಕನ್ನಡದ ಹನುಮಗಿರಿ ಸ್ಥಳೀಯ ಕೇಂದ್ರ ಸಂಸ್ಥೆಯಿಂದ ಧರ್ಮಶ್ರೀ ಪ್ರಶಸ್ತಿ, 2024ರಲ್ಲಿ ಮಂಗಳೂರು ರಾಜ್ಯೋತ್ಸವ ಪ್ರಶಸ್ತಿಯೊಂದಿಗೆ ಪುರಸ್ಕರಿಸಲಾಗಿತ್ತು.
2025ರ ಜೂನ್‌ನಲ್ಲಿ ಬೆಳಗಾವಿಯ ಸೂಪರ್‌ ಸ್ಪೆಷಾಲಿಟಿ ಆಸ್ಪತ್ರೆಯ ಉದ್ಘಾಟನಾ ಸಮಾರಂಭದಲ್ಲೂ ನಾನಾಪಾಟೇಕರ್‌ ಅವರು ಭಾಗಿಯಾಗುವ ಮೂಲಕ ಕನ್ನಡಿಗರ ಮೆಚ್ಚುಗೆಗೆ ಪಾತ್ರರಾಗಿದ್ದರು.ಮಂಗಳೂರಿನ ಸೇಂಟ್‌ ಅಲೋಶಿಯಸ್‌ ಕಾಲೇಜಿನಲ್ಲಿ ಹಮಿಕೊಂಡಿದ್ದ ರಂಗೋತ್ಸವ ನಾಟಕೋತ್ಸವವನ್ನು ಪಂಚಭಾಷಾ ನಟ ಪ್ರಕಾಶ್‌ರೈರೊಂದಿಗೆ ಆಗಮಿಸಿ ನಾನಾಪಾಟೇಕರ್‌ ಉದ್ಘಾಟಿಸಿದರು.
ಡೈಲಾಗ್‌ ಕಿಂಗ್‌ ನಾನಾ ಪಾಟೇಕರ್ ಅವರು ನಟಿಸಿದ್ದ ಪ್ರಹಾರ್‌ ಸಿನಿಮಾದ ಚಿತ್ರೀಕರಣವು 1991ರಲ್ಲಿ ಬೆಳಗಾವಿ ಜಿಲ್ಲೆಯ ರಾಮದುರ್ಗ ಬಳಿ ಚಿತ್ರೀಕರಿಸಲಾಗಿತ್ತು. ಈ ಸಿನಿಮಾದಲ್ಲಿ ಅವರೊಂದಿಗೆ ಕಾಜಲ್‌ ಅಗರ್‌ವಾಲ್‌, ರುಕಿಣಿ ವಿಜಯನ್‌ ಮುಂತಾದವರು ನಟಿಸಿದ್ದರು. ಸುತ್ತಮುತ್ತಲಿನ ಜನರು ಚಿತ್ರೀಕರಣದ ಸ್ಥಳಕ್ಕೆ ಆಗಮಿಸಿ ನಾನಾ ಪಾಟೇಕರ್‌ರನ್ನು ನೋಡಿ ಸಂತಸದ ಕ್ಷಣ ಕಳೆದಿದ್ದರು.
